മലപ്പുറം, ആലപ്പുഴ ജില്ലകളിലും നാളെ സ്കൂള് അവധി; കണ്ണൂരില് അവധിയില്ല
തിരുവനന്തപുരം: കനത്ത മഴ തുടരുന്ന പശ്ചാത്തലത്തില് നാളെ (ചൊവ്വ) മലപ്പുറം, ആലപ്പുഴ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധിയായിരിക്കും എന്ന് അതത് ജില്ലാ കളക്ടര്മാര് അറിയിച്ചു. മലപ്പുറം ജില്ലയിലെ പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് ജില്ലാ കളക്ടര് അവധി പ്രഖ്യാപിച്ചിരിക്കുന്നത്. മദ്രസകള്, അങ്കണവാടികള്, ട്യൂഷന് സെന്ററുകള് എന്നിവക്കെല്ലാം അവധി ബാധകമാണ്.
പരീക്ഷകള് മുന്നിശ്ചയ പ്രകാരം നടക്കും. അതേസമയം ആലപ്പുഴ ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും, ട്യൂഷന് സെന്ററുകള്ക്കും, അംഗനവാടികള്ക്കും നാളെ അവധിയായിരിക്കും എന്ന് ജില്ലാ കളക്ടര് അറിയിച്ചു. എന്നാല് മുന് നിശ്ചയിച്ച പ്രകാരമുള്ള പരീക്ഷകള്ക്ക് മാറ്റമുണ്ടായിരിക്കില്ല. അതിനിടെ കണ്ണൂരില് നാളെ അവധിയൊന്നും പ്രഖ്യാപിച്ചിട്ടില്ല എന്ന് ജില്ലാ കലക്ടറുടെ ചുമതലയുള്ള എഡിഎം സി പദ്മചന്ദ്ര കുറുപ്പ് അറിയിച്ചു.
ഇത് സംബന്ധിച്ച് പൊതുജനങ്ങള് ഔദ്യോഗികമായ അറിയിപ്പുകള് മാത്രം പിന്തുടരണം എന്നും ചൊവ്വാഴ്ച ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചുവെന്ന രീതിയിലുള്ള വ്യാജവാര്ത്തകള് പ്രചരിപ്പിക്കുന്നവര്ക്കെതിരെ കര്ശനമായ നിയമ നടപടി എടുക്കുമെന്നും എഡിഎം അറിയിച്ചു. അതേസമയം കാസര്കോട്, തൃശൂര് ജില്ലകളിലും നാളെ അവധി പ്രഖ്യാപിച്ചിട്ടുണ്ട്.
തൃശൂരിലെ അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്സി സ്കൂളുകള്, പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളത്തെ അവധി ബാധകമായിരിക്കും. അതേസമയം മുന്കൂട്ടി നിശ്ചയിച്ച പരീക്ഷകള്ക്കും ഇന്റര്വ്യൂകള്ക്കും മാറ്റമുണ്ടായിരിക്കുന്നതല്ലെന്ന് ജില്ലാ ഭരണകൂടം അറിയിച്ചു.
കാസര്കോട് ജില്ലയിലും പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് നാളെ അവധിയാണ്. ട്യൂഷന് സെന്ററുകള്, അങ്കണവാടികള്, മദ്രസകള് എന്നിവയ്ക്കും അവധി ബാധകമായിരിക്കും. എന്നാല് മോഡല് റസിഡന്ഷല് സ്കൂളുകള്ക്ക് അവധി ബാധകമല്ല. നാളെ സംസ്ഥാനത്ത് അഞ്ച് ജില്ലകളില് റെഡ് അലര്ട്ട് ആണ് പ്രഖ്യാപിച്ചിരിക്കുന്നത്.
മലപ്പുറം, കോഴിക്കോട്, വയനാട്, കാസര്കോട്, കണ്ണൂര് ജില്ലകളിലാണ് റെഡ് അലര്ട്ട്. ഈ ജില്ലകളില് അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വിഭാഗത്തിന്റെ മുന്നറിയിപ്പ്. നാളെ എറണാകുളം, ഇടുക്കി, തൃശ്ശൂര്, പാലക്കാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും പത്തനംതിട്ട, ആലപ്പുഴ, കോട്ടയം ജില്ലയില് യെല്ലോ അലര്ട്ടും ആണ് പ്രഖ്യാപിച്ചിരിക്കുന്നത്.
അതേസമയം കേരളാ തീരത്ത് മത്സ്യബന്ധത്തിന് വിലക്ക് തുടരും. പ്രതികൂല കാലാവസ്ഥയുടെ സാഹചര്യത്തില് പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പാലിക്കണമെന്ന് ഭരണകൂടം നിര്ദ്ദേശം നല്കി.
Click it and Unblock the Notifications
Sign in with Google