Click it and Unblock the Notifications
Just In
Don't Miss
-
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്‌റ്റ് ഓഫീസ് പദ്ധതി -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ലാവലിന്‍:ജഡ്ജിമാരെ പുറത്താക്കണം-കൃഷ്ണയ്യര്‍
തിരുവനന്തപുരം: ലാവലിന്‍ കേസില്‍ ഹര്‍ജി പരിഗണിക്കാന്‍ വിസമ്മതിച്ച ജഡ്ജിമാരെ പുറത്താക്കണമെന്ന് ജസ്റ്റിസ് വി ആര്‍ കൃഷ്ണയ്യര്‍. പിണറായി വിജയനെതിരെയുള്ള ഹര്‍ജി പരിഗണിക്കുന്നതില്‍ നിന്നാണ് ജഡ്ജിമാര്‍ പിന്‍മാറിയത്. നാല് ജഡ്ജിമാരാണ് ഹര്‍ജി പരിഗണിക്കാന്‍ വിസമ്മതിച്ചത്.
ലാവലിന്‍ കേസില്‍ ക്രൈം നന്ദകുമാറാണ് പിണറായിക്കെതിരെ ഹൈക്കോടതിയില്‍ ഹര്‍ജി സമര്‍പ്പിച്ചത്. ജസ്റ്റിസുമാരായ തോമസ് പി ജോസഫ്, ഹരിലാല്‍, ഹാറൂണ്‍ റഷീദ്, എംഎല്‍ ജോസഫ് ഫ്രാന്‍സിസ് എന്നിവാണ് ഹര്‍ജി പരിഗണിക്കുന്നതില്‍ നിന്ന് പിന്‍മാറിയത്.
ജഡ്ജിമാര്‍ നടത്തിയത് സത്യപ്രതിജ്ഞ ലംഘനമാണെന്ന് കൃഷ്ണയ്യര്‍ ആരോപിക്കുന്നു. കടമ മറക്കുന്ന ജഡ്ജിമാരെ പുറത്താക്കുകയാണ് വേണ്ടതെന്നും കൃഷ്ണയ്യര്‍ പറഞ്ഞു.
ഹൈക്കോടതി ചീഫ് ജസ്റ്റിസ് മഞ്ജുള ചെല്ലാര്‍ക്കും ഗവര്‍ണര്‍ നിഖില്‍ കുമാറിനും ഇത് സംബന്ധിച്ച് കൃഷ്ണയ്യര്‍ കത്തയച്ചു. ക്രൈം നന്ദകുമാര്‍ ഈ വിഷയം ശ്രദ്ധയില്‍ പെടുത്തിയതിനെ തുടര്‍ന്നാണ് കൃഷ്ണയ്യരുടെ പ്രതികരണം.
ലാവലിന്‍ കേസില്‍ സിബിഐ പ്രത്യേക കോടതി പിണറായി വിജയനേയും മറ്റ് പ്രതികളേയും വെറുതെ വിട്ടിരുന്നു. കുറ്റപത്രം നിലനില്‍ക്കില്ലെന്നും ഗൂഢാലോചന തെളിയിക്കാന്‍ കഴിഞ്ഞില്ലെന്നും പറഞ്ഞാണ് കോടതി പിണറായിയേയും മറ്റുളളവരേയും വെറുതെ വിട്ടത്. ഇതിനെതിരെയാണ് ക്രൈം നന്ദകുമാറിന്റെ ഹര്‍ജി.
