കൊച്ചിയില് സ്കൂള് വാന് കത്തിയമര്ന്നു, തലനാരിഴയ്ക്ക് കുട്ടികള് രക്ഷപ്പെട്ടു, രക്ഷപ്പെടല് ഇങ്ങനെ
കൊച്ചി: തലനാരിഴയ്ക്ക് വന് ദുരന്തം ഒഴിവായതിന്റെ ആശ്വാസത്തിലാണ് കൊച്ചി-മുണ്ടംവേലി ദ്രോണാചാര്യ കേന്ദ്രീയ വിദ്യാലയം. കുട്ടികളെ സ്കൂളില് എത്തിച്ചിരുന്ന ഒരു വാഹനം രാവിലെ കത്തി നശിച്ചതിന്റെ ഞെട്ടലിലാണ് കുട്ടികളും അധ്യാപകരും. രാവിലെ 8.45 ന് കുട്ടികളെ സ്കൂളില് ഇറക്കിയ ശേഷം പുറതിതേയ്ക്കിറങ്ങിയ വാഹനം നിമിഷങ്ങള്ക്കകം കത്തിയമര്ന്നു .
വലിയ ശബ്ദത്തോടെയാണ് വാഹനം കത്തിയമര്ന്നത് . വാഹനത്തില് സ്ഥിരമായി സ്കൂളില് എത്തിയിരുന്നത് 12 കുട്ടികളാണ്. കുട്ടികളെ സ്കൂളില് ഇറക്കിയതിനാല് വന് ദുരന്തമാണ് ഒഴിവായത് . വാഹനത്തില് നിന്നും വ്യത്യസ്തമായ ശബ്ദം കേട്ടതിനെത്തുടര്ന്ന് ഡ്രൈവര് പുറത്തിറങ്ങി പരിശോധിയ്ക്കുമ്പോഴാണ് തീപിടിത്തം ഉണ്ടായത് .
പെട്രോളും എല്പിജിയും ഉപയോഗിച്ച് ഓടിയിരുന്ന വാഹനമാണിത് . വാഹനത്തിന് പുറത്തായതിനാല് ഡ്രൈവര് ലോറന്സും പരിക്കേല്ക്കാതെ രക്ഷപ്പെട്ടു . ഓടിക്കൂടിയ നാട്ടുകാരാണ് തീ അണച്ചത് . സംഭവത്തെപ്പറ്റി പൊലീസും മോട്ടോര് വാഹനവകുപ്പും അന്വേഷണം ആരംഭിച്ചിട്ടുണ്ട് .