Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കുമ്മനം വിജയിക്കുമെന്ന സര്‍വ്വേ ഗുണം ചെയ്തത് കോണ്‍ഗ്രസിന്, തിരുവനന്തപുരത്ത് ജയിക്കുമെന്ന് തരൂര്‍
തിരുവനന്തപുരം: മണ്ഡലത്തില്‍ ബിജെപി വിജയിക്കില്ലെന്ന് യുഡിഎഫ് സ്ഥാനാര്‍ത്ഥി ശശി തരൂര്‍. ബിജെപി സ്ഥാനാര്‍ത്ഥി കുമ്മനം രാജശേഖരന്‍ ജയിക്കുമെന്ന സര്‍വ്വേകള്‍ കോണ്‍ഗ്രസിനാണ് സഹായകമായതെന്നും ശശി തരൂര്‍ പറഞ്ഞു. കരണ്‍ ഥാപ്പറുമായുള്ള അഭിമുഖത്തിലാണ് ശശി തരൂര്‍ ഇക്കാര്യങ്ങള്‍ വ്യക്തമാക്കിയത്.
കേരളത്തില്‍ ബിജെപിക്ക് ഏറ്റവും സാധ്യത ഉളള മണ്ഡലമാണ് തിരുവനന്തപുരം എന്നാണ് കണക്കാക്കപ്പെടുന്നത്. പുറത്തുവന്ന സര്‍വ്വേകളില്‍ എല്ലാം തിരുവനന്തപുരത്ത് ബിജെപിക്ക് സാധ്യത കല്‍പ്പിച്ചിരുന്നു. എന്നാല്‍ ഈ സര്‍വ്വേകള്‍ കോണ്‍ഗ്രസിന് ഗുണം ചെയ്തെന്ന് ശശി തരൂര്‍ പറഞ്ഞു. കുമ്മനം ജയിക്കുമെന്ന് അപകടം മണത്ത വോട്ടര്‍മാര്‍ അതുകൊണ്ട് തന്നെ കൂട്ടത്തോടെ കോണ്‍ഗ്രസിന് വോട്ട് കുത്തിയതായും തരൂര്‍ പറഞ്ഞു.
കഴിഞ്ഞ തവണത്തെക്കാള്‍ കൂടുതല്‍ ഭൂരിപക്ഷത്തില്‍ ഇത്തവണ മണ്ഡലത്തില്‍ വിജയിക്കും. തിരഞ്ഞെടുപ്പ് പ്രചരണത്തിന് സജീവമല്ലാതിരുന്ന കോണ്‍ഗ്രസ് നേതാക്കളേയും തരൂര്‍ വിമര്‍ശിച്ചു. എല്ലാവര്‍ക്കും ക്ലീന്‍ ചീറ്റ് നല്‍കാനാവില്ല. നേതാക്കള്‍ പ്രചരണത്തിന് ഇറങ്ങുന്നില്ലെന്ന് പറഞ്ഞ് താന്‍ എഐസിസിക്ക് പരാതി നല്‍കിയിട്ടില്ല. അത്തരത്തില്‍ ഒരു കത്തേ താന്‍ കണ്ടിട്ടില്ല, തരൂര്‍ പറഞ്ഞു.
പ്രചരണത്തിന്‍റെ അവസാന നാളുകളില്‍ മണ്ഡലത്തില്‍ സജീവമാകാന്‍ കഴിഞ്ഞിട്ടുണ്ട്. പ്രീപോള്‍ സര്‍വ്വേകളേയും തരൂര്‍ വിമര്‍ശിച്ചു. സര്‍വ്വേകളെ വിശ്വസിക്കാന്‍ ആകില്ലെന്നും അദ്ദേഹം പറഞ്ഞു. യുഡിഎഫും എല്‍ഡിഎഫും ബിജെപിയും നേര്‍ക്ക് നേര്‍ ഏറ്റുമുട്ടിയ മണ്ഡലത്തില്‍ ഇത്തവണ വന്‍ പോളിങ്ങാണ് നടന്നത്.
ഇവിടെ 30,000 ത്തിന്‍റെ ഭൂരിപക്ഷമാണ് കോണ്‍ഗ്രസ് പ്രതീക്ഷിക്കുന്നത്.ശബരിമലയിലെ സര്‍ക്കാര്‍ നിലപാടിനെതിരെയുള്ള ജനവികാരമാണ് ഉയര്‍ന്ന പോളിങ്ങിന് പിന്നില്‍ എന്നാണ് ബിജെപി അവകാശപ്പെടുന്നത്. അതേസമയം കേന്ദ്ര സംസ്ഥാന സര്‍ക്കാരുകള്‍ക്ക് എതിരായ വികാരമാണ് പ്രതിഫലിച്ചതെന്ന് യുഡിഎഫ് പറയുന്നു.
