കേരളത്തില് ലോക്ഡൗണ് കാലത്ത് കുട്ടികളുടെ ആത്മഹത്യ നിരക്ക് വര്ധിച്ചിട്ടില്ലെന്ന് അന്വേഷണ സമിതി
തിരുവനന്തപുരം: കേരളത്തില് ലോക്ക്ഡൗണ് കാലയളവില് 66 സ്കൂള് വിദ്യാര്ഥികള് ആത്മഹത്യ ചെയ്തതായി റിപ്പോര്ട്ട്. ലോക്ഡൗണ് പ്രഖ്യാപിച്ച മാര്ച്ച് 25നും ജൂലൈ 10നുമിടയില് മരിച്ച കുട്ടികളുടെ കണക്കാണിത്. ലോക്ഡൗണ് കാലയളവില് കോരളത്തില് സ്കൂള് വിദ്യാര്ഥികള് കൂടുതലായി ആത്മഹത്യ ചെയ്യുന്നുവെന്ന റിപ്പോര്ട്ടിനെ തുടര്ന്ന് ഡി. ജി . പി ആര് ശ്രീലേഖയുടെ നേതൃത്വത്തില് രൂപികരിച്ച സമിതിയാണ് ആത്മഹത്യ ചെയ്ത കുട്ടികളുടെ എണ്ണം റിപ്പോര്ട്ട് ചെയ്തത്. എന്നാല് ലോക്ക്ഡൗണ് സമയത്ത് ആത്മഹത്യാ നിരക്ക് വര്ധിച്ചതായി കാണുന്നില്ലെന്നാണ് സമിതിയുടെ കണ്ടെത്തല്. 2019 ഇതേ കാലയളവില് 83 കുട്ടികള് ആത്മഹത്യ ചെയ്തതായി സമിതി കണ്ടെത്തി.
ഈ വര്ഷം ജനുവരി മുതല് ജൂലൈ 31 വരെ 158 സ്കൂള് വിദ്യാര്ഥികളാണ് ആത്മഹത്യ ചെയ്തത്. ഇത് 2019ലെ കണക്കിനേക്കാള് കൂടുതല് ആണ് . 2019ല് ഈ കാലയളവില് 147 കുട്ടികളാണ് ആത്മഹത്യചെയ്തത്. കോവിഡ് ബാധയും ലോക്ക്ഡൗണും ആത്മഹത്യ ഉയരുന്നതിന് കാരണമായിട്ടില്ല എന്നാതാണ് സമിതിയുടെവിലയിരുത്തല്.ജീവിതത്തെക്കുറിച്ചുള്ള അമിതമായ ഉത്കണ്ടയും പ്രതിസന്ധികള് ധൈര്യപൂര്വ്വം നേരിടാന് സാധിക്കാത്തുമാണ് വിദ്യാര്ഥികളെ ആത്മഹത്യയിലേക്ക് നയിക്കുന്നതെന്ന് സമിതിയില് അംഗമായ ഡോ. അനില് പ്രഭാകരന് പറയുന്നു.
സമിതിയുടെ റിപ്പോര്ട്ട് അനുസരിച്ച് ഒരു വലിയ വിഭാഗം പോക്സോ കേസുകളും പുറത്തു വരുന്നത് സ്കൂളുകളില് നടക്കുന്ന കൗണ്സിലിങ്ങുകളിലൂടെ ആണെന്നും എന്നാല് ലോക്ഡൗണ് ആയതോടെ ഇത്തരം അവസരങ്ങള് ലഭിക്കാത്ത ഇരകളായ കുട്ടികള് മാനസിക ക്ലേശത്താല് ആത്മഹത്യ ചെയ്യുന്നതായും സമിതി കണ്ടെത്തി .റിപ്പോര്ട്ട് അനുസരിച്ച് ആത്മഹത്യചെയ്ത 91 ശതമാനം വിദ്യാര്ഥികളുടെ കുടുംബവും ഇടത്തരമോ തീരെ താഴ്ന്നതോ ആയ സാമ്പത്തിക സ്ഥിതിയില് ഉള്ളവരാണ് . 50ശതമാനം കുട്ടികളും ആത്മഹത്യ ചെയ്യുന്നത് പഠനത്തിന്റെ പേരുപറഞ്ഞാണ്. ആത്മഹത്യ ചെയ്ത കുട്ടികളില് ഒരാള് പ്രസിഡന്റില് നിന്നും അവാര്ഡ് ലഭിച്ച കുട്ടിയാണൈന്നത് അത്ഭുതപ്പെടുത്തന്നതായും റിപ്പോര്ട്ടില് പറയുന്നു.
Recommended Video
കുട്ടികള്ക്ക് നിലവിലെ സാമൂഹിക സാഹചര്യവുമായി ചേര്ന്ന് പോകാന് സാധിക്കുന്നില്ല. മാതാപിതാക്കള്ക്കും അധ്യാപകര്ക്കും വിദ്യാര്ഥികളുടെ പ്രശ്നങ്ങള് കൃത്യമായി മനസിലാക്കി ഇടപെടാന് സാധിക്കുന്നില്ലെന്നും സമിതി കുറ്റപ്പെടുത്തി. സര്ക്കാര് സ്കൂളുകളില് പഠിക്കുന്ന വിവിദ്യാര്ഥികളാണ് ആത്മഹത്യ ചെയ്ത വിദ്യാര്ഥികളില് 48ശതമാനവും. 30 ശതമാനം അര്ധ സര്ക്കാര് വിദായാലയങ്ങളില് പഠിച്ചവര്. 15നും 18നും ഇടക്കുള്ള 108 സ്കൂള് വിദ്യാര്ഥികള് ഈ കാലയളവില് ആത്മഹത്യ ചെയ്തതായും സമിതി കണ്ടെത്തി.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google