നാളെ സ്കൂള് അവധി ഈ ജില്ലയില്; സര്ക്കാര് ഓഫീസുകള്ക്കും പ്രാദേശിക അവധി ബാധകം
തൃശൂര്: നാളെ തൃശൂരില് ചരിത്രപ്രസിദ്ധമായ ഉത്രാളിക്കാവ് പൂരം നടക്കുന്നതിനാല് വടക്കാഞ്ചേരി നഗരസഭ പരിധിയില് സ്കൂളുകള്ക്കും സര്ക്കാര് ഓഫീസുകള്ക്കും പ്രാദേശിക അവധി. ജില്ലാ കലക്ടറാണ് അവധി പ്രഖ്യാപിച്ചത്. വടക്കാഞ്ചേരി നഗരസഭാ പരിധിയില് ഉള്പ്പെടുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും തലപ്പിള്ളി താലൂക്കില്പ്പെട്ട എങ്കക്കാട് ഗ്രൂപ്പ് വില്ലേജ് ഓഫീസിലുമാണ് അവധി പ്രഖ്യാപിച്ചിരിക്കുന്നത്.
അതേസമയം, മുന് നിശ്ചയിച്ച പൊതു പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കില്ല. കേന്ദ്ര സസ്ഥാന, അര്ദ്ധസര്ക്കാര് സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്ക്കും അവധി ബാധകമല്ല. പൂരത്തിനു മുന്നോടിയായി പ്രദേശത്ത് ഗതാഗത ക്രമീകരണം ഏര്പ്പെടുത്തിയിരുന്നു.
അവധിയുമായി ബന്ധപ്പെട്ട് കലക്ടറുടെ ഫേസ്ബുക്ക് കുറിപ്പ് ഇങ്ങനെ:
ഉത്രാളിക്കാവ് പൂരം; ഫെബ്രുവരി 24 ന് വടക്കാഞ്ചേരി നഗരസഭ പരിധിയില് പ്രാദേശിക അവധി
ഉത്രാളിക്കാവ് പൂരം ആഘോഷിക്കുന്ന ഫെബ്രുവരി 24 ന് വടക്കാഞ്ചേരി നഗരസഭ പരിധിയില് ഉള്പ്പെടുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും തലപ്പിള്ളി താലൂക്കില് ഉള്പ്പെട്ട എങ്കക്കാട് ഗ്രൂപ്പ് വില്ലേജ് ഓഫീസിനും ജില്ലാ കളക്ടര് അവധി പ്രഖ്യാപിച്ചു. മുന് നിശ്ചയിച്ച പൊതുപരീക്ഷകള്ക്കും കേന്ദ്ര-സംസ്ഥാന, അര്ദ്ധ സര്ക്കാര് സ്ഥാപനങ്ങളിലേക്ക് നിയമനത്തിനായി നടത്തുന്ന പരീക്ഷകള്ക്കും അവധി ബാധകമല്ല.
Click it and Unblock the Notifications
Sign in with Google