പേരാമ്പ്രയില് യുഡിഎഫ്-സിപിഎം സംഘര്ഷം.. ഷാഫി പറമ്പിലിന് പരിക്ക്, ലാത്തിചാര്ജും ടിയര് ഗ്യാസും
കോഴിക്കോട്: പേരാമ്പ്രയില് സിപിഎം-കോണ്ഗ്രസ് സംഘര്ഷത്തിനിടെ ഷാഫി പറമ്പില് എംപിക്ക് പരിക്ക്. സംഘര്ഷം അവസാനിപ്പിക്കാന് വേണ്ടി പൊലീസ് ലാത്തി വീശിയതിനെ തുടര്ന്നാമ് ഷാഫി പറമ്പിലിന് പരിക്കേറ്റത്. നിരവധി യുഡിഎഫ് പ്രവര്ത്തകര്ക്കും പരിക്കേറ്റിട്ടുണ്ട്. കഴിഞ്ഞ ദിവസം പേരാമ്പ്ര സികെജി കോളേജില് ചെയര്മാന് സ്ഥാനം വിജയിച്ചതിലുള്ള യുഡിഎസ്എഫിന്റെ വിജയാഹ്ലാദപ്രകടനം പൊലീസ് തടഞ്ഞതിനെ തുടര്ന്ന് പേരാമ്പ്ര ടൗണില് സംഘര്ഷമുണ്ടായിരുന്നു.
ഇതിന് പിന്നാലെ ഇന്ന് പേരാമ്പ്രയില് യുഡിഎഫ് ഹര്ത്താല് പ്രഖ്യാപിച്ചിരുന്നു. അതിനിടെ പേരാമ്പ്ര പഞ്ചായത്ത് പ്രസിഡന്റ് വികെ പ്രമോദിന് മര്ദനമേറ്റതായി ആരോപിച്ച് സിപിഎം ഇന്ന് പ്രതിഷേധ പ്രകടനം നടത്തി. ഹര്ത്താല് പ്രകടനവുമായി യുഡിഎഫും ഒരു വശത്ത് കൂടി എത്തി. ഇരുപ്രകടനങ്ങളും മുഖാമുഖം എത്തിയതോടെ സംഘര്ഷം ഉടലെടുത്തു. ഇതോടെയാണ് പൊലീസ് ലാത്തി വീശിയത്.
കണ്ണീര്വാതകവും പ്രയോഗിച്ചു. ഇതിനിടെ പൊലീസിന് നേരെ കല്ലേറും ഉണ്ടായി. ഡിവെഎസ്പി അടക്കമുള്ള പൊലീസുകാര്ക്ക് കല്ലേറില് പരിക്കേറ്റു. ഡിവൈഎസ്പി ഹരിപ്രസാദിനാണ് പരിക്കേറ്റിരിക്കുന്നത്. ഇദ്ദേഹത്തെ കോഴിക്കോട് സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. മുഖത്താണ് ഷാഫിക്ക് പരിക്കേറ്റത്. ശ്വാസതടസവും മുഖത്ത് പരിക്കുമേറ്റ ഷാഫിയെയും കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്.
അതേസമയം ഈ മര്ദനത്തിനും ചോരയ്ക്കും പിന്നിലെ കാരണം സ്വര്ണക്കടത്ത് ഒളിച്ചുവയ്ക്കാനുളള വ്യാമോഹമാണെങ്കില്, ഇതിലും വലിയ പരാജയം പേരാമ്പ്രയില് നിങ്ങള്ക്കുണ്ടാകുമെന്ന് ഷാഫി സിപിഎമ്മിനോട് പറഞ്ഞു. സ്വര്ണം കട്ടവരെ ജനങ്ങളുടെ മുന്നില് തുറന്നുകാണിക്കുമെന്നും അദ്ദേഹം പറഞ്ഞു. ശമ്പളം തരുന്നത് പാര്ട്ടി ഓഫീസില് നിന്നല്ല എന്ന് പൊലീസും ഓര്ക്കണം എന്ന് ഷാഫി പറഞ്ഞു.
അതിനിടെ ഷാഫി പറമ്പില് എംപി അടക്കമുള്ളവര്ക്ക് പരിക്കേറ്റതില് പ്രതിഷേധിച്ച് യുഡിഎഫ് പ്രവര്ത്തകര് റോഡ് ഉപരോധിക്കുകയാണ്. കോഴിക്കോട് റൂറല് എസ്പി അടക്കം വന് പൊലീസ് സംഘം ഇവിടെ ക്യാംപ് ചെയ്യുന്നുണ്ട്. കോഴിക്കോട് നഗരത്തില് കോണ്ഗ്രസ് പ്രതിഷേധത്തിന് ആഹ്വാനം ചെയ്തു. ബ്ലോക്ക് തല പ്രതിഷേധം നാളെ നടക്കും. സെക്രട്ടറിയേറ്റ് മാര്ച്ചിനും യുഡിഎഫ് ആഹ്വാനം ചെയ്തിട്ടുണ്ട്.
അതേസമയം പൊലീസ് ഷാഫി പറമ്പിലിനെ തിരഞ്ഞുപിടിച്ച് മര്ദിക്കുകയായിരുന്നെന്ന് കോഴിക്കോട് ഡിസിസി പ്രസിഡന്റ് പ്രവീണ് കുമാര് ആരോപിച്ചു. സിപിഎം പ്രവര്ത്തകര് ആയുധവുമായി നില്ക്കുന്നുണ്ടെന്ന് പറഞ്ഞാണ് യുഡിഎഫ് പ്രതിഷേധം ഡിവൈഎസ്പി തടഞ്ഞത് എന്നും പ്രവര്ത്തകരെ ശാന്തരാക്കാനാണ് ഷാഫിയും താനും എത്തിയതെന്നും പ്രവീണ് കുമാര് പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google