Click it and Unblock the Notifications
Just In
Don't Miss
-
നിന്റെ അവസ്ഥ അവന് കണ്ടുകൂടെ, എത്രത്തോളം ഫ്രണ്ട്ഷിപ്പുണ്ടെന്ന് ഇപ്പോൾ അറിഞ്ഞോ; പവർ ടീമും ഗബ്രിയും വഴക്കിൽ -
IPL 2024: 18, 12; വീണ്ടും വിക്കറ്റ് വലിച്ചെറിഞ്ഞ് സഞ്ജു! ഇങ്ങനെ പോയാല് ലോകകപ്പ് നോക്കേണ്ട -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
പിണറായി സര്‍ക്കാരിനെതിരെ എസ്എഫ്‌ഐയും! സമരത്തിനിറങ്ങുമെന്ന് മെഡിക്കോസ്....
ബുധനാഴ്ച ചേര്‍ന്ന മന്ത്രിസഭാ യോഗത്തിലാണ് മെഡിക്കല്‍ വിദ്യാഭ്യാസ വകുപ്പിലെ അദ്ധ്യാപകരുടെയും, ആരോഗ്യവകുപ്പിലെ ഡോക്ടര്‍മാരുടെയും പെന്‍ഷന്‍ പ്രായം വര്‍ദ്ധിപ്പിക്കാന്‍ സര്‍ക്കാര്‍ തീരുമാനിച്ചത്.
തിരുവനന്തപുരം: പിണറായി സര്‍ക്കാരിനെതിരെ എസ്എഫ്‌ഐ. സര്‍ക്കാര്‍ ഡോക്ടര്‍മാരുടെ പെന്‍ഷന്‍ പ്രായം ഉയര്‍ത്തുന്നതിനെതിരെയാണ് എസ്എഫ്‌ഐയുടെ മെഡിക്കല്‍ വിദ്യാര്‍ത്ഥി വിഭാഗമായ മെഡിക്കോസ് രംഗത്തെത്തിയിരിക്കുന്നത്. വലിയ വിഭാഗം യുവഡോക്ടര്‍മാരുടെ ജോലി സാദ്ധ്യത നഷ്ടമാക്കുന്ന നടപടിയാണ് സര്‍ക്കാര്‍ സ്വീകരിച്ചിരിക്കുന്നതെന്നാണ് മെഡിക്കോസിന്റെ ആരോപണം.
പരിചയ സമ്പന്നരായ ഡോക്ടര്‍മാരുടെ സേവനം കൂടുതല്‍ കാലം ജനങ്ങള്‍ക്ക് ലഭ്യമാക്കുക എന്ന വാദമുയര്‍ത്തിയാണ് സര്‍ക്കാര്‍ ഡോക്ടര്‍മാരുടെ പെന്‍ഷന്‍ പ്രായം കൂട്ടിയിരിക്കുന്നത്. എന്നാല്‍ നിലവില്‍ ആരോഗ്യമേഖല നേരിടുന്ന പ്രശ്‌നങ്ങള്‍ക്ക് പരിഹാരമല്ല ഈ തീരുമാനമെന്നും, മറിച്ച് കൂടുതല്‍ പ്രശ്‌നങ്ങളുണ്ടാക്കുമെന്നുമാണ് മെഡിക്കോസ് പറയുന്നത്.
പുതിയ തസ്തികകള്‍ സൃഷ്ടിക്കാതെയും, സ്ഥിരനിയമനങ്ങള്‍ നടത്താതെയും ബോണ്ട്, പെന്‍ഷന്‍ പ്രായ വര്‍ദ്ധനവ് തുടങ്ങിയ വിദ്യാര്‍ത്ഥികളുടെ ഭാവിയെ ബാധിക്കുന്ന തീരുമാനങ്ങള്‍ അംഗീകരിക്കില്ല. സര്‍ക്കാര്‍ ഡോക്ടര്‍മാരുടെ പെന്‍ഷന്‍ പ്രായം ഉയര്‍ത്തുമെന്ന തീരുമാനവുമായി മുന്നോട്ട് പോകുകയാണെങ്കില്‍ പ്രതിഷേധവുമായി രംഗത്തിറങ്ങുമെന്നും എസ്എഫ്‌ഐ മെഡിക്കോസ് വ്യക്തമാക്കി.
ബുധനാഴ്ച ചേര്‍ന്ന മന്ത്രിസഭാ യോഗത്തിലാണ് മെഡിക്കല്‍ വിദ്യാഭ്യാസ വകുപ്പിലെ അദ്ധ്യാപകരുടെയും, ആരോഗ്യവകുപ്പിലെ ഡോക്ടര്‍മാരുടെയും പെന്‍ഷന്‍ പ്രായം വര്‍ദ്ധിപ്പിക്കാന്‍ സര്‍ക്കാര്‍ തീരുമാനിച്ചത്. മെഡിക്കല്‍ വിദ്യാഭ്യാസ വകുപ്പില്‍ 60ല്‍ നിന്ന് 62ആയും, ആരോഗ്യവകുപ്പില്‍ 56ല്‍ നിന്ന് 60ആയുമാണ് പെന്‍ഷന്‍ പ്രായം ഉയര്‍ത്തിയത്.
