ഓഗസ്റ്റ് മുതല് സിംഗിള്; വിവാഹമോചിതയായി മീര വാസുദേവ്: ജീവിതത്തിലെ ഏറ്റവും സമാധാനം നിറഞ്ഞ ഘട്ടം
ബ്ലെസി സംവിധാനം ചെയ്ത തന്മാത്ര എന്ന ചിത്രത്തിലൂടെ മലയാളി പ്രേക്ഷകരുടെ മനസില് ഇടം പിടിച്ച നായികയാണ് മീര വാസുദേവ്. അന്യഭാഷാ നടിയാണെങ്കിലും മലയാളത്തില് നിരവധി ചിത്രങ്ങളിലും സിരീയലുകളിലും ശ്രദ്ധേയമായ വേഷങ്ങള് ചെയ്തു. മലയാളത്തിന് പുറമേ തമിഴ്, ഹിന്ദി, തെലുങ്ക് സിനിമകളിലും അഭിനയിച്ചിട്ടുള്ള മീര താന് മൂന്നാമതും വിവാഹ മോചിതയായെന്നു വെളിപ്പെടുത്തിയിരിക്കുകയാണ്.
ഇന്സ്റ്റഗ്രാമിലൂടെയായിരുന്നു താരത്തിന്റെ വെളിപ്പെടുത്തല്. പ്രശസ്തമായ സീരിയലുകളുടെയും ഡോക്യുമെന്ററികളുടെയും സംവിധായകനായ വിപിന് പുതിയങ്കവുമായുള്ള ബന്ധമാണ് പിരിഞ്ഞത്. ഇന്സ്റ്റഗ്രാമില് മീര കുറിച്ചത് ഇങ്ങനെ - '2025 ഓഗസ്റ്റ് മുതല് ഞാന് സിംഗിളാണെന്ന് ഔദ്യോഗികമായി പ്രഖ്യാപിക്കുന്നു. എന്റെ ജീവിതത്തിലെ ഏറ്റവും മനോഹരവും സമാധാനപരവുമായ ഒരു ഘട്ടത്തിലാണ് ഞാന്'.
43 വയസുകാരിയായ മീരയുടെ മൂന്നാം വിവാഹമായിരുന്നു ഇത്. ഇരുവരും തമ്മിലുള്ള പ്രായവ്യത്യാസത്തിന്റെ പേരില് രൂക്ഷമായ സൈബര് ആക്രമണമാണ് അന്ന് മീര വാസുദേവ് നേരിട്ടത്.
തമിഴ് കുടുംബത്തില് ജനിച്ച മീര 2005-ല് വിശാല് അഗര്വാളിനെ വിവാഹം ചെയ്തു. 2010-ല് ഇവര് വിവാഹമോചിതരായി. ഈ ബന്ധം വേര്പിരിഞ്ഞ ശേഷം നടന് ജോണ് കൊക്കനെ 2012-ല് വിവാഹം കഴിച്ചു. ഇതും വേര്പിരിഞ്ഞ ശേഷമാണ് കഴിഞ്ഞ വര്ഷം തന്നേക്കാള് പ്രായം കുറഞ്ഞ ഛായാഗ്രാഹകന് വിപിന് പുതിയങ്കത്തെ വിവാഹം കഴിച്ചത്. നടന് ജോണ് കൊക്കനുമായുള്ള രണ്ടാം വിവാഹത്തില് അരീഹ എന്ന മകനുണ്ട്. കഴിഞ്ഞ വര്ഷം ഏപ്രിലിലാണ് വിപിന് പുതിയങ്കത്തെ വിവാഹം ചെയ്തതായി മീര പ്രഖ്യാപിച്ചത്. കോയമ്പത്തൂരിലെ ഒരു ക്ഷേത്രത്തിലായിരുന്നു വിവാഹം. ഒരു വര്ഷം പൂര്ത്തിയായപ്പോഴാണ് വിവാഹമോചനവും പ്രഖ്യാപിച്ചത്.
Click it and Unblock the Notifications
Sign in with Google