'അയ്യോ അച്ഛാ പോകല്ലെ എന്ന് പറയേണ്ടതില്ല, പദവി ഒഴിയുന്നെങ്കില് ഒഴിയട്ടെ'; ഗവര്ണര്ക്കെതിരെ സാനു
ന്യൂഡല്ഹി: കേരള ഗവര്ണര് ആരിഫ് മുഹമ്മദ് ഖാനെതിരെ രൂക്ഷ വിമര്ശനവുമായി എസ്എഫ്ഐ. ചാന്സലര് പദവി ഏറ്റെടുക്കാന് സംസ്ഥാന സര്ക്കാരിനോട് ആവശ്യപ്പെട്ടത് അംഗീകരിക്കണമെന്ന് അഭിപ്രായപ്പെട്ട സാനു അയ്യോ അച്ഛാ പോകല്ലെയെന്ന് ഗവര്ണറോട് പറയേണ്ടതില്ലെന്നാണ് എസ്എഫ്ഐ അഖിലേന്ത്യാ അധ്യക്ഷന് വിപി സാനു പറഞ്ഞത്.
ഗവര്ണര് ചാന്സലര് പദവി ഒഴിയുന്നെങ്കില് ഒഴിയട്ടെയെന്നും അത് ഉന്നത വിദ്യാഭ്യാസ മേഖലയ്ക്ക് ഗുണമാകുമെന്നുമാണ് സാനു പറഞ്ഞത്. ഒരു സ്വകാര്യ ചാനലിനോടാണ് സാനു പ്രതികരിച്ചത്. ഗവര്ണര് ചാന്സലറാകണമെന്ന് ഭരണഘടനയില് പറയുന്നില്ലെന്നും ഇക്കാര്യത്തില് നിയമസഭയാണ് തീരുമാനം എടുക്കേണ്ടതെന്നും സാനു ചൂണ്ടികാട്ടി.
ചാന്സലര് പദവി മുഖ്യമന്ത്രി പിണറായി വിജയന് ഏറ്റെടുക്കണമെന്നും വിപി സാനു ആവശ്യപ്പെട്ടു. നേരത്തെ സിപിഎം-സിപിഐ സംസ്ഥാന സെക്രട്ടറിമാരും ഗവര്ണര്ക്കെതിരെ വിമര്ശനവുമായി രംഗത്തെത്തിയിരുന്നു. ചാന്സലര് പദവി ഏറ്റെടുക്കാനില്ലെന്ന ഗവര്ണ്ണര് ആരിഫ് മുഹമ്മദ് ഖാന്റെ നിലപാട് ദുരൂഹമാണെന്നും ഗവര്ണ്ണര് ഇങ്ങനെ ഒരു നിലപാട് എടുക്കേണ്ട സാഹചര്യം നിലവില് ഉണ്ടായിരുന്നില്ലെന്നുമാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞിരുന്നത്.
ഒരു ഏറ്റുമുട്ടലിന് ആഗ്രഹിക്കുന്നില്ലെന്നുംകോടിയേരി പറഞ്ഞു. സമ്മര്ദ്ദങ്ങള്ക്ക് വഴങ്ങേണ്ട ആളല്ല ചാന്സിലറെന്നും ചാലന്സിലറുടെ പദവിയില് സമ്മര്ദം ചെലുത്തിയിട്ടുമില്ലെന്നും ഗവര്ണര് തന്നെ ചാന്സലര് പദവിയില് തുടരണം എന്നാണ് ആഗ്രഹിക്കുന്നതെന്നും സര്ക്കാരും ഗവര്ണറും തമ്മിലുള്ള പ്രശ്നം അവര് തമ്മില് തന്നെ തീര്ക്കുമെന്നും കോടിയേരി പറഞ്ഞു. ചാന്സലര് പദവി ഭരണഘടനാ പദവിയല്ലെന്ന് പറഞ്ഞ സിപിഐ സംസ്ഥാന സെക്രട്ടറി കാനം രാജേന്ദ്രന് അതിരൂക്ഷ വിമര്ശനങ്ങളാണ് ഗവര്ണര്ക്കെതിരെ ഉന്നയിച്ചത്. നിയമസഭ പാസാക്കുന്ന ഒരു നിയമത്തിന്റെ അടിസ്ഥാനത്തിലാണ് സംസ്ഥാനത്തെ സര്വ്വകലാശാലകളുടെ ചാന്സിലറായി ഗവര്ണറെ അവരോധിച്ചതെന്നും വേണമെങ്കില് ആ ചാന്സിലര് പദവി വേണ്ടെന്ന് വയ്ക്കാന് നിയമസഭയ്ക്ക് സാധിക്കുമെന്നും അതിന് തങ്ങളെ നിര്ബന്ധിക്കരുതെന്നും കാനം രാജേന്ദ്രന് ഗവര്ര്ക്കെതിരെ തുറന്നടിച്ചു.
അതേ സമയം സര്വകലാശാലാ വിവാദത്തില് അണുവിടപോലും അയയാതെ നിലപാടില് ഉറച്ച് നില്ക്കുകയാണ് ഗവര്ണര് ആരിഫ് മുഹമ്മദ് ഖാന്. ചാന്സലര് പദവി ഏറ്റെടുക്കാനില്ലെന്ന് ഗവര്ണ്ണര് വ്യക്തമാക്കിയതോടെ സംസ്ഥാനത്തെ സര്വകലാശാലകളില് ആറ് ദിവസമായി ഭരണത്തലവന് ഇല്ലാത്ത സാഹചര്യമാണ് നിലവിലുള്ളത്. സര്വകലാശാലയുമായി ബന്ധപ്പെട്ട ഒരു ഫയലുകളും സ്വീകരിക്കരുതെന്ന നിര്ദേശമാണ് രാജ്ഭവന് ഉദ്യാഗസ്ഥര്ക്ക് ഗവര്ണ്ണര് നല്കിയിരിക്കുന്നതെന്നാണ് വിവരം.
കഴിഞ്ഞ ദിവസമാണ് ചാന്സിലര് പദവി ഏറ്റെടുക്കാനില്ലെന്ന് കാണിച്ച് ഗവര്ണ്ണര് മുഖ്യമന്ത്രിക്ക് കത്ത് നല്കിയത്. ഇതിനിടയില് നടന്ന അനുരഞ്ജന നീക്കങ്ങളൊക്കെ തള്ളിയ ഗവര്ണ്ണര് സര്ക്കാരിനെതിരെ കടുത്ത വിമര്ശനമാണ് ഉന്നയിച്ച്കൊണ്ടിരിക്കുന്നത്. ചാന്സിലര് പദവി ഒഴിയരുതെന്ന് മുഖ്യമന്ത്രി ആവശ്യപ്പെട്ടെങ്കിലും ഗവര്ണ്ണര് അത് അംഗീകരിക്കുന്നില്ലെന്നാണ് നിലവിലെ സ്ഥിതിഗതികളില് നിന്ന് വ്യക്തമാകുന്നത്. രാഷ്ട്രീയ ഇടപടെല് ഉണ്ടാകില്ലെന്ന വ്യക്തമായ ഉറപ്പ് നല്കിയാല് മാത്രമേ തീരുമാനം പുനപരിശോധിക്കൂവെന്നാണ് ഗവര്ണ്ണര് പറയുന്നത്. പക്ഷേ തിരുത്തേണ്ട ഒരു തീരുമാനം എടുത്തിട്ടില്ലെന്നാണ് മുഖ്യമന്ത്രിയുടെ നിലപാട്. ഇതോടെ പ്രശ്നപരിഹാരം നീളുകയാണ്.
കഴിഞ്ഞ ബുധനാഴ്ച മുതല് സര്വകലാശാലകളുമായി ബന്ധപ്പെട്ട ഒരു ഫയലുകളിലും ഗവര്ണ്ണര് ഒപ്പിട്ടിട്ടിരുന്നില്ല. വിസിമാരുമായി ബന്ധപ്പെട്ട കാര്യങ്ങള്, വിവിധ സര്വകലാശാലകളുമായി ബന്ധപ്പെട്ട പരാതികള് ഇതൊക്കെ തീര്പ്പാക്കേണ്ടത് ചാന്സിലറായ ഗവര്ണ്ണറാണെന്നിരിക്കെയാണ് സര്വകലാശാലകളുടെ ഒരു ഫയലും സ്വീകരിക്കരുതെന്ന് ഗവര്ണ്ണര് രാജ്ഭവന് ഉദ്യോഗസ്ഥര്ക്ക് നിര്ദേശം നല്കിയത്. ഗവര്ണ്ണറെ അനുനയിപ്പിക്കാനുള്ള ഫോര്മുലകളൊന്നും തന്നെ സര്ക്കാരും മുന്നോട്ട് വയ്കുന്നിമില്ല.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google