ഈ ജില്ലകളില് നാളേയും സ്കൂള് അവധി; സംസ്ഥാനത്താകെ കനത്ത മഴ!
സംസ്ഥാനത്ത് കനത്ത മഴ തുടരുന്ന പശ്ചാത്തലത്തില് കേരളത്തിലെ 8 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. കോഴിക്കോട്, ആലപ്പുഴ, പത്തനംതിട്ട, മലപ്പുറം, കോട്ടയം, തൃശൂര്, കാസര്കോട്, എറണാകുളം ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. അതേസമയം ആഗസ്റ്റ് 4, 5, 6, 10 തിയതികളില് നടത്താനിരുന്ന പിഎസ് സി പരീക്ഷകളും മാറ്റിയിട്ടുണ്ട്. ശക്തമായ മഴ തുടരുന്ന സാഹചര്യത്തില് ജില്ലയിലെ പ്രാഫഷണല് കോളെജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (2026 ഓഗസ്റ്റ് 4, ചൊവ്വ) അവധി ആയിരിക്കും എന്ന് മലപ്പുറം കളക്ടര് അറിയിച്ചു.
മദ്രസകള്, ട്യൂഷന് സെന്ററുകള്, അങ്കണവാടികള് എന്നിവയ്ക്കും അവധി ബാധകമാണ് എന്നും എന്നാല് മുന്കൂട്ടി നിശ്ചയിച്ച യൂണിവേഴ്സിറ്റിപരീക്ഷകള്ക്ക് മാറ്റമുണ്ടായിരിക്കില്ല എന്നും കളക്ടര് വ്യക്തമാക്കി. അതേസമയം കനത്ത മഴയെ തുടര്ന്നും പ്രളയ ബാധിത ക്യാംപുകള് സ്കൂളുകളില് പ്രവര്ത്തിക്കുന്നതിനാലും ജില്ലയിലെ പ്രൊഫഷല് കോളേജുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും എന്ന് പത്തനംതിട്ട ജില്ലാ കളക്ടറും അറിയിച്ചു.
കോഴിക്കോട് ജില്ലയിലെ മലയോര മേഖലകളിലും മറ്റും ശക്തമായ മഴ പെയ്യുന്നതിനാലും, തുടര്ന്നും മഴ പ്രതീക്ഷിക്കുന്നതിനാലും, വെള്ളക്കെട്ടുള്ളതിനാലും ജില്ലയിലെ സ്കൂളുകള്, മദ്രസകള്, ട്യൂഷന് സെന്ററുകള്, പ്രൊഫഷണല് കോളേജുകള്, അങ്കണവാടികള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച അവധി പ്രഖ്യാപിക്കുന്നു എന്ന് കളക്ടര് പറഞ്ഞു.
അതേസമയം കണ്ണൂര്, ഇടുക്കി, വയനാട് ജില്ലകളില് ഭാഗിക അവധിയും പ്രഖ്യാപിച്ചിട്ടുണ്ട്. കണ്ണൂര് ജില്ലയില് പയ്യന്നൂര്, തളിപ്പറമ്പ്, ഇരിട്ടി താലൂക്കുകളിലാണ് വിദ്യാഭ്യാസ സ്ഥാപനങ്ങള്ക്ക് അവധിയുള്ളത്. പ്രൊഫഷണല് കോളേജുകള്ക്ക് അവധി ബാധകമല്ല. അതേസമയം ട്യൂഷന് സെന്ററുകള്, മദ്രസകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് അവധി ബാധകമാകും.
മുന്കൂട്ടി നിശ്ചയിച്ച സര്വകലാശാല/പൊതു പരീക്ഷകള്ക്കും അഭിമുഖങ്ങള്ക്കും അവധി ബാധകമല്ല. ഇടുക്കി ജില്ലയില് ദുരിതാശ്വാസ ക്യാമ്പുകളായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് ക്യാമ്പ് അവസാനിക്കുന്ന ദിവസം വരെ അവധിയായിരിക്കും എന്ന് ജില്ലാ കളക്ടര് അറിയിച്ചു. അവധി മൂലം നഷ്ടപ്പെടുന്ന പഠന സമയം ഓണ്ലൈന് ക്ലാസുകള് ഉള്പ്പടെ നടത്തി ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കണമെന്നും കളക്ടര് നിര്ദേശിച്ചു.
വയനാട് ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് നാളെ അവധിയായിരിക്കുമെന്ന് കളക്ടര് അറിയിച്ചു.
Click it and Unblock the Notifications
Sign in with Google