സെല്വിന്റെ ഹൃദയം കൊച്ചിയില് പറന്നിറങ്ങി, ഇനി ഹരിനാരായണന് വേണ്ടി തുടിക്കും
കൊച്ചി: തിരുവനന്തപുരത്ത് മസ്തിഷ്ക മരണം സംഭവിച്ച കന്യാകുമാരി സ്വദേശി സെല്വിന് ശേഖറിന്റെ അവയവങ്ങള് കൊച്ചിയില് എത്തിച്ചു. മുഖ്യമന്ത്രിയുടെ ഹെലികോപ്ടറില് ആണ് തിരുവനന്തപുരത്ത് നിന്ന് കൊച്ചിയിലേക്ക് സെല്വിന് ശേഖറിന്റെ ഹൃദയം അടക്കമുള്ള അവയവങ്ങള് എത്തിച്ചത്. ഇവിടെ നിന്ന് ലിസി ആശുപത്രിയിലേക്കാണ് ഹൃദയം എത്തിച്ചത്. ഇവിടെ ചികിത്സയിലുള്ള 16 കാരനായ ഹരിനാരായണന് വേണ്ടി സെല്വിന്റെ ഹൃദയം ഇനി തുടിക്കും.
സെല്വിന്റെ വൃക്കകളും പാന്ക്രിയാലും കണ്ണുകളും ദാനം ചെയ്യുന്നുണ്ട്. കണ്ണുകള് തിരുവനന്തപുരം കണ്ണാശുപത്രിയിലെ രണ്ടു രോഗികള്ക്കാണ് ദാനം നല്കുന്നത്. ഒരു വൃക്ക കിംസ് ആശുപത്രിയിലെ രോഗിക്കും ഒരു വൃക്കയും പാന്ക്രിയാസും ആസ്റ്റര് മെഡിസിറ്റിയിലെ രോഗികള്ക്കും നല്കും. ഇന്ന് രാവിലെ 10.20 ഓട് കൂടിയാണ് തിരുവനന്തപുരത്ത് നിന്നും സെല്വന്റെ അവയവങ്ങളുമായി ഹെലികോപ്ടര് പറന്നുയര്ന്നത്.
Image Credit: Facebook@Lisie Hospital
11.12 ന് കൊച്ചിയില് ഹെലികോപ്ടര് ലാന്ഡ് ചെയ്തു. ഇവിടെ നിന്ന് അവയവങ്ങളടങ്ങിയ ബോക്സുകള് കൈപ്പറ്റിയ ജീവനക്കാര് ശസ്ത്രക്രിയ നടത്തുന്ന ആശുപത്രികളിലേക്ക് പോയി. റോഡ് മാര്ഗമാണ് അവയവങ്ങള് ആശുപത്രിയിലെത്തിച്ചത്. ഇതിനായി ലിസി ആശുപത്രി വരെയുള്ള ഗതാഗതം പൂര്ണമായി നിയന്ത്രിച്ചിരുന്നു. 2.30 മിനിറ്റ് കൊണ്ട് ഹൃദയം ലിസി ആശുപത്രിയിലും പത്ത് മിനിറ്റ് കൊണ്ട് മറ്റ് അവയവങ്ങള് ആസ്റ്റര് മെഡിസിറ്റിയിലുമെത്തിച്ചു.
കായംകുളം സ്വദേശിയാണ് ഹൃദയം സ്വീകരിക്കുന്ന ഹരിനാരായണന്. ഹരിനാരായണന്റെ ശസ്ത്രക്രിയക്ക് വേണ്ട ഒരുക്കങ്ങള് ലിസി ആശുപത്രിയില് നേരത്തെ തന്നെ ആരംഭിച്ചു. ഡോ.ജോസ് ചാക്കോ പെരിയപ്പുറത്തിന്റെ നേതൃത്വത്തിലാണ് ശസത്രക്രിയ നടത്തുന്നത്. ലിസി ആശുപത്രിയില് ഇത് 28-ാമത്തെ ഹൃദയ ശസ്ത്രക്രിയയാണ് നടക്കുന്നത്. മുന്പ് ആറ് തവണ ഹെലികോപ്ടറില് അവയവം എത്തിച്ചുള്ള ശസ്ത്രക്രിയയും വിജയകരമായിരുന്നു.
കന്യാകുമാരി വിളവിന്കോട് സ്വദേശിയായ സെല്വിന് ശേഖര് സ്റ്റാഫ് നഴ്സായിരുന്നു. 36 വയസായിരുന്നു. സെല്വിന്റെ ഭാര്യ ഗീത തമിഴ്നാട്ടിലെ ആശുപത്രിയിലെ സ്റ്റാഫ് നഴ്സായിരുന്നു. സെല്വിന് കടുത്ത തലവേദന വന്നതോടെ അവിടത്തെ ആശുപത്രിയിലും നവംബര് 21-ന് കിംസിലും ചികിത്സ തേടിയിരുന്നു. ഇവിടെ നടത്തിയ പരിശോധനയില് ആണ് തലച്ചോറില് രക്തസ്രാവമുണ്ടെന്ന് കണ്ടെത്തിയത്.
ഇതിനുള്ള ചികിത്സകള് തുടരവേ നവംബര് 24-ന് മസ്തിഷ്ക മരണം സംഭവിക്കുകയായിരുന്നു. ഗീത അവയവദാനത്തിന് സന്നദ്ധതയറിയിച്ചതോടെ രാത്രി തന്നെ എല്ലാ ക്രമീകരണങ്ങളും നടത്തുകയായിരുന്നു. ഹൃദയം എത്തിക്കാന് സര്ക്കാര് ഹെലികോപ്ടര് വിട്ടുനല്കുകയും ചെയ്തു. ഹരിനാരയണന്റെ സഹോദരന് സൂര്യനാരായണന് 2021 ല് ലിസി ആശുപത്രിയില് വെച്ച് ഹൃദയം മാറ്റിവെയ്ക്കല് ശസ്ത്രക്രിയക്ക് വിധേയനായിരുന്നു. അന്നും സര്ക്കാരിന്റെ ഹെലികോപ്റ്ററില് ആണ് തിരുവനന്തപുരത്തു നിന്നും ഹൃദയം എത്തിച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google