എഴുത്തുകാരുടെ കൈപ്പട രചനകള് തേടി അശ്വിന് ചന്ദ്രന്; ലക്ഷ്യം പുസ്തകം
കാഞ്ഞങ്ങാട്: എഴുത്തുലോകം ആധുനിക സാങ്കേതിക വിദ്യയിലേക്ക് മാറുന്ന പുതിയ കാലത്ത് സാഹിത്യകാരന്മാരുടെ കൈപ്പടയിലുള്ള രചനകള് ശേഖരിക്കുകയാണ് അശ്വിന് ചന്ദ്രന്. എഴുത്തിനോടുള്ള ഒടുങ്ങാത്ത സ്നേഹം എഴുത്തുകാരോടുള്ള ഇഷ്ടമായി മാറിയപ്പോള് പെരിയ ഗവ. ഹയര് സെക്കണ്ടറി സ്കൂളിലെ ഒന്പതാം ക്ലാസ്സ് വിദ്യാര്ത്ഥിയായ അശ്വിന് ചന്ദ്രന് ആദ്യം ചെയ്തത് മലയാളത്തിലെ പ്രധാന എഴുത്തുകാരുടെ വിലാസങ്ങളും ഫോണ് നമ്പറുകളും ശേഖരിക്കുകയായിരുന്നു.
അവരുടെ സ്വന്തം കൈപ്പടയിലുള്ള രചനകള് ശേഖരിച്ച് കയ്യെഴുത്ത് പുസ്തമാക്കാനുള്ള തയ്യാറെടുപ്പിലാണ് അശ്വിന്. നൂറ്റിയൊന്ന് വിരലുകളിലൂടെ എന്ന് പേരിട്ടിരിക്കുന്ന പുസ്തകത്തിലേക്ക് എം ടി.വാസുദേവന് നായര് ഉള്പ്പെടെയുള്ള മഹാരഥന്മാരുടെ രചനകള് ലഭിച്ച് കഴിഞ്ഞു. കവി സച്ചിദാനന്ദനും കല്പറ്റ നാരായണനും പി. രാമനും, പി.എന് ഗോപികൃഷ്ണന് ഉള്പ്പെടെയുള്ള എഴുത്തുകാരും സൃഷ്ടികള് നല്കിയിട്ടുണ്ട്. കഥാകൃത്ത് വി.ആര് സുധീഷും പി. സുരേന്ദ്രനുമെല്ലാം ഈ 14കാരന്റെ ആഗ്രഹത്തോട് സഹകരിച്ച എഴുത്തുകാരാണ്.
ഒരു വര്ഷക്കാലത്തെ പരിശ്രമങ്ങള്ക്കൊടുവില് 60 ലധികം എഴുത്തുകാരുടെ രചനകള് ലഭിച്ചു. കേരള സാഹിത്യ അക്കാദമി പ്രസിഡണ്ടും കഥാകൃത്തുമായ വൈശാഖന് അശ്വിന്റെ പരിശ്രമങ്ങള്ക്ക് പൂര്ണ്ണ പിന്തുണ അറിയിച്ചിട്ടുണ്ട്. ജില്ലയില് എവിടെ എഴുത്തുകാര് ക്യാമ്പ് ചെയ്താലും അശ്വിന്റെ സാന്നിധ്യം അവിടെ ഉണ്ടാകും. അവര്ക്ക് മുന്നില് തന്റെ ലക്ഷ്യം അവതരിപ്പിച്ച് ക്ഷമയോടെ കാത്തിരുന്ന ശേഷം സാഹിത്യ സൃഷ്ടിയും ശേഖരിച്ചാവും മടങ്ങുന്നത്. ഇല്ലെങ്കില് തപാലില് അയച്ച് തരുമെന്നുള്ള ഉറപ്പും സ്വന്തമാക്കും.
ചെറിയ ക്ലാസ്സില് പഠിക്കുമ്പോള് തന്നെ എഴുത്തിന്റെ വഴിയിലെത്തിയ അശ്വിന് കഥയും കവിതയും ഒരു പോലെ വഴങ്ങും ഇതിനകം 40ലധികം കവിതകളും 20 ഓളം കഥകളും എഴുതിയിയിട്ടുണ്ട്. യു.പി ക്ലാസ്സുകളില് നോട്ടുപുസ്തകങ്ങളില് കുറിച്ചിട്ട സൃഷ്ടികള് ഹൈസ്ക്കൂള് ക്ലാസ്സുകളില് എത്തിയപ്പോള് കൂടുതല് മികവാര്ന്നതായി മാറി. മലയാളം അധ്യാപകനും എഴുത്തുകാരനുമായ ബിജു കാഞ്ഞങ്ങാടിന്റെ സ്നേഹപൂര്ണമായ ഇടപെടലും അശ്വിന്റെ വളര്ച്ചയ്ക്ക് തുണയായി.
ചെറുപ്രായത്തില് തന്നെ നിരവധി സാഹിത്യ പുരസ്കാരങ്ങള് അശ്വിനെ തേടിയെത്തിയിട്ടുണ്ട്. പുല്ലൂര് സര്വ്വീസ് സഹകരണ ബാങ്ക് സെക്രട്ടറി എം. ചന്ദ്രന്റെയും അധ്യാപികയായ കെ.വി. ജയസുധയുടെയും മകനാണ്. അമിത് ചന്ദ്രന് ഇരട്ട സഹോദരനാണ്. അടുത്ത അധ്യയന വര്ഷത്തില് പുസ്തകം ഒരുക്കുകയാണ് ലക്ഷ്യം.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google