'പിണറായിയുടെ ലക്ഷ്യം ഏകീകൃതമായി മതാടിസ്ഥാനത്തിൽ വോട്ട് രേഖപ്പെടുത്തുന്ന വിഭാഗങ്ങളുടെ മൊത്തകുത്തക'

Updated: Monday, December 21, 2020, 19:27 [IST]

തിരുവനന്തപുരം; മുസ്ലിം ലീഗ് യുഡിഫ് സംവിധാനത്തെ നിയന്ത്രിക്കുന്നതിൽ പിണറായി വിജയനുള്ള കുണ്ഠിതം വലിയ തമാശയാണെന്ന് ബിജെപി നേതാവ് ശോഭാ സുരേന്ദ്രൻ.രാമക്ഷേത്ര നിർമ്മാണത്തിന് വേണ്ടി ബിജെപി രഥയാത്ര നടത്തുന്ന കാലത്ത് കോൺഗ്രസിനോട് കൂട്ട് ചേർന്ന് നിൽക്കുന്നതിൽ പരിഭവിച്ച് ആരംഭിച്ച ഇന്ത്യൻ നാഷണൽ ലീഗ് എന്ന ഐ എൻ എല്ലുമായി സഖ്യമുള്ളവരാണ് കേരളത്തിലെ കമ്മ്യൂണിസ്റ്റുകാർ.

മുസ്ലിം ലീഗ് യുഡിഫ് സംവിധാനത്തെ നിയന്ത്രിക്കുന്നതിൽ പിണറായി വിജയനുള്ള കുണ്ഠിതം വലിയ തമാശയാണ്. രാമക്ഷേത്ര നിർമ്മാണത്തിന് വേണ്ടി ബിജെപി രഥയാത്ര നടത്തുന്ന കാലത്ത് കോൺഗ്രസിനോട് കൂട്ട് ചേർന്ന് നിൽക്കുന്നതിൽ പരിഭവിച്ച് ആരംഭിച്ച ഇന്ത്യൻ നാഷണൽ ലീഗ് എന്ന ഐ എൻ എല്ലുമായി സഖ്യമുള്ളവരാണ് കേരളത്തിലെ കമ്മ്യൂണിസ്റ്റുകാർ. ഇതിന് പുറമെ രാജ്യത്തെ ഒട്ടുമിക്ക കലാപങ്ങൾക്കും നേതൃത്വം നൽകിയ എസ് ഡി പി ഐയുമായും, വെൽഫയർ പാർട്ടിയുമായും ധാരണയും സഖ്യവുമുള്ള മുന്നണിയാണ് എൽ ഡി എഫ്.

ഏകീകൃതമായി മതാടിസ്ഥാനത്തിൽ വോട്ട് രേഖപ്പെടുത്തുന്ന വിഭാഗങ്ങളുടെ മൊത്തകുത്തകയാണ് പിണറായി വിജയന്റെ ലക്ഷ്യം. കേരളത്തിലെ ഹൈന്ദവ വിഭാഗങ്ങളെ ഭിന്നിപ്പിച്ചു നിർത്തുകയും ന്യൂനപക്ഷ വിഭാഗങ്ങളെ മുഴുവനായി വിഴുങ്ങിയും അധികാരത്തിൽ കടിച്ചത്തൂങ്ങനാണ് സിപിഎമ്മിന്റെ ശ്രമവും. ഇതിനായി ഏത് വർഗീയ സംഘടനകളുമായി കൈകോർക്കുന്നതിൽ സിപിഎമ്മിന് ഒരു കാലത്തും ബുദ്ധിമുട്ടുണ്ടായിരുന്നതുമല്ല. എണ്ണം കൊണ്ട് യുഡിഎഫിനെ മുസ്ലിം ലീഗ് നിയന്ത്രിക്കുന്നതിൽ അസ്വസ്ഥതപ്പെടുന്ന പിണറായി വിജയൻ തങ്ങളുടെ അജണ്ട പോലും നിർണ്ണയിക്കുന്നതിന് എസ് ഡി പി ഐയെ ചുമതലപ്പെടുത്തിയിട്ടുള്ള വിവരം ആർക്കാണ് അറിയാത്തത്.