മുതിര്ന്ന മാധ്യമപ്രവര്ത്തകന് ഡി വിജയമോഹന് അന്തരിച്ചു
ദില്ലി: മുതിര്ന്ന മാധ്യമപ്രവര്ത്തകനും മലയാള മനോരമ ദില്ലി സീനിയര് കോര്ഡിനേറ്റിങ് എഡിറ്ററുമായിരുന്ന ഡി. വിജയമോഹന് (65) അന്തരിച്ചു. കോവിഡ് ബാധിച്ചു സെന്റ് സ്റ്റീഫന്സ് ആശുപത്രിയില് ചികിത്സയിലിരിക്കെയാണു മരണം. തിരുവനന്തപുരം നെടുമങ്ങാട് സ്വദേശിയായ ഡി. വിജയമോഹന് മാര് ഈവാനിയോസ് കോളജില് നിന്നാണ് ഉപരിപഠനം പൂര്ത്തിയാക്കിയത്.
1978ല് മലയാള മനോരമയില് പ്രവേശിച്ചു. കോമണ്വെല്ത്ത് പ്രസ് യൂണിയന്റെ ഫെല്ലോഷിപ്പില് ഇംഗ്ലണ്ടില് പത്രപ്രവര്ത്തനത്തില് ഉപരിപഠനം നടത്തിയിട്ടുണ്ട്. 30 വര്ഷത്തിലേറെയായി ദില്ലി ബ്യൂറോയില് പ്രവര്ത്തിച്ച് വരികയായിരുന്നു.
ചെന്താര്ക്കഴല്, ഈ ലോകം അതിലൊരു മുകുന്ദന് തുടങ്ങിയ പുസ്തകങ്ങള് രചിച്ചു. എ. രാമചന്ദ്രന്റെ വരമൊഴികള്ക്കു കേരള ലളിതകലാ അക്കാദമിയുടെ അവാര്ഡ് ലഭിച്ചിട്ടുണ്ട്. കേരള പ്രസ് അക്കാദമിയുടെ വി. കരുണാകരന് നമ്പ്യാര് അവാര്ഡ്, വികസനോത്മക പത്രപ്രവര്ത്തനത്തിനുള്ള കേരള സര്ക്കാര് അവാര്ഡ് ഉള്പ്പെടെയുള്ളവ ലഭിച്ചിട്ടുണ്ട്. ഭാര്യ എസ്.ജയശ്രീ. മകന് അഡ്വ വിഷ്ണു. മരുമകള് നീനു.
മാധ്യമപ്രവര്ത്തകന് എസ് വി പ്രദീപിന്റെ മരണം കൊലപാതകം; ചില കാര്യം തുറന്നു പറയുമെന്ന് പിസി ജോര്ജ്
ക്ഷമയെ പരീക്ഷിക്കുന്ന സൈബര് ബുള്ളിയിംഗിന് ഇരയായിട്ടുണ്ട്, സ്ത്രീകളും ഇക്കൂട്ടത്തിലുണ്ടെന്ന് സ്വാസിക
Recommended Video