സില്വർ ലൈന് വേണ്ടേ.. വേണ്ട; വേഗ യാത്രക്ക് ബദല് നിർദേശവുമായി ഇ ശ്രീധരന്
മലപ്പുറം: സില്വർ ലൈന് പദ്ധതിക്കെതിരായ എതിർപ്പ് വീണ്ടും ശക്തമാക്കി ബി ജെ പി നേതാവ് ഈ ശ്രീധരന്. സില്വർ ലൈന് പദ്ധതി കേരളത്തിന് പൂർത്തീകരിക്കാന് സാധിക്കില്ലെന്നതിനാല് ബദല് മാർഗ്ഗം സ്വീകരിക്കണമെന്നാണ് അദ്ദേഹം വ്യക്തമാക്കുന്നത്. സംസ്ഥാനത്ത് നിലവിലുള്ള റയില്പാതയെ മികച്ച രീതിയില് വികസിപ്പിച്ചാല് തന്നെ സില്വർ ലൈന് ബദലായുള്ള വേഗത്തിലുള്ള യാത്ര സാധ്യമാകുമെന്നും അദ്ദേഹം അവകാശപ്പെടുന്നു.
ബദല് പദ്ധയിക്കുറിച്ച് ജനപ്രതിനിധികളുമായ പൊതുജനങ്ങളുമായി വിശദമായി ചർച്ച ചെയ്യും. അതിനെ് ശേഷം പദ്ധതി കേന്ദ്ര സർക്കാറിന് മുന്നില് സമർപ്പിക്കും. പൊന്നാനിയിലെ ഈ ശ്രീധരന്റെ വീട്ടിലെത്തിയ കേന്ദ്ര സഹമന്ത്രി വി മുരളീധരനുമായിട്ടുള്ള കൂടിക്കാഴ്ചയ്ക്ക് ശേഷം പ്രതികരിക്കുകയായിരുന്നു ഈ ശ്രീധരന്. ഇരുവരും തമ്മില് ഒരു മണിക്കൂറോളം കൂടിക്കാഴ്ച നടത്തി. ഇതിന് ശേഷം മന്ത്രിയായിരുന്നു ഈ ശ്രീധരന് മുന്നോട്ട് വെച്ച ബദല് പദ്ധതിയെക്കുറിച്ച് മാധ്യമങ്ങള്ക്ക് മുന്നില് വിശദീകരിച്ചത്.
രണ്ട് തരത്തിലുള്ള പദ്ധതിയുടെ വിശദമായ റിപ്പോർട്ട് കേന്ദ്രത്തിന് സമർപ്പിക്കും. നിലവിലെ റെയിൽ പാതയുടെ വികസനം കൊണ്ട് സാധ്യമാകുന്നതാണ് പദ്ധതികൾ .വേഗം വര്ധിപ്പിക്കുന്നതുള്പ്പെടെ ഹ്രസ്വകാല പദ്ധതികളും ദീര്ഘകാല പദ്ധതികളും ഉള്പ്പെടുന്നതാണ് വിശദമായ റിപ്പോർട്ട്. കുറഞ്ഞ ചെലവിൽ വേഗത്തിൽ നടപ്പാക്കാവുന്നതാണ് പദ്ധതികളെന്നും ഈ ശ്രീധരന് അവകാശപ്പെടുന്നു.
ഇതിനുമപ്പുറം ഒരു അഴകുണ്ടോ? ഇല്ലെന്ന് തീർച്ചപ്പെടുത്തി ആരാധകർ; വൈറലായി ഭാവനയുടെ സ്റ്റാറ്റസ്
സില്വർ ലൈനെതിരായ പ്രതിഷേധങ്ങള് നടന്ന മേഖലയിലൂടെയുള്ള സന്ദർശനത്തിന് ശേഷമായിരുന്നു വി മുരളീധരന് ഇ ശ്രീധരനെ കാണാനത്തിയത്. സംസ്ഥാനത്തെ വലിയ കടക്കെണിയിലാക്കി നേതാക്കൾക്ക് കമ്മീഷൻ അടിക്കുന്ന വികസനമാണ് ഇടതുപക്ഷത്തിൻ്റേതെന്ന് വി മുരളീധരന് കഴിഞ്ഞ ദിവസം ആരോപിച്ചിരുന്നു. സി പി എം നേതാക്കളുടെ പോക്കറ്റ് നിറയ്ക്കുന്ന വികസനം. ജനങ്ങൾക്ക് വേണ്ടാത്ത വികസനമാണ് പിണറായി കൊണ്ടുവരുന്നത്. വികസനത്തിൻ്റെ പേരിൽ ജനങ്ങളെ ദ്രോഹിക്കുകയാണ് പിണറായി സർക്കാർ. സിപിഎമ്മുകാർ ജനങ്ങളെ മനസിലാക്കാൻ ശ്രമിച്ചിരുന്നെങ്കിൽ ഇത്തരത്തിലൊരു പദ്ധതിക്ക് വേണ്ടി ശ്രമിക്കില്ലായിരുന്നുവെന്നും മുരളീധരൻ പറഞ്ഞു.
അതേസമയം, വരും തലമുറയ്ക്ക് വേണ്ടിയുള്ള കരുതലാണ് സിൽവർ ലൈൻ പദ്ധതിയെന്നായിരുന്നു മുഖ്യമന്ത്രി പിണറായി വിജയന് കഴിഞ്ഞ ദിവസം വ്യക്തമാക്കിയത്. അതു കേവലമൊരു യാത്രാ സംവിധാനം മാത്രമല്ല. അടിസ്ഥാന സൗകര്യത്തിൽ പുറകിൽ നിൽക്കുന്ന നമ്മുടെ നാടിൻ്റെ പുരോഗതിയെ സംബന്ധിച്ചിടത്തോളം ഒരു അനിവാര്യതയാണ്. വ്യവസായവും വിനോദസഞ്ചാരവും ഉൾപ്പെടെ സകല മേഖലകളുടേയും വളർച്ചയ്ക്ക് ഊർജ്ജം പകരാൻ സിൽവർ ലൈൻ പദ്ധതിയ്ക്ക് സാധിക്കും. പദ്ധതിയുടെ പ്രാധാന്യം ഭൂരിപക്ഷം മലയാളികളും തിരിച്ചറിഞ്ഞു കഴിഞ്ഞു. വിവാദങ്ങൾക്കും കുപ്രചരണങ്ങൾക്കും വിധേയരാകാതെ നാടിൻ്റെ നന്മയ്ക്കായി അവർ നിലയുറപ്പിക്കുന്നു. സിൽവർ ലൈൻ വേണമെന്ന് ഒറ്റക്കെട്ടായി പ്രഖ്യാപിക്കുന്നുവെന്നും അദ്ദേഹം കൂട്ടിച്ചേർത്തു.
Click it and Unblock the Notifications
Sign in with Google