പെന്ഷന് ബോര്ഡില് വിരമിച്ചവരുടെ പ്രതിനിധിയെ ഉള്പ്പെടുത്തണം
കല്പ്പറ്റ: വയനാട് ജില്ലാ സഹകരണ ബാങ്ക് റിട്ടയറീസ് അസോസിയേഷന് വയനാട് ജില്ലാ സമ്മേളനം നടത്തി. പെന്ഷന് ബോര്ഡില് വിരമിച്ചവരുടെ പ്രതിനിധിയെ ഉള്പ്പെടുത്തണമെന്നും, ജില്ലാ സഹകരണ ബാങ്ക് പെന്ഷന് പദ്ധതി ശാസ്ത്രീയമായി പരിഷ്ക്കരിക്കണമെന്നും, പെന്ഷന്കാരുടെ ഡി എ വര്ദ്ധിപ്പിക്കമെന്നും സമ്മേളനം ആവശ്യപ്പെട്ടു. നിരന്തരമായി ഉന്നയിക്കുന്ന ആവശ്യങ്ങളാണെങ്കിലും ഇത് പരിഹരിക്കാന് നടപടിയുണ്ടാകുന്നില്ല.
അടിയന്തരമായി ഇത്തരം വിഷയങ്ങള് സര്ക്കാര് പരിഗണിക്കണമെന്നും സമ്മേളനം വ്യക്തമാക്കി. ഓള് കേരള ജില്ലാ സഹകരണ ബാങ്ക് റിട്ടയറീസ് അസോസിയേഷന് സംസ്ഥാന പ്രസിഡന്റ് മുണ്ടേരി ഗംഗാധരന് ഉദ്ഘാടനം ചെയതു. ജില്ലാ പ്രസിഡന്റ് പി.രാമകൃഷ്ണന് അധ്യക്ഷത വഹിച്ചു. സംസ്ഥാന ജനറല് സെക്രട്ടറി കെ.രാജീവന് മുഖ്യപ്രഭാഷണം നടത്തി. 80 വയസ്സ് കഴിഞ്ഞ എം.ശ്രീധരമേനോന്, ടി.എഫ്.ദേവസ്യ എന്നിവരെ പൊന്നാടയണിയിച്ച് ആദരിച്ചു.
ഓള് കേരള ജില്ലാ സഹകരണ ബാങ്ക് റിട്ടയറീസ് അസോസിയേഷന് വയനാട് ജില്ലാ സമ്മേളനം സംസ്ഥാന പ്രസിഡന്റ് മുണ്ടേരി ഗംഗാധരന് ഉദ്ഘാടനം ചെയ്യുന്നു
ജില്ലാ സെക്രട്ടറി പി.വി.വര്ഗ്ഗീസ് പ്രവര്ത്തന റിപ്പോര്ട്ടും ട്രഷറര് പി.യു.ജനാര്ദ്ദനന് വരവ് ചിലവ് കണക്കുകളും അവതരിപ്പിച്ചു. പുതിയ ഭാരവാഹികളായി പി.രാമകൃഷ്ണന് (പ്രസിഡന്റ്), പി.ആലി, സി.പാര്വതി(വൈസ് പ്രസിഡന്റുമാര്), കെ.ശശിധരന് നായര് ( സെക്രട്ടറി), എ .ചന്ദ്രന് (ജോയിന്റ് സെക്രട്ടറി), പി.വി.വര്ഗ്ഗീസ് (ട്രഷറര്) എന്നിവരെ തെരഞ്ഞെടുത്തു. എ.ചന്ദ്രന് സ്വാഗതവും കെ. ശശിധരന് നായര് നന്ദിയും പറഞ്ഞു. കെ.ശശിധരന് നായര്, പി.ആലി, എം.ശ്രീധരന് നായര്, എ.ചന്ദ്രന്, ഇമ്പിച്ചി കോയ തങ്ങള്, പി.സുദേവന് എന്നിവര് പ്രസംഗിച്ചു.