Click it and Unblock the Notifications
Just In
Don't Miss
-
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
'ഇനിയൊരു വിവാഹം കഴിക്കാൻ താൽപര്യമുണ്ട്, മകനുള്ളതുകൊണ്ട് മടിച്ച് നിൽക്കുന്നു, 50 വയസായിട്ട് ഇനി ചിന്തിക്കാം' -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബെഹ്റയെ 'പുകച്ചു' പുറത്തുചാടിക്കാന്‍ സെന്‍കുമാര്‍!! ആ പെയിന്റ് ബെഹ്റയെ കുടുക്കും ?
പെയിന്റടി വിവാദത്തില്‍ സെന്‍കുമാര്‍ തുടര്‍നടപടിക്ക് നിര്‍ദേശം നല്‍കി
തിരുവനന്തപുരം: സുപ്രീം കോടതി നിര്‍ദേശത്തെ തുടര്‍ന്ന് ഡിജിപി സ്ഥാനത്ത് തിരിച്ചെത്തിയ ടിപി സെന്‍കുമാര്‍ രണ്ടും കല്‍പ്പിച്ച് മുന്നോട്ട് പോവുകയാണ്. മുന്‍ ഡിജിപിയും ഇപ്പോള്‍ വിജിലന്‍സ് മേധാവിയുമായ ലോക്നാഥ് ബെഹ്റയെ കുടുക്കാനുള്ള കരുക്കള്‍ സെന്‍കുമാര്‍ നീക്കിക്കഴിഞ്ഞെന്നാണ് പുതിയ നടപടികള്‍ തെളിയിക്കുന്നത്.
ഒരു കമ്പനിയുടെ പെയിന്റ് ഉപയോഗിച്ച് പോലീസ് സ്‌റ്റേഷനുകള്‍ക്കു നിറം നല്‍കണമെന്ന് ഡിജിപിയായിരുന്നപ്പോള്‍ ബെഹ്റ ഉത്തരവിട്ടിരുന്നു. ബെഹ്‌റയ്‌ക്കെതിരായ പരാതിയില്‍ തുടര്‍ നടപടിക്കു സെന്‍കുമാര്‍ നിര്‍ദേശിച്ചിരിക്കുകയാണ്.
നേരത്തേ വിജിലന്‍സ് കോടതി സംഭവത്തെക്കുറിച്ച് ബെഹ്‌റയോട് വിശദീകരണം ആവശ്യപ്പെട്ടിരുന്നു. ഇതിനു പിന്നാലെയാണ് സെന്‍കുമാര്‍ തുടനടപടിക്ക് ഉത്തരവിട്ടിരിക്കുന്നത്.
ബെഹ്‌റയുടെ വിശദീകരണം കോടതി തൃപ്തികരമാവുന്നില്ലെങ്കില്‍ അദ്ദേഹത്തിന്റെ സ്ഥിതി കൂടുതല്‍ മോശമാവാനിടയുണ്ട്. വിജിലന്‍സ് മേധാവി സ്ഥാനത്തു നിന്ന് അദ്ദേഹത്തിന് ഒരുപക്ഷെ മാറി നില്‍ക്കേണ്ടിവരും.
ഏപ്രില്‍ 24നു ശേഷമാണ് ബെഹ്‌റയുടെ വിവാദ ഉത്തരവ് വന്നത്. സെന്‍കുമാറിന്റെ പുനര്‍നിയമനത്തില്‍ സുപ്രീം കോടതി ഉത്തരവ് പുറപ്പെടുവിച്ചതും ഇതേ ദിവസമായിരുന്നു.
സുപ്രീം കോടതി വിധി വന്നതോടെ ബെഹ്റ പോലീസ് മേധാവി അല്ലാതായെന്നും അതിനാല്‍ സുപ്രധാന ഉത്തരവുകള്‍ പുറപ്പെടുവിക്കാന്‍ അധികാരമില്ലെന്നുമാണ് നിയമവിദഗ്ധര്‍ പറയുന്നത്.
സെന്‍കുമാറിന് ഡിജിപി സ്ഥാനം വിട്ടുകൊടുക്കേണ്ടി വരുമെന്ന് ഉറപ്പായപ്പോള്‍ പെയിന്റടി ഉത്തരവ് ധൃതിയാലാക്കിയത് സംശയങ്ങള്‍ ഉണര്‍ത്തുന്നുണ്ട്. ഡിജിപി സ്ഥാനമൊഴിഞ്ഞ ബെഹ്‌റയ്ക്ക് ഉത്തരവ് പുറപ്പെടുവിക്കാന്‍ അധികാരമുണ്ടോയെന്ന് വിജിലന്‍സ് കോടതി ചോദിക്കുകയും ചെയ്തിരുന്നു.
പെയിന്റടി ഉത്തരവില്‍ അഴിമതിയുണ്ടെന്ന് ആരോപിച്ച് പൊതുപ്രവര്‍ത്തകനായ കളമശേരി സ്വദേശി ജി ഗിരീഷ് ബാബുവാണ് പരാതി നല്‍കിയത്. മുന്‍ പോലീസ് മേധാവിയുടെ നടപടി ചട്ടപ്രകാരമല്ലെന്നു നിലവിലെ പോലീസ് മേധാവി കണ്ടെത്തിയാല്‍ അഴിമതി നിരോധന നിയമപ്രകാരം നടപടിയുണ്ടാവും.
മെയ് 20നുള്ളില്‍ വിശദീകരണം നല്‍കാനാണ് തിരുവനന്തപുരം വിജിലന്‍സ് കോടതി ബെഹ്‌റയോട് ആവശ്യപ്പെട്ടിട്ടുള്ളത്. എന്നാല്‍ വിശദീകരണം നല്‍കാന്‍ ബെഹ്റ ഇതുവരെ ആരെയും ചുമതലപ്പെടുത്തിയിട്ടില്ല.
