Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ക്ലിഫ് ഹൗസില്‍ വെടിപൊട്ടി; ഗുരുതര സുരക്ഷാ വീഴ്ച? അന്വേഷണത്തിന് ഉത്തരവിട്ടു
തിരുവനന്തപുരം: മുഖ്യമന്ത്രി പിണറായി വിജയന്റെ ഔദ്യോഗിക വസതിയായ ക്ലിഫ് ഹൗസില്‍ വെടിയുതിര്‍ന്നു. സുരക്ഷാ ചുമതലയുണ്ടായിരുന്ന പൊലീസുകാരന്റെ തോക്കില്‍ നിന്ന് ആണ് അബദ്ധത്തില്‍ വെടിയുതിര്‍ന്നത്. ചൊവ്വാഴ്ച രാവിലെ ഒമ്പതരയോടെ ആയിരുന്നു സംഭവം.
ഈ സമയത്ത് മുഖ്യമന്ത്രി പിണറായി വിജയന്‍ ക്ലിഫ് ഹൗസില്‍ നിന്ന് നിയമസഭയിലേക്ക് പുറപ്പെട്ടിണ്ടേ ഉണ്ടായിരുന്നുള്ളൂ. ഗാര്‍ഡ് റൂമിന് അകത്ത് വെച്ചാണ് വെടി പൊട്ടിയത്. സുരക്ഷാ ജീവനക്കാരന്‍ തോക്ക് വൃത്തിയാക്കുന്നതിനിടെ അബദ്ധത്തില്‍ സംഭവിച്ചതാണ് എന്നാണ് പൊലീസ് നല്‍കുന്ന വിശദീകരണം. അതേസമയം ആര്‍ക്കും പരിക്കേറ്റിട്ടില്ല.
സുരക്ഷാ ചുമതലയുള്ള പൊലീസുകാരന്‍ തോക്ക് വൃത്തിയാക്കുന്നതിടെ ചേമ്പറില്‍ വെടിയുണ്ട കുരുങ്ങിയിരുന്നു. ഇതിനിടെ ആണ് വെടിപൊട്ടിയത്. രാവിലെ ഡ്യൂട്ടി മാറുമ്പോള്‍ പൊലീസുകാര്‍ ആയുധങ്ങള്‍ വൃത്തിയാക്കി വെക്കാറുണ്ട്. പൊലീസുകാരന്‍ തോക്ക് താഴേക്ക് ചൂണ്ടി വൃത്തിയാക്കുന്ന സമയത്താണ് വെടിപൊട്ടിയത്.
സംസ്ഥാനത്തെ അതീവ സുരക്ഷാ മേഖലകളില്‍ ഒന്നാണ് മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസ്. വെടിയുതിര്‍ക്കപ്പെട്ട സംഭവം ഗൗരവതരമായി തന്നെ അന്വേഷിക്കും. സുരക്ഷാ വീഴ്ചയുണ്ടോ എന്ന കാര്യവും പരിശോധിക്കും. സംഭവത്തില്‍ സിറ്റി പൊലീസ് കമ്മീഷണര്‍ അന്വേഷണത്തിന് ഉത്തരവിട്ടു. പൊലീസ് അന്വേഷണം ആരംഭിച്ചിട്ടുണ്ട്.
തിരുവനന്തപുരത്തെ നന്ദന്‍കോട് ആണ് ക്ലിറഫ് ഹൗസ് സ്ഥിതി ചെയ്യുന്നത്. ക്ലിഫ് ഹൗസ് വളപ്പില്‍ മറ്റ് നാല് മന്ത്രിമാരുടെ ഔദ്യോഗികവസതികളുമുണ്ട്.
