കൊവിഡ് രോഗികള് വര്ധിക്കുന്നു; ആറ് പ്രദേശങ്ങള് കൂടി ഹോട്ട്സ്പോര്ട്ട്
തിരുവനന്തപുരം: കേരളത്തില് കൊവിഡ് രോഗികളുടെ അനുദിനം വര്ധിക്കുകയാണ്. ഒപ്പം നിയന്ത്രങ്ങള് ശക്തമാക്കുന്നതിന്റെ ഭാഗമായി സംസ്ഥാനത്തെ ഹോട്ട്സ്പോര്ട്ടുകളുടേയും എണ്ണം അനുദിനം വര്ധിച്ചു വരകിയാണ്. ഇന്ന് പുതുതായി ആറ് പ്രദേശങ്ങളെയാണ് ഹോട്ട്സ്പോര്ട്ടില് ഉള്പ്പെടുത്തിയിരിക്കുന്നത്.
കണ്ണൂര് ജില്ലയിലെ എരുവേശ്ശി, ഉദയഗിരി, മാങ്ങാട്ടിടം, കുറ്റിയാട്ടൂര്, പാലക്കാട് ജില്ലയിലെ കൊടുവായൂര്, വയനാട് ജില്ലയിലെ പനമരം എന്നിവയാണ് പുതിയ ഹോട്ട് സ്പോട്ടുകള്. ഇതോടെ സംസ്ഥാനത്തെ ഹോട്ട്സ്പോര്ട്ടുകളുടെ എണ്ണം 144 ആയി.
സംസ്ഥാനത്ത് ഇന്നലെ പത്ത് പ്രദേശങ്ങളെയായിരുന്നു ഹോട്ട്സ്പോര്ട്ടില് ഉള്പ്പെടുത്തിയത്. ഇതില് എട്ടും പാലക്കാട് ജില്ലയിലായിരുന്നു. പുതുപരിയാരം, കണ്ണാടി, വണ്ടാഴി, വടക്കാഞ്ചേരി, പൂക്കോട്ടുക്കാവ്, തെങ്കര, പിരായിരി, കൊല്ലങ്കോട് എന്നിവയാണ് പാലക്കാട് ജില്ലയിലെ ഹോട്ട്സ്പോട്ടുകള്. കൊല്ലം ജില്ലയിലെ നീണ്ടകര, കോഴിക്കോട് ജില്ലയിലെ ഒളവണ്ണയും ഹോട്ട്സ്പോട്ടായി കണ്ടെത്തിയിരുന്നു.
അതേസമയം ഇന്ന് കേരളത്തില് 107 പേര്ക്കാണ് സംസ്ഥാനത്ത് കോവിഡ്-19 സ്ഥിരീകരിച്ചത്. മലപ്പുറം ജില്ലയില് 27 പേര്ക്കും തൃശ്ശൂരില് 26 പേര്ക്കും രോഗബാധയുണ്ടായി. പത്തനംതിട്ട 13, കൊല്ലം 9, ആലപ്പുഴ 7, പാലക്കാട്, കോഴിക്കോട് ജില്ലകളില് 6 പേര്ക്ക് വീതം, തിരുവനന്തപുരം 4, കോട്ടയം, കാസര്ഗോഡ് ജില്ലകളില് 3 പേര്ക്ക് വീതം, കണ്ണൂര് 2, ഇടുക്കി ജില്ലയില് ഒന്ന് എന്നിങ്ങനെയാണ് രോഗം സ്ഥിരീകരിച്ചത്.
ഇതില് 71 പേര് വിദേശ രാജ്യങ്ങളില് നിന്നും (യു.എ.ഇ-39, കുവൈറ്റ്-21, സൗദി അറേബ്യ-4, റഷ്യ-2, താജിക്കിസ്ഥാന്-2, ഖത്തര്-1, ഒമാന്-1, ഇറ്റലി-1) 28 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-15, തമിഴ്നാട്-7, ദില്ലി-4, ഗുജറാത്ത്-1, തെലുങ്കാന-1) വന്നതാണ്. സമ്പര്ക്കത്തിലൂടെ 8 പേര്ക്കാണ് രോഗം ബാധിച്ചത്. തൃശൂര് ജില്ലയിലെ 3 പേര്ക്കും മലപ്പുറം, പാലക്കാട് ജില്ലകളിലെ 2 പേര്ക്ക് വീതവും കൊല്ലം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
സംസ്ഥാനത്തെ വിവിധ ജില്ലകളിലായി 1,91,481 പേര് നിരീക്ഷണത്തിലാണ്. ഇവരില് 1,89,765 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1716 പേര് ആശുപത്രികളിലും നിരീക്ഷണത്തിലാണ്. 277 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google