സതീഷ് സെയിൽ എംഎൽഎയോട് നന്ദി പറഞ്ഞ് മതിയാവാതെ അർജുന്റെ നാട്ടുകാർ; ഹൃദയംതൊടുന്ന കാഴ്ച

കോഴിക്കോട്: ഷീരൂർ മണ്ണിടിച്ചലിൽ മരണപ്പെട്ട അർജുന്റെ മൃതദേഹം നാട്ടിലെത്തിച്ച് അന്ത്യകർമ്മങ്ങൾ ചെയ്ത് സംസ്കരിച്ചു. 72ാം ദിവസമാണ് അർജുന്റെ മൃതദേഹം ​ഗം​ഗാവലി പുഴയിൽ നിന്ന് കണ്ടെത്തിയത്. അർജുനെ കണ്ടെത്താനുള്ള ദൗത്യത്തിൽ ആദ്യം മുതൽ തന്നെ മുന്നിലുണ്ടായ വ്യക്തിയാണ് കർവാർ എം എൽ എ സതീഷ് സെയിൽ. അർജുന്റെ മൃതദേഹം നാട്ടൽ എത്തിച്ചപ്പോൾ കൂടെ സതീഷ് സെയിലുമുണ്ടായിരുന്നു.

സതീഷ് സെയിലിനെ കണ്ടപ്പോൾ അദ്ദേഹത്തോടുള്ള നന്ദി അറിയിക്കാനും സ്നേഹം അറിയിക്കാനും പലരും ഓടിയെത്തി, ചിലർ അദ്ദേഹത്തിന്റെ കാൽതൊട്ട് വന്ദിച്ചു. അതേ സമയം അർജുനെ ജീവനോടെ എത്തിക്കാൻ സാധിക്കാത്തതിൽ ദുഖമുണ്ടെന്ന് അദ്ദേഹം പറഞ്ഞു. എന്നാലും അന്ത്യ കർമങ്ങൾ നടത്താൻ മൃത​ദേഹമെങ്കിലും വീട്ടിൽ എത്തിക്കാൻ സാധിച്ചതിൽ ആശ്വസിക്കുന്നവെന്നും അദ്ദേഹം പറഞ്ഞു.

തിരച്ചിൽ നടത്തുന്ന സമയത്ത് വളരെയേറെ പ്രതിസന്ധി നേരിട്ടിരുന്നെന്നും എല്ലാ പ്രതീക്ഷയും നഷ്ടപ്പെട്ടിരുന്നു എന്നാൽ ഒറ്റക്കെട്ടായി നിന്ന മലാളികളും മാധ്യമങ്ങളും ദൗത്യം മുന്നോട്ട് കൊണ്ടുപോകാൻ പ്രചോദനമായെന്നും അദ്ദേഹം പറഞ്ഞുയ കർണാടക മുഖ്യമന്ത്രി സിദ്ധരാമയ്യ പ്രത്യേകം ഇടപെടൽ നടത്തിയെന്നും അദ്ദേഹം പറഞ്ഞു.

തങ്ങൾ നടത്തിയത് നേരംപോക്കായിരുന്നില്ലെന്നും കണ്ണിൽ പൊടിയിടാനുള്ള ശ്രമമാണെന്നും അനാവശ്യമായി പണം ചെലവഴിക്കുകയണെന്നും ചിലർ പറഞ്ഞിരുന്നു, തങ്ങൾ തങ്ങുടെ ജോലി ചെയ്തെന്നും അദ്ദേഹം നേരത്തെ പറഞ്ഞിരുന്നു. തിരച്ചിലിന് ഡ്രജർ ഉൾപ്പെടെയുള്ള ഉപകരണങ്ങൾ എത്തിക്കുന്നതിൽ സതീഷ് സെയിൽ മുൻകൈ എടുത്തിരുന്നു. എം എൽ എ ഫണ്ട് ഉൾപ്പെടെ ഉപയോ​ഗിച്ചാണ് ‍ ഡ്രജർ എത്തിച്ചത്, രക്ഷാപ്രവർത്തനം നടത്തുമ്പോഴൊക്കെ അദ്ദേഹം സജീവമായി ഉണ്ടായിരുന്നു.

ജൂലായ് 16 ന് ആണ് കർണാടകയിലെ ഷിരൂരിൽ നടന്ന മണ്ണിടിച്ചിലിലാണ് ലോറി ഡ്രൈവർ ആയ അർജുനെ കാണാതാവുന്നത്. രാവിലെ 8. 45 ന് ആയിരുന്നു മണ്ണിടിച്ചിൽ ഉണ്ടായി. അപകടം നടന്ന് 72ാം ദിവസമാണ് ​ഗം​ഗാവലി പുഴയിൽ നിന്ന് അർജുനെയും ലോറിയേയും കണ്ടെടുത്തത്. ഷിരൂരിൽ തുടർന്ന കനത്ത മഴ രക്ഷാപ്രവർത്തനം വൈകാൻ കാരണമായി.

ഇടയ്ക്ക നിർത്തി വെച്ച രക്ഷാപ്രവർത്തനം ​ഗോവയിൽ നിന്ന് ഡ്രഡ്ജർ എത്തിച്ചതോടെ വീണ്ടും ആരംഭിച്ചു. റിട്ട. മേജർ ജനറൽ ഇന്ദ്രബാലൻ അടയാളപ്പെടുത്തിയ മേഖലയിൽ ഡ്രഡ്ജര്‌ ഉപയോ​ഗിച്ചുള്ള ഐ ബോഡ് പരിശോധനയിൽ ജി പി എസ് ഉപയോ​ഗിച്ച് അടയാളപ്പെടുത്തിയ ഭാ​ഗത്തി നടത്തിയ പരിശോധനയിലാണ് അർജുനെ കണ്ടെത്തിയത്.