Click it and Unblock the Notifications
Just In
Don't Miss
-
'താരപത്നിക്ക് എന്തുകൊണ്ടാണ് പെട്ടന്ന് ഒരു മനംമാറ്റം'; വിജയ് ഇല്ലാതെ ശങ്കറിന്റെ മകളുടെ വിവാഹത്തിനെത്തി സംഗീത! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കേരളത്തിന്റെ സ്വന്തം പെണ്‍ഗുണ്ട!!! ആരേയും ഞെട്ടിപ്പിക്കുന്ന അത്ഭുത കഥകള്‍... ഒടുവില്‍ അടങ്ങുമോ?
കൊച്ചി: ക്രിമിനലുകള്‍ക്ക് ആണെന്നോ പെണ്ണെന്നോ വ്യത്യാസം ഒന്നും ഇല്ല. പക്ഷേ, ക്രിമിനല്‍ കേസുകളില്‍ കുടുങ്ങുന്ന സ്ത്രീകളുടെ എണ്ണം പൊതുവേ കുറവാണ് എന്ന് മാത്രം.
കേരളത്തില്‍ സ്ഥിരം ക്രിമിനല്‍ എന്ന കുപ്രസിദ്ധി നേടിയ ഒരാളേ ഉള്ളൂ... അത് ശോഭ ജോണ്‍ ആണ്. തന്ത്രി കേസ് മുതല്‍ ശോഭ ജോണ്‍ മാധ്യമങ്ങളില്‍ നിറഞ്ഞ് നില്‍ക്കുകയാണ്. ഏറ്റവും ഒടുവില്‍ പെണ്‍വാണിഭ കേസില്‍ 18 വര്‍ഷം തടവ് ശിക്ഷയ്ക്ക് വിധിയ്ക്കപ്പെട്ടിരിക്കുകയാണ് ശോഭ.
ആരാണ് ശോഭ ജോണ്‍? കേരളം പലപ്പോഴും ചോദിച്ച ചോദ്യമാണത്. ചെറുപ്രായത്തില്‍ വിവാഹം കഴിഞ്ഞ്, വീട്ടുകാര്‍ക്കും അയല്‍വാസികള്‍ക്കും എല്ലാം പ്രിയങ്കരിയായിരുന്ന ഒരു ശോഭ ജോണും ചരിത്രത്തില്‍ ഉണ്ട്.
ചെറുപ്രായത്തില്‍ വിവാഹം
ചെറുപ്രായത്തില്‍ തന്നെ വിവാഹിതയായിരുന്നു ശോഭ ജോണ്‍. അതുവരെ വീട്ടുകാര്‍ക്കും അയല്‍ വാസികള്‍ക്കും എല്ലാം ഏറെ പ്രിയപ്പെട്ടവള്‍ ആയിരുന്നു. പിന്നീടാണ് കഥകള്‍ മാറി മറിയുന്നത്.
അനാശാസ്യത്തിന് പിടിയില്‍
വിവാഹത്തിന് ശേഷം ഭര്‍ത്താവിന്റെ നാട്ടില്‍ ആയിരുന്നു ശോഭ. എന്നാല്‍ ആയിടക്കാണ് അനാശാസ്യ കേസില്‍ ശോഭ അറസ്റ്റിലാകുന്നത്. അതോടെ വീടുമായുള്ള ബന്ധം ഏതാണ്ട് ഉപേക്ഷിച്ച മട്ടായി.
സ്വന്തമായി ഗുണ്ടാസംഘം
അതിന് ശേഷം ശോഭ ജോണ്‍ എന്ന പെണ്‍ഗുണ്ടയുടെ വളര്‍ച്ചയുടെ കാലമായിരുന്നു. കൊച്ചിയില്‍ സ്വന്തമായി ഒരു ഗുണ്ടാസംഘം തന്നെ ശോഭ ജോണ്‍ കെട്ടിപ്പടുത്തു. ക്വട്ടേഷനുകള്‍ ഏറ്റെടുത്തു.
തന്ത്രി കേസില്‍
ശബരിമല മുന്‍ തന്ത്രി കണ്ഠരര് മോഹനരെ തട്ടിക്കൊണ്ടുപോയു ഭീഷണിപ്പെടുത്തിയ കേസോടെ ശോഭ ജോണ്‍ കേരളത്തിലെ പേരെടുത്ത ക്വട്ടേഷന്‍ നായികയായി. ഫ്‌ലാറ്റില്‍ വിളിച്ചുവരുത്തി തന്ത്രിയെ സ്ത്രീയ്‌ക്കൊപ്പം നിര്‍ത്ത് നഗ്ന ചിത്രങ്ങള്‍ പകര്‍ത്തി ഭീഷണിപ്പെടുത്തി എന്നായിരുന്നു കേസ്.
ശിക്ഷിയ്ക്കപ്പെട്ടു
ആ കേസില്‍ ഏഴ് വര്‍ഷത്തെ തടവ് ശിക്ഷയ്ക്കാണ് ശോഭ ജോണ്‍ വിധിക്കപ്പെട്ടത്. പക്ഷേ ശോഭ അതുകൊണ്ടൊന്നും അടങ്ങിയില്ല. തുടര്‍ന്നും ഗുണ്ടാ സംഘങ്ങളെ നിയന്ത്രിച്ച് മുന്നോട്ട് പോയി.
ഫൈവ് സ്റ്റാര്‍ ഹോട്ടലുകളില്‍
ക്വട്ടേഷനുകളിലുടെ ലഭിച്ച പണം ആഡംബരജീവിതത്തിനും ശോഭ ഉപയോഗിച്ചു. ഫൈവ് സ്റ്റാര്‍ ഹോട്ടലുകളില്‍ ആയിരുന്നു പലപ്പോഴും താമസം. സഞ്ചാരം ആഡംബര വാഹനങ്ങളിലും.
പെണ്‍വാണിഭവും തുടങ്ങി
ഇതിനിടയില്‍ സ്വന്തമായി ഒരു പെണ്‍വാണിഭ സംഘത്തേയും സൃഷ്ടിച്ചു ശോഭ ജോണ്‍. അങ്ങനെയാണ് വരാപ്പുഴ കേസില്‍ പെടുന്നത്. 16 തികയാത്ത പെണ്‍കുട്ടിയെ നൂറിലേറെ പേര്‍ക്കാണ് ശോഭ ജോണും സംഘവും കാഴ്ചവച്ചത്.
ഗുണ്ടാ കേസിലെ ആദ്യത്തെ സ്ത്രീ
വരാപ്പുഴ കേസില്‍ പ്രതിചേര്‍ക്കപ്പെട്ട ശോഭ ജോണിനെ ഗുണ്ട നിയമ പ്രകാരം ആണ് അറസ്റ്റ് ചെയ്തത്. കേരളത്തില്‍ ഈ നിയമ പ്രകാരം അറസ്റ്റിലാകുന്ന ആദ്യത്തെ സ്ത്രീ എന്ന റെക്കോര്‍ഡും ശോഭയുടെ പേരിലാണ്.
ജയിലില്‍ ആയാലും
ശോഭ ജോണിന്റെ ക്രിമിനല്‍ പശ്ചാത്തലം ഇതിനകം തന്നെ തെളിയിക്കപ്പെട്ടതാണ്. ഒരു കേസില്‍ ശിക്ഷിക്കപ്പെട്ടിട്ടും അതില്‍ മാറ്റമൊന്നും ഉണ്ടായില്ല. ജയിലില്‍ കിടന്നാലും ശോഭ കൊച്ചിയിലെ ഗുണ്ടാസംഘങ്ങളെ നിയന്ത്രിക്കുമോ എന്നതാണ് ഇപ്പോള്‍ ഉയരുന്ന ചോദ്യം.
