കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ലെഗിംഗ്‌സ് വിവാദനായകന്‍ ബാബു കുഴിമറ്റത്തിനെതിരെ ലൈംഗിക ആരോപണം

Google Oneindia Malayalam News

തിരുവനന്തപുരം: ലെഗിംഗ്‌സ് ധരിച്ച സ്ത്രീയെ കണ്ടപ്പോള്‍ 'ലിംഗചലനം' ഉണ്ടായി എന്ന് ഫേസ്ബുക്ക് പോസ്റ്റിട്ട് വിവാദത്തിലായ ബാബു കുഴിമറ്റത്തിനെതിരെ ലൈംഗിക ആരോപണം. കേരള ബുക്ക് മാര്‍ക്ക് സെക്രട്ടറിയായ ബാബു കുഴിമറ്റത്തിനെതിരെ അവിടത്തെ മുന്‍ ജീവനക്കാരി തന്നെയാണ് ആരോപണം ഉന്നയിച്ചിരിയ്ക്കുന്നത്.

ബധിരയും മൂകയും ആയ യുവതിയുടെ പരാതി സര്‍ക്കാര്‍ പരിഗണിക്കാതെ തള്ളിയെന്നും ആക്ഷേപമുണ്ട്. സംഭവം നടന്നത് 2012 ല്‍ ആണെന്നാണ് യുവതിയുടെ പരാതി. അവര്‍ അന്ന് ബുക്ക് മാര്‍ക്കിലെ തൂപ്പുകാരിയായിരുന്നു.

Babu Kuzhimattom

ഓഫീസിലെ ക്ലര്‍ക്ക് ആയിരുന്ന എബ്രഹാം സാമുവല്‍ പീഡിപ്പിച്ചതായും യുവതി പരാതി നല്‍കിയിട്ടുണ്ട്. എബ്രഹാം സാമുവലിനെതിരെ പരാതി നല്‍കാന്‍ ചെന്നപ്പോഴാണ് ബാബു കുഴിമറ്റം മോശമായി പെരുമാറിയത് എന്നാണ് ആരോപണം. യുവതിയും അമ്മയും ചേര്‍ന്നാണ് ഈ വിവരങ്ങള്‍ വാര്‍ത്താ സമ്മേളനത്തില്‍ അറിയിച്ചത്.

സംഭവം വിവാദമായതോടെ മൂകയും ബധിരയും ആയ യുവതിയെ ജോലിയില്‍ നിന്ന് പിരിച്ചുവിടുകയായിരുന്നത്രെ. പീഡന പരാതിയില്‍ അന്ന് കേസെടുത്തിരുന്നെങ്കിലും അതില്‍ തുടര്‍ നടപടിയൊന്നും ഉണ്ടായില്ലെന്നാണ് ആക്ഷേപം. മുഖ്യമന്ത്രിയോട് ഏറെ അടുപ്പമുള്ള കോണ്‍ഗ്രസ് നേതാവും ബുക്ക് മാര്‍ക്ക് തൊഴിലാളി സംഘടനാ നേതാവും ആയിരുന്ന കെഎസ് അനില്‍ ആണ് ഇതിന് പിന്നില്‍ പ്രവര്‍ത്തിച്ചതെന്നും യുവതിയുടെ മാതാവ് ആരോപിച്ചു.

പരാതിയില്‍ ഒരു നടപടിയും ഉണ്ടാകാതിരുന്നതിനെ തുടര്‍ന്ന് സെക്രട്ടേറിയറ്റിന് മുന്നില്‍ ഇവര്‍ ധര്‍ണ നടത്തിയെങ്കിലും ഒരു ഗുണവും ഉണ്ടായില്ല. മുഖ്യമന്ത്രി ഉള്‍പ്പെടെയുള്ളവര്‍ക്ക് ഇവര്‍ പരാതി നല്‍കിയിരുന്നു. എന്നിട്ടും ഗുണമുണ്ടായില്ല. കേസ് പിന്‍വലിയ്ക്കണം എന്നാവശ്യപ്പെട്ട് പലതവണ ഭീഷണിയും നേരിടേണ്ടി വന്നിട്ടുണ്ടെന്നും ഇവര്‍ വാര്‍ത്താ സമ്മേളനത്തില്‍ പറഞ്ഞു.

English summary
Sexual allegation against Kerala Bookmark secretary Babu Kuzhimattom
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X