പ്രമുഖ സീരിയൽ സംവിധായകന്റെ ഭാര്യ കുളിമുറിയിൽ ആത്മഹത്യ ചെയ്ത നിലയിൽ... സംഭവം തിരുവനന്തപുരത്ത്...

രാവിലെ പത്തു മണിയോടെ വീട്ടിലെ കുളിമുറിയിൽ കയറിയ ശരണ്യ കുളിമുറിക്കുള്ളിൽ തൂങ്ങുകയായിരുന്നു.

By Desk

Published: Monday, January 29, 2018, 11:54 [IST]

തിരുവനന്തപുരം: പ്രമുഖ സീരിയൽ സംവിധായകന്റെ ഭാര്യയെ ആത്മഹത്യ ചെയ്ത നിലയിൽ കണ്ടെത്തി. സിനിമ-സീരിയൽ-പരസ്യ സംവിധായകൻ രഞ്ജിത്ത് മൗക്കോടിന്റെ ഭാര്യ ശരണ്യയെയാണ് ആത്മഹത്യ ചെയ്ത നിലയിൽ കണ്ടെത്തിയത്.

ജനുവരി 27 ശനിയാഴ്ച രാവിലെയായിരുന്നു സംഭവം. രാവിലെ പത്തു മണിയോടെ വീട്ടിലെ കുളിമുറിയിൽ കയറിയ ശരണ്യ കുളിമുറിക്കുള്ളിൽ തൂങ്ങുകയായിരുന്നു. സംഭവം നടന്ന് അൽപസമയത്തിന് ശേഷമാണ് ശരണ്യയെ തൂങ്ങിയ നിലയിൽ കണ്ടെത്തിയത്. ഗുരുതരാവസ്ഥയിലായിരുന്ന ഭാര്യയെ രഞ്ജിത് ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

സീരിയൽ സംവിധായകൻ...

പ്രമുഖ സീരിയൽ-സിനിമ-പരസ്യ സംവിധായകൻ രഞ്ജിത് മൗക്കോടിന്റെ ഭാര്യ ശരണ്യയെയാണ് കഴിഞ്ഞദിവസം തിരുവനന്തപുരത്തെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്. കണ്ണൂർ പയ്യന്നൂർ സ്വദേശിയായ ശരണ്യ ഭർത്താവിനോടൊപ്പം തിരുവനന്തപുരത്താണ് താമസം.

പത്തു മണിയോടെ...

ശനിയാഴ്ച രാവിലെ പത്തുമണിയോടെ വീടിനുള്ളിലെ ബാത്ത് റൂമിലാണ് ശരണ്യയെ തൂങ്ങിയ നിലയിൽ കണ്ടെത്തിയത്. ഉടൻതന്നെ ശരണ്യയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

കണ്ണൂരിലേക്ക്...

തിരുവനന്തപുരം മെഡിക്കൽ കോളേജിലെ പോസ്റ്റ്മോർട്ടം നടപടികൾക്ക് ശേഷം കഴിഞ്ഞദിവസം വൈകീട്ടോടെ ശരണ്യയുടെ മൃതദേഹം ബന്ധുക്കൾക്ക് വിട്ടുകൊടുത്തു. സ്വദേശമായ കണ്ണൂരിലായിരിക്കും സംസ്കാര ചടങ്ങുകൾ.

കാരണം...

സാമ്പത്തിക പ്രശ്നങ്ങളെ ചൊല്ലിയുണ്ടായ വഴക്കാണ് ശരണ്യയെ ആത്മഹത്യയിലേക്ക് നയിച്ചതെന്ന് സംശയിക്കുന്നതായി വിളപ്പിൽ ശാല പോലീസ് അറിയിച്ചു. മംഗളം ദിനപ്പത്രത്തിന്റെ ഓൺലൈൻ എഡിഷനിലാണ് ഇക്കാര്യം റിപ്പോർട്ട് ചെയ്തിട്ടുള്ളത്.

അയലത്തെ സുന്ദരി...

സീരിയൽ-സിനിമ-പരസ്യ സംവിധായകനായ രഞ്ജിത് മൗക്കോട് നിലവിൽ സൂപ്പർ ഹിറ്റായ രണ്ട് സീരിയലുകളിൽ സഹ സംവിധായകനായി പ്രവർത്തിക്കുകയാണ്. കെകെ രാജീവിന്റെ അയലത്തെ സുന്ദരി എന്ന സീരിയലിലും, മഴവിൽ മനോരമയിലെ മറ്റൊരു സീരിയലിലുമാണ് രഞ്ജിത് മൗക്കോട് സഹസംവിധാനം നിർവഹിക്കുന്നത്.