കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'ശ്ശ്.. രാഷ്ട്രീയം പറയാനുള്ള സമയമല്ലിത് പരോൾ കൊടുക്കാനുള്ളതാ', സിപിഎമ്മിനെ ട്രോളി ഷാഫി പറമ്പില്‍

  • By Aami Madhu
Google Oneindia Malayalam News

കൊച്ചി: ടി പി ചന്ദ്രശേഖരൻ വധക്കേസിൽ ശിക്ഷിക്കപ്പെട്ട് ജയിലിൽ കഴിയുന്ന സിപിഎം നേതാവ് പി കെ കുഞ്ഞനന്തന് കോടതി ജാമ്യം അനുവദിച്ചിരുന്നു. ശിക്ഷ മരവിപ്പിച്ച് മൂന്ന് മാസത്തേക്കാണ് ജാമ്യം അനുവദിച്ചിരിക്കുന്നത്. ശാരീരികവും മാനസികവുമായി ബുദ്ധിമുട്ട് അനുഭവിക്കുകയാണെന്നും ജയിലിലെ ചികിത്സ ഫലപ്രദമാകുന്നില്ലെന്നും കാണിച്ച് കഴിഞ്ഞ ദിവസമാണ് കുഞ്ഞനന്തന്‍ ഹൈക്കോടതിയില്‍ ജാമ്യത്തിനായി ഹര്‍ജി നല്‍കിയത്.

2014 ല്‍ ആണ് ടിപി വധക്കേസില്‍ കണ്ണൂര്‍ ജില്ലാ കമ്മിറ്റി അംഗവും പാനൂര്‍ ഏരിയാ ഭാരവാഹിയുമായ കുഞ്ഞനന്തനെ ജീവപര്യന്തം തടവിന് വിചാരണ കോടതി ശിക്ഷിച്ചത്. ഇതിനിടയില്‍ നിരവധി തവണ ചികിത്സയ്ക്കും മറ്റുമായി കുഞ്ഞനന്തന്‍ പരോളില്‍ പോയിരുന്നു.

shafikunja-1

അതേസമയം ഹൈക്കോടതി നടപടിയില്‍ രൂക്ഷ പരിഹാസവുമായി രംഗത്തെത്തിയിരിക്കുകയാണ് ഷാഫി പറമ്പില്‍ എംഎല്‍എ. ഫേസ്ബുക്കിലൂടെയാണ് അദ്ദേഹത്തിന്‍റെ പരാമര്‍ശം. പോസ്റ്റ് ഇങ്ങനെ കഞ്ഞനന്തനെപ്പറ്റി ഒരക്ഷരം മിണ്ടരുത് വിടുവായത്തമായാലോ ?കുഞ്ഞനന്തന്‍റെ സ്വതന്ത്ര വിഹാരം ഇനി ഔദ്യോഗികമാണ്.

കുഞനന്തന് പരോളും ജാമ്യവും കൊടുക്കാൻ വേണ്ട സഹായങ്ങൾ നൽകാൻ മെഡിക്കൽ ബോർഡുണ്ട് , കോടതിയിൽ വേണ്ടത്ര എതിർക്കാതിരിക്കാൻ സർക്കാർ ശമ്പളം വാങ്ങുന്ന വക്കീലന്മാരുണ്ട്,ടി.പി കൊലക്കേസ് പ്രതി പുറത്തിറങ്ങി നടക്കുന്നു എന്നുറപ്പ് വരുത്താൻ സർക്കാർ തന്നെ ഒപ്പുണ്ട്.

ഇതൊന്നും ഇനി അസംബ്ലിയിലും ചോദ്യം ചെയ്യപ്പെടില്ല..അതും വെട്ടിച്ചുരുക്കിയല്ലോ.. ലോകസഭ നടക്കുന്നുണ്ട് , രാജ്യസഭയുണ്ട് , നിരവധി സംസ്ഥാന നിയമസഭകൾ ബഡ്ജറ്റ് സമ്മേളനങ്ങൾ ചേരുന്നുണ്ട്.. നാട്ടിൽ ജനം കൂടുന്ന ചില ഇടങ്ങളിൽ ഒരു നിയന്ത്രണവുമില്ല..(അവിടെ കൊറോണ പിടിച്ചാലെന്താ ? അല്ലെങ്കിലെ ഒരു പരുവമായ ഖജനാവിലേക്കുള്ള ഏക വരുമാനം മുടങ്ങരുതല്ലോ?)

ജനങ്ങളെ പേടിപ്പെടുത്താനല്ലാതെ നിയമസഭാ സമ്മേളനം വെട്ടിക്കുറച്ചത് കൊണ്ട് കേരളം എന്താണ് നേടിയത്?ഏപ്രിൽ 8 വരെ അസംബ്ലിയിൽ ചോദ്യത്തിന് ഉത്തരം , ചർച്ചക്ക് മറുപടി ,കൊറോണ പ്രതിരോധ വീഴ്ചകൾ , കുഞ്ഞനന്തൻമാരുടെ പരോൾ , പ്രളയ ഫണ്ട് മുക്കൽ, സഹായം കിട്ടാത്തവരുടെ ആത്മഹത്യ , മാർക്ക് ദാനത്തിലെ ഗവർണ്ണറുടെ കുറ്റപ്പെടുത്തൽ തുടങ്ങി എല്ലാ വിമർശനങ്ങളിൽ നിന്നും ഒരൊറ്റ Guillotine കൊണ്ട് രക്ഷപ്പെടൽ ..ശ്ശ്.. രാഷ്ട്രീയം പറയാനുള്ള സമയമല്ലിത്
പരോൾ കൊടുക്കാനുള്ളതാ..

ബിജെപിയെ പൂട്ടാന്‍ 3 'താപ്പാനകളെ' കളത്തിലിറക്കി കോണ്‍ഗ്രസ്! കമല്‍നാഥിന്‍റെ കരുനീക്കങ്ങള്‍ ഇങ്ങനെബിജെപിയെ പൂട്ടാന്‍ 3 'താപ്പാനകളെ' കളത്തിലിറക്കി കോണ്‍ഗ്രസ്! കമല്‍നാഥിന്‍റെ കരുനീക്കങ്ങള്‍ ഇങ്ങനെ

ഡികെ ശിവകുമാറിന്‍റെ വരവ്; ബിജെപി പിളരും, കര്‍ണാടകത്തില്‍ കളിമാറുന്നുഡികെ ശിവകുമാറിന്‍റെ വരവ്; ബിജെപി പിളരും, കര്‍ണാടകത്തില്‍ കളിമാറുന്നു

ബിജെപിക്ക് ഒരു മുഴം മുൻപെറിഞ്ഞ് കമൽനാഥ്, ഗവർണറുമായി കൂടിക്കാഴ്ച, നിർണായക നീക്കം!ബിജെപിക്ക് ഒരു മുഴം മുൻപെറിഞ്ഞ് കമൽനാഥ്, ഗവർണറുമായി കൂടിക്കാഴ്ച, നിർണായക നീക്കം!

English summary
Shafi parambil MLA against CPM over Kunjanathan's bail
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X