Click it and Unblock the Notifications
Just In
Don't Miss
-
രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര് -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
സ്മാര്‍ട്ട് സിറ്റി മൂന്ന് വര്‍ഷത്തിനുള്ളില്‍... ഉറപ്പ് പിണറായിയുടേതോ അതോ?
തിരുവനന്തപുരം: സ്മാര്‍ട്ട് സിറ്റിയെ കുറിച്ചുള്ള ചര്‍ച്ചകള്‍ തുടങ്ങിയിട്ട് ദശാബ്ദം ഒന്ന് കഴിഞ്ഞിരിയ്ക്കുന്നു. ഉമ്മന്‍ ചാണ്ടി സര്‍ക്കാര്‍ കാലാവധി തീരുന്നതിന് മുമ്പ് ഒരു കെട്ടിടം പണിഞ്ഞ് ഉദ്ഘാടനം നടത്തിയെങ്കിലും അവിടെ കാര്യമായി ഒന്നും നടന്നിട്ടില്ലെന്ന് എല്ലാവര്‍ക്കും വ്യക്തമാണ്.
മൂന്ന് വര്‍ഷത്തിനകം സ്മാര്‍ട്ട് സിറ്റി പൂര്‍ത്തിയാക്കും എന്നാണ് ഇപ്പോള്‍ മുഖ്യമന്ത്രി പിണറായി വിജയന്‍ പറഞ്ഞിരിയ്ക്കുന്നത്. സ്മാര്‍ട്ട് സിറ്റി അധികൃതരുമായി നടത്തിയ കൂടിക്കാഴ്ചയ്ക്ക് ശേഷമാണ് പിണറായി ഇക്കാര്യം പറഞ്ഞത്. സ്മാര്‍ട്ട് സിറ്റി അധികൃതര്‍ ഇക്കാര്യത്തില്‍ സംസ്ഥാനത്തിന് ഉറപ്പ് നല്‍കിയിട്ടുണ്ടത്രെ.
2020 ന് അപ്പുറത്തേയ്ക്ക് സ്മാര്‍ട്ട് സിറ്റിയുടെ നിര്‍മാണ പ്രവര്‍ത്തനങ്ങള്‍ നീണ്ടുപോകില്ലെന്നാണ് മുഖ്യമന്ത്രി പറയുന്നത്. നേരത്തേ പ്രഖ്യാപിച്ചതുപോലെ തന്നെ ഒരു ലക്ഷം തൊഴിലവസരങ്ങള്‍ സൃഷ്ടിയ്ക്കുമെന്നും അദ്ദേഹം പറഞ്ഞു.
88 ലക്ഷം ചതുരശ്ര അടിയുടെ കെട്ടിടമാണ് കരാര്‍ പ്രകാരം സ്മാര്‍ട്ട് സിറ്റിയില്‍ നിര്‍മിയ്‌ക്കേണ്ടത്. എന്നാല്‍ ഉമ്മന്‍ ചാണ്ടി സര്‍ക്കാര്‍ ഉദ്ഘാടനം ചെയ്യാന്‍ വേണ്ടി മാത്രമായി നിര്‍മിച്ചിട്ടുള്ളത് വെറും ആറരലക്ഷം ചതുരശ്ര അടിയാണ്. പത്ത് ശതമാനം പോലും പൂര്‍ത്തിയാട്ടില്ലെന്ന് സാരം.
88 ലക്ഷം ചതുരശ്ര അടിയില്‍ 67 ലക്ഷവും ഐടി മേഖലയ്ക്ക് വേണ്ടി മാത്രമായിരിക്കണം എന്നാണ് ചട്ടം. 21 ലക്ഷം ചതുരശ്ര അടി ഐടി ഇതര കാര്യങ്ങള്‍ക്ക് ഉപയോഗിക്കാം.
സ്മാര്‍ട്ട് സിറ്റി വൈസ് ചെയര്‍മാന്‍ ജാബര്‍ ബിന്‍ ഹാഫിസും ലുലു ഗ്രൂപ്പ് ചെയര്‍മാന്‍ എംഎ യൂസഫലിയും ഉള്‍പ്പെടെയുള്ളവരാണ് പിണറായി വിജയനുമായി കൂടിക്കാഴ്ച നടത്തിയത്.
