കണ്ണൂര് വിമാനത്താവളം കളക്ടറേറ്റ് മൈതാനിയില്!
കണ്ണൂര്: ഉത്തരമലബാറിന്റെ സ്വപ്നങ്ങള്ക്ക് ചിറകുനല്കുന്ന കണ്ണൂര് വിമാനത്താവളം എങ്ങനെയായിരിക്കും എന്ന് കണ്ടറിയാന് ആഗ്രഹിക്കുന്നവരാണ് കണ്ണൂര് ജില്ലയിലും പുറത്തുമുള്ള ഓരോരുത്തരും. മാധ്യമങ്ങളില് വന്ന ചിത്രങ്ങളിലൂടെയല്ലാതെ ഭൂരിഭാഗം പേരും വിമാനത്താവളം കണ്ടിട്ടില്ല. ഇപ്പോഴിതാ, കണ്ണൂര് വിമാനത്താവളത്തെയൊന്നാകെ കളക്ടറേറ്റ് മൈതാനിയില് എത്തിച്ചിരിക്കുകയാണ് കിയാല് (കണ്ണൂര് ഇന്റര്നാഷണല് എയര്പോര്ട്ട് ലിമിറ്റഡ്).
നിര്ദ്ദിഷ്ട കണ്ണൂര് വിമാനത്താവളം എങ്ങനെയാണെന്ന് വിശദമായി മനസിലാക്കാന് സഹായിക്കുന്ന നിശ്ചല മാതൃക, സംസ്ഥാന സര്ക്കാറിന്റെ രണ്ടാം വാര്ഷികത്തോടനുബന്ധിച്ച് നടക്കുന്ന 'പൊന്കതിര്' മെഗാ എക്സിബിഷനിലാണ് പ്രദര്ശിപ്പിച്ചിരിക്കുന്നത്. കിയാലിനു വേണ്ടി കിറ്റ്കോ ആണ് വിമാനത്താവളത്തിന്റെ നിശ്ചല മാതൃക ഒരുക്കിയത്.
വിമാനത്താവളത്തിലെ ഇന്റഗ്രേറ്റഡ് പാസഞ്ചര് ടെര്മിനല് കെട്ടിടമാണ് നിശ്ചലമാതൃകയിലെ പ്രധാന ആകര്ഷണം. കൂടാതെ വിമാനത്താവളത്തിലേക്കു പോകാനും വരാനുമുള്ള റോഡുകള്, ആഭ്യന്തര-അന്താരാഷ്ട്ര ടെര്മിനലുകള്, ആഗമന-നിര്ഗമന ടെര്മിനലുകള്, വിശാലമായ പൂന്തോട്ടങ്ങള്, കാര് പാര്ക്കിംഗ് ഏരിയ തുടങ്ങിയവയും അടുത്തുകാണാം. വിമാനങ്ങളുടെ പാര്ക്കിംഗ് ഏരിയയില് പാര്ക്ക് ചെയ്ത 'വിമാന'ങ്ങളും ഇവിടെയുണ്ട്. എല്.ഇ.ഡി വിളക്കുകളാല് അലങ്കരിച്ചത് വിമാനത്താവളത്തിന്റെ ചെറുമാതൃകയുടെ മാറ്റുകൂട്ടുന്നു. കാണാനെത്തുന്നവര്ക്ക് മനസിലാകാത്ത കാര്യങ്ങള് വിശദീകരിക്കാനായി കിയാലിന്റെ ഉദ്യാഗസ്ഥരും ഇവിടെ ഉണ്ട്.
മട്ടന്നൂരിനടുത്തുള്ള മൂര്ഖന് പറമ്പിലാണ് കേരളത്തിലെ നാലാമത്തെ അന്താരാഷ്ട്ര വിമാനത്താവളമാകാനൊരുങ്ങുന്ന കണ്ണൂര് അന്താരാഷ്ട്ര വിമാനത്താവളം സ്ഥിതി ചെയ്യുന്നത്. നിലവില് 95 ശതമാനം ജോലികളും പൂര്ത്തിയായ വിമാനത്താവളത്തില് ബാക്കിയുള്ള ജോലികള്ക്കൊപ്പം സാങ്കേതിക പരിശോധനകളാണ് ഇനി പൂര്ത്തിയാകാനുള്ളത്.
ലോകോത്തര നിലവാരമുള്ള സൗകര്യങ്ങളാണ് കണ്ണൂര് അന്താരാഷ്ട്ര വിമാനത്താവളത്തില് ഒരുക്കിയിട്ടുള്ളത്. അത്യാധുനിക സൗകര്യങ്ങളോടുകൂടിയ ടെര്മിനല് കെട്ടിടത്തിന്റെ വിസ്തീര്ണ്ണം 97,000 സ്ക്വയര് കിലോമീറ്ററാണ്. രാജ്യത്തെ ഏറ്റവും വലിയ എട്ടാമത്തെ ടെര്മിനല് കെട്ടിടമാണ് ഇത്. 48 ചെക്ക്-ഇന് കൗണ്ടറുകള്, സെല്ഫ് ചെക്ക്-ഇന് സൗകര്യം, ആറ് എയ്റോ ബ്രിഡ്ജുകള് എന്നിവയും കണ്ണൂര് വിമാനത്താവളത്തില് ഉണ്ട്.
ഏതുകാലാവസ്ഥയിലും വിമാനങ്ങള്ക്ക് സുരക്ഷിതമായി പറന്നിറങ്ങാനുള്ള ഇന്സ്ട്രുമെന്റല് ലാന്ഡിംഗ് സിസ്റ്റം കണ്ണൂര് വിമാനത്താവളത്തില് സ്ഥാപിച്ചു കഴിഞ്ഞു.
2,300 ഏക്കറില് സ്ഥിതി ചെയ്യുന്ന വിമാനത്താവളം നിര്മ്മിക്കുന്നത് 2,290 കോടി രൂപ ചെലവിലാണ്. നിലവില് 3,050 മീറ്റര് നീളമുള്ള റണ്വേയുടെ നാലായിരം മീറ്ററായി വര്ധിപ്പിക്കുന്നതോടെ വലിയ വിമാനങ്ങള്ക്കും ഇവിടെ ഇറങ്ങാന് കഴിയും. മാത്രമല്ല, അതോടെ രാജ്യത്തെ നാലാമത്തെ ഏറ്റവും വലിയ റണ്വേ എന്ന ബഹുമതിയും കണ്ണൂര് വിമാനത്താവളത്തിന് സ്വന്തമാകും. ഒരേസമയം 20 വിമാനങ്ങള്ക്ക് ഇവിടെ പാര്ക്ക് ചെയ്യാന് കഴിയും.
കേരള മന്ത്രിസഭയുടെ രണ്ടാം വാര്ഷികാഘോഷങ്ങള് മുഖ്യമന്ത്രി പിണറായി വിജയനാണ് ഉദ്ഘാടനം ചെയ്തത്. കണ്ണൂര് കലക്ട്രേറ്റ് മൈതാനിയില് നടക്കുന്ന പൊന്കതിര് പ്രദര്ശന വിപണനമേള ആരോഗ്യമന്ത്രി കെ.കെ ശൈലജ ടീച്ചര് ഉദ്ഘാടനം ചെയ്തു. സംസ്ഥാന മന്ത്രിസഭയുടെ രണ്ടാം വാര്ഷികാഘോഷത്തിന്റെ ആറാം ദിവസമായ ഇന്ന് വൈകീട്ട് 7 മണിക്ക് പിണി ഗായകന് രതീഷ്കുമാര് പല്ലവി അവതരിപ്പക്കുന്ന ബാബുരാജ്നൈറ്റ് അരങ്ങേറും.
-
ബെംഗളൂരു വന്ദേഭാരത് എക്സ്പ്രസിൻ്റെ സമയക്രമത്തിൽ മാറ്റം വരും; ടെർമിനലും മാറും..നിർദേശവുമായി റെയിൽവെ -
മമ്മൂട്ടി പ്രതികരിച്ചപ്പോഴേക്കും വൈകിപ്പോയി, കൂടെ നിന്നത് ആസിഫും ടൊവിയും; തുറന്നടിച്ച് പാര്വതി -
നിയമസഭാ തിരഞ്ഞെടുപ്പ് LIVE: സംസ്ഥാനത്തുടനീളം മികച്ച പോളിംഗ്; നീണ്ട ക്യൂ, റെക്കോർഡ് മറികടക്കുമോ? -
"പൊതുവേദിയിൽ വച്ച് ജഗതി രഞ്ജിനിയെ ക്രൂരമായി അപമാനിച്ചു, ഇടവേള സമയത്ത് അവർ പൊട്ടിക്കരഞ്ഞു" -
വോട്ടെടുപ്പ് കഴിഞ്ഞാൽ ഉടൻ വൈകീട്ട് എക്സിറ്റ് പോൾ വരുമോ? തിരഞ്ഞെടുപ്പ് കമ്മീഷന്റെ തീരുമാനം ഇങ്ങനെ -
''മഞ്ജുവിനെ ഫോൺ വിളിച്ചാൽ ദിലീപിന്റെ വീട്ടുകാർ എടുക്കും, എന്നിട്ടേ കൊടുക്കൂ, ജയിലിൽ ഇട്ടത് പോലെ ജീവിതം'' ! -
കാത്തിരിപ്പ് വിഫലം; ചിക്കമംഗളൂരിൽ കാണാതായ ശ്രീനന്ദയുടെ മൃതദേഹം കണ്ടെത്തി -
'മഞ്ജു വാര്യർ 15 മിനിറ്റ് കൊണ്ടാണ് അതിന് ഓക്കെ പറഞ്ഞത്, ലാലേട്ടനോട് കഥ പറഞ്ഞപ്പോൾ ഇഷ്ടപ്പെട്ടില്ല'; ദീപു -
അഖിൽ മാരാരുടെ ഫേസ്ബുക്ക് പേജ് പൂട്ടിച്ചു; തൃക്കാക്കരയിലെ തൻ്റെ മുന്നേറ്റം ഭയന്നെന്ന് അഖിൽ -
ഇറാന് ഉഗ്രന് കെണി ഒരുക്കി; ഇനി പെട്രോ യുവാന് വരുന്നു, പെട്രോ റിയാലും, ഇന്ത്യയ്ക്ക് പണിയാകുമോ -
മീനാക്ഷിയും മഹാലക്ഷ്മിയും തമ്മിലുള്ള വ്യത്യാസം പറഞ്ഞ് ദിലീപ്; കാവ്യ അത്ര സോഫ്റ്റ് അല്ലെന്നും താരം അല്ലെന്നും -
ജഗദീഷിൻ്റെ ഇലക്ഷൻ പ്രവചനം ഇങ്ങനെ; നിർണായകമാവുക അക്കാര്യമെന്ന് താരം..ഗണേഷിനെ കുറിച്ചും പ്രതികരണം
Click it and Unblock the Notifications
Sign in with Google