Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ശബരിമലയില്‍ പികെ ശശി മുങ്ങില്ല; നടപടി ഉറപ്പായി, ഇനി ദിവസങ്ങള്‍ മാത്രം
Recommended Video
തിരുവനന്തപുരം: ലൈംഗികാരോപണ പരാതിയില്‍ ഷൊര്‍ണൂര്‍ എംഎല്‍എ പികെ ശശിയ്‌ക്കെതിരെ സിപിഎം നടപടി ഉറപ്പായി. ഇക്കാര്യത്തില്‍ ഇനി കാലതാമസം ഉണ്ടാവില്ലെന്നാണ് സൂചന. പികെ ശശിയ്‌ക്കെതിരായ അന്വേഷണ കമ്മീഷന്‍ റിപ്പോര്‍ട്ട് ഒക്ടോബര്‍ 12, വെള്ളിയാഴ്ച സിപിഎം സംസ്ഥാന സെക്രട്ടേറിയറ്റ് യോഗം പരിഗണിക്കും.
സിപിഎം പാലക്കാട് ജില്ല സെക്രട്ടേറിയറ്റ് അംഗം കൂടിയായ പികെ ശശിക്കെതിരെ ഡിവൈഎഫ്ഐ വനിത നേതാവായിരുന്നു പരാതി നല്‍കിയത്. അതിന് ശേഷം പ്രളയത്തിന്റേയും ശബരിമല വിവാദത്തിന്റേയും തിരക്കിലായിരുന്നു പാര്‍ട്ടിയും സര്‍ക്കാരും. ശശിയ്‌ക്കെതിരെ നടപടി വൈകുന്നതില്‍ വലിയ പ്രതിഷേധവും ഉയര്‍ന്നിരുന്നു.
ഇനി ഇക്കാര്യത്തില്‍ കാലതാമസം ഉണ്ടാവില്ല. ശശിയ്‌ക്കെതിരെ എന്ത് നടപടി സ്വീകരിക്കണം എന്ന കാര്യത്തില്‍ സെക്രട്ടേറിയറ്റ് യോഗത്തില്‍ ധാരണയാകും. അതിന് ശേഷം ഒക്ടോബര്‍ 13 ന് നടക്കുന്ന സംസ്ഥാന കമ്മിറ്റി യോഗം ആയിരിക്കും ഇക്കാര്യത്തില്‍ അന്തിമ തീരുമാനം എടുക്കുക.
മന്ത്രി എകെ ബാലനും പികെ ശ്രീമതിയും അടങ്ങുന്നതായിരുന്നു അന്വേഷണ കമ്മീഷന്‍. പരാതിക്കാരിയില്‍ നിന്നും പികെ ശശിയില്‍ നിന്നും രണ്ട് തവണ കമ്മീഷന്‍ മൊഴിയെടുത്തിയിരുന്നു. പരാതിയില്‍ നിന്ന് പിന്‍മാറാന്‍ പരാതിക്കാരി തയ്യാറല്ലാത്ത സാഹചര്യത്തില്‍ നടപടിയല്ലാതെ മറ്റ് മാര്‍ഗ്ഗമില്ലാത്ത സ്ഥിതിയിലാണ് പാര്‍ട്ടി. തന്നെ രാഷ്ട്രീയ ഭാവി ഇല്ലാതാക്കാന്‍ നടന്ന ഗൂഢാലോചനയുടെ ഭാഗമാണ് പരാതി എന്നാണ് ശശിയുടെ ആരോപണം.
പികെ ശശിയ്‌ക്കെതിരെ എന്ത് നടപടിയായിരിക്കും സ്വീകരിക്കുക എന്ന കാര്യത്തില്‍ ഇപ്പോഴും വ്യക്തതയില്ല. മുമ്പ് കണ്ണൂര്‍ ജില്ലാ സെക്രട്ടറിയായിരുന്ന പി ശശിയ്‌ക്കെതിരെ പീഡന പരാതി ഉയര്‍ന്നപ്പോള്‍ പാര്‍ട്ടിയുടെ പ്രാഥമിക അംഗത്വത്തില്‍ നിന്ന് തന്നെ പുറത്താക്കിയിരുന്നു. എന്നാല്‍ ഇപ്പോഴത്തെ കേസില്‍ സങ്കീര്‍ണതകള്‍ അതിലും കൂടുതലാണ്. പികെ ശശി എംഎല്‍എ കൂടിയാണ്. നടപടിയുടെ ഭാഗമായി ശശിയോട് എംഎല്‍എ സ്ഥാനം രാജിവയ്ക്കാന്‍ പാര്‍ട്ടി ആവശ്യപ്പെടുമോ എന്നും അറിയേണ്ടതുണ്ട്.
