മോദിയുടെ ഭരണം നാടിനാപത്ത്, ഈ ഭരണം തകര്‍ക്കുമെന്ന് സിന്ധു ജോയ്

By Sruthi K M

Published: Monday, February 22, 2016, 10:27 [IST]

തിരുവനന്തപുരം: പ്രധാനമന്ത്രി നരേന്ദ്രമോദിയുടെ ആരോപണങ്ങള്‍ക്കെതിരെ മുന്‍ എസ്എഫ്‌ഐ നേതാവ് സിന്ധു ജോയ് പ്രതികരിക്കുന്നു. കഴിഞ്ഞ ദിവസം ഒഡീഷയില്‍ നടന്ന പരിപാടിയില്‍ മോദി തന്നെയും സര്‍ക്കാരിനെയും തകര്‍ക്കാന്‍ പല ഗൂഢാലോചനകളും നടക്കുന്നുണ്ടെന്ന് പറയുകയുണ്ടായി. ഇതിന് ചുട്ട പ്രതികരണമാണ് സിന്ധു ജോയിയുടെ ഫേസ്ബുക്ക് പോസ്റ്റ്.

മോദി അങ്ങനെ സംശയിക്കുന്നതില്‍ തെറ്റില്ല. അതു ഗൂഢാലോചനയൊന്നുമല്ല, ശരിയായ ആലോചനയാണെന്നാണ് സിന്ധു ജോയ് പറയുന്നത്. താങ്കളുടെ ഈ ഫാഷിസ്റ്റ് ഭരണം നാടിന് ആപത്താണെന്ന് സിന്ധു പറയുന്നു. ഈ ഭരണത്തെ തകര്‍ക്കുക എന്നത് ജനങ്ങളുടെ ആവശ്യമായി മാറി കഴിഞ്ഞെന്നും സിന്ധു ഫേസ്ബുക്കില്‍ കുറിച്ചു.

മോദിയുടെ സംശയം

തന്നെയും സര്‍ക്കാരിനെയും തകര്‍ക്കാന്‍ പല ഗൂഢാലോചനകളും നടക്കുന്നുണ്ടെന്ന് മോദി കഴിഞ്ഞ ദിവസം പറയുകയുണ്ടായി. അങ്ങനെ ഒരു സംശയമുണ്ടെങ്കില്‍ അത് ഗൂഢാലോചനയല്ല മിസ്റ്റര്‍ മോഡിജി..ശരിയായ ആലോചനയാണെന്നാണ് സിന്ധു ഫേസ്ബുക്കില്‍ കുറിച്ചത്.

അസഹിഷ്ണുത മാത്രം

മോദി സര്‍ക്കാര്‍ ഈ നാട് ഭരിക്കുന്നത് രാജ്യത്ത് അസഹിഷ്ണുത സമ്മാനിക്കാനാണോയെന്നും സിന്ധു ചോദിക്കുന്നുണ്ട്.

ഇന്ത്യൻ പ്രധാനമന്ത്രി പറയുന്നു തന്നെയും സർക്കാരിനെയും തകർക്കാൻ ഗൂഢാലോചന നടക്കുന്നു എന്ന് ! അങ്ങനെ വല്ലതും നടക്കുന്നുണ്ട...
Posted by Sindhu Joy onSunday, February 21, 2016

എതിര്‍ക്കുന്നവരുടെ വാ മൂടി കെട്ടുന്നു

അനീതികള്‍ക്കെതിരെയും അഴിമതികള്‍ക്കെതിരെയയും ശബ്ദം ഉയര്‍ത്തുമ്പോള്‍ ഗൂഢാലോചന നടത്തി തുറങ്കില്‍ അടയ്ക്കുന്ന അവസ്ഥയാണുള്ളതെന്നും സിന്ധു പറയുന്നു.

നാടിന് ആപത്ത്

മോദിയുടെ ഭരണം നാടിന് പ്രത്യേകിച്ച് നേട്ടങ്ങളൊന്നും ഉണ്ടാക്കുന്നില്ലെന്നാണ് സിന്ധു പറയുന്നത്. താങ്കളുടെ ഈ ഫാഷിസ്റ്റ് ഭരണം നാടിന് ആപത്താണെന്ന് സിന്ധു പറയുന്നു.