കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഫറൂഖ് കോളേജിലെ ലിംഗവിവേചനം, മാനേജ്‌മെന്റിനെതിരെ ഗായിക സിത്താര

  • By Sruthi K M
Google Oneindia Malayalam News

തൃശ്ശൂര്‍: ആണ്‍കുട്ടികളും പെണ്‍കുട്ടികളും ഒരു ബെഞ്ചില്‍ ഒന്നിച്ചിരിക്കുന്നതിനെതിരെ ഫറൂഖില്‍ പ്രതിഷേധം നടക്കുന്നതിനെതിരെ ഗായിക സിത്താരയും രംഗത്തെത്തി. കോളേജ് പ്രശ്‌നം വിവാദമായപ്പോള്‍ രാഷ്ട്രീയ നേതാക്കളും സിനിമാപ്രവര്‍ത്തകരും അഭിപ്രായങ്ങള്‍ രേഖപ്പെടുത്തുകയുണ്ടായി. ഒടുവില്‍ കോളേജ് മാനേജ്‌മെന്റിനെതിരെ പ്രതിഷേധവുമായി ഗായിക സിത്താരയും എത്തി.

ഫറൂഖ് കോളേജിലെ പൂര്‍വ്വ വിദ്യാര്‍ത്ഥിയാണ് സിത്താര. തന്റെ പഴയകാല കോളേജ് ജീവിതം ഫേസ്ബുക്കിലൂടെ ഷെയര്‍ ചെയ്താണ് സിത്താര ഇതിനെതിരെ പ്രതികരിച്ചത്. താന്‍ പഠിക്കുമ്പോള്‍ ഇങ്ങനെയൊരു ലിംഗവിവേചനം ഉണ്ടായിരുന്നില്ലെന്നാണ് സിത്താര പറയുന്നത്. ഇപ്പോള്‍ കോളേജിനെക്കുറിച്ച് കേള്‍ക്കുന്ന വാര്‍ത്ത തന്നെ വേദനിപ്പിക്കുന്നതും നിരാശപ്പെടുത്തുന്നതുമാണെന്ന് സിത്താര ഫേസ്ബുക്കില്‍ കുറിച്ചു.

നിരാശപ്പെടുത്തുന്ന വാര്‍ത്ത

നിരാശപ്പെടുത്തുന്ന വാര്‍ത്ത

ഫറൂഖ് കോളേജ് എന്നും നല്ല ഓര്‍മ്മകളും സന്തോഷങ്ങളും നല്‍കിയ ക്യാമ്പസാണ്. ഇപ്പോള്‍ കോളേജിനെക്കുറിച്ച് കേള്‍ക്കുന്ന വാര്‍ത്ത തന്നെ വേദനിപ്പിക്കുന്നതും നിരാശപ്പെടുത്തുന്നതുമാണെന്ന് സിത്താര ഫേസ്ബുക്കില്‍ കുറിച്ചു.

കളിച്ചും, ആടിയും, പാടിയും ഒരുമിച്ചുമുള്ള നിമിഷങ്ങള്‍

കളിച്ചും, ആടിയും, പാടിയും ഒരുമിച്ചുമുള്ള നിമിഷങ്ങള്‍

പത്ത് വര്‍ഷങ്ങള്‍ക്കുമുന്‍പുള്ള ഫറൂഖ് കലാലയ നിമിഷങ്ങളെപ്പറ്റിയാണ് സിത്താര പറയുന്നത്. എല്ലാവരും ഒരുമിച്ച് കളിച്ചും, ചിരിച്ചും, ആടിയും, പാടിയും ആഘോഷിച്ചു. ആണ്‍-പെണ്‍ വ്യത്യാസമില്ലാതെയാണ് അന്നത്തെ കലാലയ നിമിഷങ്ങള്‍ ആഘോഷിച്ചതെന്നും സിത്താര പങ്കുവയ്ക്കുന്നു.

കുട്ടികളുടെ ആത്മവിശ്വാസം തകര്‍ക്കുന്നു

കുട്ടികളുടെ ആത്മവിശ്വാസം തകര്‍ക്കുന്നു

ആണും പെണ്ണും തമ്മില്‍ പ്രേമകാമങ്ങളെക്കാള്‍ പ്രധാനപ്പെട്ടത് പലതുമില്ലേയെന്ന് സിത്താര ചോദിക്കുന്നു. ഇത്തരം കാര്യങ്ങളെ വിലകുറച്ച് കാണുമ്പോള്‍ കുട്ടികളുടെ ആത്മവിശ്വാസത്തെയാണ് ചോദ്യം ചെയ്യുന്നതെന്നും സിത്താര പറയുന്നു.

പ്രണയമാണെങ്കില്‍

പ്രണയമാണെങ്കില്‍

പ്രണയിക്കാന്‍ പാടില്ലെന്ന് ആര്‍ക്കും പറയാന്‍ അവകാശമില്ല. ഒരു ബെഞ്ചിലില്‍ ഇരുന്നില്ലെങ്കിലും, രണ്ട് ഭൂഖണ്ഡങ്ങളിലാണെങ്കിലും കമിതാക്കള്‍ പ്രണയിക്കുക തന്നെ ചെയ്യുമെന്നും സിത്താര പറയുന്നു.

പ്രശ്‌നങ്ങള്‍ സൃഷ്ടിക്കുന്നവര്‍

ഇത്തരം ചെറിയ വിഷയത്തില്‍ വിദ്യാര്‍ത്ഥികളെ പ്രശ്‌നക്കാരാക്കി മാറ്റുമ്പോള്‍ മുതിര്‍ന്നവര്‍ കുട്ടികളെ വഴിതെറ്റിക്കുകയല്ലേയെന്നും സിത്താര ചോദിക്കുന്നു.

English summary
Singer Sithara facebook post talk about farooq collage issue
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X