കോണ്ഗ്രസ് സഖ്യമില്ല, മാണിയെ മുന്നണിയിലെടുക്കാനും തീരുമാനിച്ചിട്ടില്ല നിലപാട് വ്യക്തമാക്കി സിപിഎം
സിപിഐയുടെ വിമര്ശനം അനാവശ്യമെന്ന് സിപിഎം
തൃശൂര്: സംസ്ഥാന സമ്മേളനത്തിന്റെ സമാപനത്തില് നിലപാട് വ്യക്തമാക്കി സിപിഎം. കോണ്ഗ്രസുമായി യാതൊരുവിധ സഖ്യവുമില്ലെന്ന് സിപിഎം ദേശീയ ജനറല് സെക്രട്ടറി സീതാറാം യെച്ചൂരി വ്യക്തമാക്കിയിട്ടുണ്ട്. കഴിഞ്ഞ ദിവസത്തെ രൂക്ഷ വിമര്ശനം കുറച്ച് മയപ്പെടുത്താനും യെച്ചൂരി തയ്യാറായി. കോണ്ഗ്രസുരമായി സഖ്യത്തിന് സിപിഎം തയ്യാറല്ല. എന്നാല് കേന്ദ്രത്തില് നിന്ന് ബിജെപിയെ അകറ്റാന് മതനിരപേക്ഷ വോട്ടുകള് ഏകീകരിക്കുമെന്നും യെച്ചൂരി പറഞ്ഞു.
നീരവിന്റെ തട്ടിപ്പുകള് തീര്ന്നിട്ടില്ല, നോട്ടുനിരോധനത്തിന് മുമ്പ് 90 കോടി നിക്ഷേപം, ഗുരുതര ആരോപണം
പാര്ട്ടിയില് അഭിപ്രായവ്യത്യാസങ്ങളില്ലെന്നും സമ്മേളനത്തില് ചര്ച്ച ചെയ്തെടുത്ത തീരുമാനങ്ങള് അന്തിമമാണെന്നും യെച്ചൂരി വ്യക്തമാക്കി. സംസ്ഥാനത്ത് പാര്ട്ടി ഉള്പ്പെടുന്ന അക്രമപ്രവര്ത്തനങ്ങളെയും അദ്ദേഹം തള്ളി. അക്രമം പാര്ട്ടിയുടെ നയമല്ലെന്നും പാര്ട്ടി പ്രവര്ത്തകരെ ആക്രമിച്ചാല് പ്രതിരോധിക്കുമെന്നും ഒരിക്കല് കൂടി യെച്ചൂരി ആവര്ത്തിച്ചു. അതേസമയം കേരള കോണ്ഗ്രസ് മാണി ഗ്രൂപ്പിനെ എല്ഡിഎഫില് എടുക്കുന്ന കാര്യത്തില് തീരുമാനമെടുത്തിട്ടില്ലെന്ന് സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു.
മുന്നണിയില് ചര്ച്ച ചെയ്ത് മാത്രമേ ഇക്കാര്യത്തില് തീരുമാനമെടുക്കൂ. സിപിഐയോടും ഇക്കാര്യം ചര്ച്ച ചെയ്യും. മുന്നണി വിപുലീകരണ ചര്ച്ചകളാണ് പുരോഗമിക്കുകയാണ്. അതിനിടയില് ചര്ച്ച പോലും ചെയ്യാത്ത കാര്യങ്ങള് സിപിഐ എന്തിനാണ് വിവാദമാക്കുന്നതെന്നും കോടിയേരി ചോദിച്ചു. അതേസമയം കോണ്ഗ്രസുമായി ബന്ധപ്പെട്ട വിഷയത്തില് പാര്ട്ടി നിലപാട് വ്യക്തമാക്കിയതാണെന്നും ജനറല് സെക്രട്ടറിയുടേതെന്ന രീതിയില് പ്രചരിക്കുന്ന കാര്യങ്ങള് അടിസ്ഥാനരഹിതമാണെന്നും കോടിയേരി കൂട്ടിച്ചേര്ത്തു.
സിപിഎം എന്നാല് കേരളം മാത്രമല്ല; കോണ്ഗ്രസുമായി അടവുനയം വേണമെന്ന് സീതാറാം യെച്ചൂരി
ശ്രീദേവിയുടെ ഒടുവിലെ തീരുമാനം: കുടുംബം നാട്ടിലേക്ക് വന്നിട്ടും? ഉള്വിളി പോലെ ബോണി കപൂര് എത്തി