Click it and Unblock the Notifications
Just In
Don't Miss
-
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല' -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മുത്തങ്ങയില്‍ വീണ്ടും കുഴല്‍പ്പണവേട്ട; 13.32 ലക്ഷം രൂപ പിടികൂടി
സുല്‍ത്താന്‍ബത്തേരി: മൈസൂരില്‍ നിന്നും വയനാട്ടിലേക്ക് കൊണ്ടുവരികയായിരുന്ന കുഴല്‍പ്പണം മുത്തങ്ങ എക്സൈസ് സ്‌ക്വാഡ് പിടികൂടി. മൈസൂര്‍ കോഴിക്കോട് കര്‍ണ്ണാടക ആര്‍ടിസിയിലെ യാത്രക്കാരനായ ബത്തേരി എകെജി റോഡില്‍ ലക്ഷ്മി നിവാസ് രാജേന്ദ്ര കൃഷ്ണ ജാദവ് (41) ല്‍ നിന്നാണ് 13, 32,000 രൂപ എക്സൈസ് ഇന്‍സ്പെക്ടര്‍ അമല്‍ രാജനും സംഘവും പിടികൂടിയത്. ഇയ്യാളുടെ ദേഹത്ത് കെട്ടി വെച്ച നിലയിലായിരുന്നു പണമുണ്ടായിരുന്നത്.
ഇന്നുച്ചയ്ക്ക് 12 മണിയോടെയാണ് സംഭവം.മൈസൂരില്‍ നിന്നും സ്വര്‍ണ്ണം വിറ്റുകിട്ടിയ പണമാണിതെന്നാണ് പ്രതി മൊഴി നല്‍കിയിരിക്കുന്നത്. നടപടിക്രമങ്ങള്‍ക്ക് ശേഷം പ്രതിയെ പോലീസിന് കൈമാറി.പ്രിവന്റീവ് ഓഫീസര്‍ ജി അനില്‍ കുമാര്‍, സിവില്‍ എക്സൈസ് ഓഫീസര്‍മാരായ എടികെ രാമചന്ദ്രന്‍, സന്തോഷ് കൊമ്പ്രാങ്കണ്ടി എന്നിവര്‍ എക്സൈസ് സംഘത്തിലുണ്ടായിരുന്നു.
വയനാട്ടില്‍ കഴിഞ്ഞ ഏതാനം നാളുകളായി കുഴല്‍പ്പണവേട്ട വ്യാപകമാണ്. കല്‍പ്പറ്റയില്‍ ടൗണില്‍ നിന്നും കണിയാമ്പറ്റ മില്ലുമുക്ക് സാവന്‍ വീട്ടില്‍ സബീര്‍ എന്നയാളുടെ കയ്യില്‍ നിന്നും പതിനെട്ട് ലക്ഷത്തി എണ്ണൂറ് രൂപയും നോട്ട് എണ്ണാന്‍ ഉപയോഗിക്കുന്ന മെഷീനും പിടികൂടിയത് കഴിഞ്ഞ മാര്‍ച്ചിലായിരുന്നു. കല്‍പ്പറ്റ എസ്.ഐ യും സംഘവുമാണ് ഇയാളെ കല്‍പ്പറ്റ പളളി താഴെയുള്ള റൂമില്‍ നിന്നും പിടികൂടിയത്. കൊടുവള്ളിയില്‍ നിന്നും വരുന്ന പണം ആവശ്യകാര്‍ക്ക് എത്തിച്ചു നില്‍ക്കുന്ന ഇടനിലക്കാരനായിരുന്നു ഇയാള്‍.
ഇരുപത്തിരണ്ടര ലക്ഷം രൂപ കുഴല്‍പണവുമായി കോഴിക്കോട് താമരശ്ശേരി സ്വദേശി മുത്തങ്ങ എക്സൈസ് ചെക് പോസ്റ്റില്‍ പിടിയിലായത് 2018 മാര്‍ച്ച് 18നായിരുന്നു. കോഴിക്കോട് താമരശ്ശേരി വാവാട് സ്വദേശി അബ്ദുറഹിം (40) ആണ് അന്ന് പിടിയിലായത്. ഇയാളില്‍ നിന്നും മതിയായ രേഖ കളില്ലാത്ത 22.43 ലക്ഷം രൂപയാണ് മുത്തങ്ങ എക്സൈസ് അധികൃതര്‍ പിടിച്ചെടുത്തത്. കര്‍ണാടകയില്‍ നിന്നും വ്യാപകമായി കുഴല്‍പ്പണം ജില്ലയിലേക്കെത്തുന്നുവെന്നതാണ് യാഥാര്‍ത്ഥ്യം.
