കേസ് നടത്താന് 100 രൂപ ഷെയറിടണം; ശതം സമര്പ്പയാമിയുമായി ശശികല, സ്വാമിശരണം എഴുതിയ കുറിപ്പ് തരാമെന്ന്
തിരുവനന്തപുരം: ശബരിമലയില് എല്ലാം പ്രായത്തിലുമുള്ള സ്ത്രീകള്ക്ക് പ്രവേശനം അനുവദിച്ചുകൊണ്ടുള്ള സുപ്രീംകോടതി വിധിക്കെതിരെ കേരളത്തിലുടനീളം നടന്ന പ്രതിഷേധങ്ങളുടെ ഭാഗമായി പതിനായിരക്കണക്കിന് പേര്ക്കെതിരായിട്ടായിരുന്നു പോലീസ് കേസ് എടുത്തത്. പ്രതിഷേധങ്ങള് അക്രമത്തിലേക്ക് വഴിമാറിയപ്പോള് പോലീസ് നിയമനടപടിയുമായി മുന്നോട്ട് പോവുകയായിരുന്നു.
സന്നിധാനത്തും ഹര്ത്താല് ദിനങ്ങളിലടക്കം നടന്ന അക്രമങ്ങളുടെ പശ്ചാത്തലത്തില് കേസില് ഉള്പ്പെട്ടവരില് ബഹുപൂരിക്ഷം പേരും ബിജെപി പ്രവര്ത്തകരായിരുന്നു. പ്രവര്ത്തകരുടെ കേസ് നടത്തിപ്പിനായി വലിയ തുകയാണ് ബിജെപിക്ക് കണ്ടെത്തേണ്ടതായിട്ടുള്ളത്. ഇതിനായിട്ടായിരുന്നു ശതംസമര്പ്പയാമി എന്ന പദ്ധതിയുമായി കെപി ശശികല രംഗത്ത് എത്തിയത്. എന്നാല് അങ്ങേയറ്റം പരിഹാസത്തോടെയാണ് ഈ പദ്ധതിയെ സോഷ്യല് മീഡിയ വരവേറ്റിരിക്കുന്നത്.
അക്രമം
ശബരിമലയിലെ യുവതീ പ്രവേശത്തിനെതിരെ ശബരിമല കര്മ്മ സമിതിയുടേയും ബിജെപിയുടേയും നേതൃത്വത്തില് നടന്ന പ്രതിഷേധ സമരങ്ങളുടെ മറവില് അക്രമം നടത്തിയ നിരവധി കര്മ്മസമിതി-ബിജെപി പ്രവര്ത്തകര് ഇപ്പോഴും ജയിലിനുള്ളില് കഴിയുകയാണ്.
കെപി ശശികല രംഗത്ത്
മുപ്പതിനായിരത്തോളം പേര്ക്കെതിരായിട്ടാണ് പോലീസ് കേസ് എടുത്തിരിക്കുന്നത്. കേസുകളില് ഉള്പ്പെട്ട് ഇപ്പോഴും ജയില് കിടക്കുന്ന പ്രവര്ത്തകരെയും മറ്റുള്ളവരെയും ജയിലില് നിന്നിറക്കാനും തുടര് കേസ് നടത്താനുമായും ആവശ്യപ്പെട്ടാണ് കര്മ്മസമിതി നേതാവ് കൂടിയായ കെപി ശശികല രംഗത്ത് എത്തിയത്.
ശതം സമര്പ്പയാമി
ശതം സമര്പ്പയാമി എന്ന് പേരിലായിരുന്നു ഈ സംഭാവന പിരിവ് പ്രതിഷേധങ്ങളുടെ തീച്ചൂളയിലേക്ക് ഇറങ്ങിയ ധീരയോദ്ധാക്കളില് പതിനായിരത്തോളം പേര് ഇന്ന് വിവിധ വകുപ്പുകളില് ശിക്ഷിക്കപ്പെടുകയാണ്. അതില് പലരും ഇന്നും തടവറകളിലാണെന്നും കര്മ്മ സമിതി പുറത്തിറക്കിയ വീഡിയോയില് ശശികല വ്യക്തമാക്കുന്നു.
ഒരു നൂറു രൂപയെങ്കിലും
ഇവരെ ജയിലില് നിന്നിറക്കാനുള്ള ദ്രവ്യശേഖരണത്തില് പങ്കാളികളാകണമെന്നാണ് അഭ്യര്ത്ഥന. ഒരു നൂറു രൂപയെങ്കിലും ഇതിനായി ഉപയോഗിക്കു, നിങ്ങളുടെ പങ്കിന്റെ സ്ക്രീന്ഷോട്ടുകള് ഒരു ചലഞ്ചായി മറ്റുള്ളവരിലേക്ക് എത്തിക്കൂ' എന്നും ശശികല വിഡിയോയില് ആവശ്യപ്പെടുന്നുണ്ട്.
ട്രോളുകള്
അതേസമയം ശശികലയുടെ വീഡിയോയെ പരിഹാസ രൂപേണയാണ് സോഷ്യല് മീഡിയ വരവേറ്റിരിക്കുന്നത്. വിവിധ ട്രോള് ഗ്രൂപ്പുകളില് ഇത് സംബന്ധിച്ച നിരവധി ട്രോളുകളാണ് മണിക്കൂറുകള്ക്കുള്ളില് പ്രത്യക്ഷപ്പെട്ടത്.
ബിജെപി സ്വീകരിച്ച തന്ത്രം
ശതം സമര്പ്പയാമി എന്നെഴുതിയ ബക്കറ്റിലേക്ക് സ്വാമി ശരണം എന്ന് ഒരു കടലാസില് എഴുതി നിക്ഷേപിക്കണമെന്നും സോഷ്യല് മീഡിയ ആവശ്യപ്പെടുന്നു. ശബരിമലയില് കാണിക്കയിടുന്നതിന് പകരം ബിജെപി സ്വീകരിച്ച തന്ത്രമായിരുന്നു സ്വാമി ശരണം എന്ന് പേപ്പറില് ഏഴുതി ഭണ്ഡാരത്തില് ഇടല്.
ആര്ക്ക് വേണ്ടി
ഇവര് പിരിവ് നടത്തുന്നത് കോടതി വിധിയുടെ അടിസ്ഥാനത്തില് മല കയറാന് വന്ന ഭക്തരായ സ്ത്രീകളെ ആക്രമിച്ചവര്ക്ക് വേണ്ടിയാണ്, നാട്ടില് കലാപത്തിന് ശ്രമിച്ചവര്ക്കും, പൊലീസ് സ്റ്റേഷനില് ബോംബെറിഞ്ഞവര്ക്കും, പൊതുമുതല് നശിപ്പിച്ചവര്ക്കും, ഭരണഘടനയെ വെല്ലുവിളിച്ചവര്ക്കും വേണ്ടിയാണെന്നും സോഷ്യല് മീഡിയയില് ചിലര് ഓര്മിപ്പിക്കുന്നു.
കലാപം അഴിച്ചുവിട്ടവര്
പ്രതിഷേധങ്ങളുടെ മറവില് നാട്ടില് കലാപം അഴിച്ചുവിട്ട അക്രമകാരികളെ ജാമ്യത്തിലിറക്കാനും കേസ് നടത്താനുമുള്ള ചിലവിലേക്ക് ഒരു നൂറ് രൂപ ഷെയര് ഇടാമോയെന്നാണ് സംസ്കൃതത്തില് ചോദിക്കുന്നതെന്നും ആരും ഇതില് വീണുപോകരുത് ചിലര് വ്യക്തമാക്കുന്നുണ്ട്.
നാടിളക്കി അറസ്റ്റ്
അതേസമയം പോലീസ് നാടിളക്കിയുള്ള അറസ്റ്റ് ആരംഭിച്ചതോടെ ബിജെപി, സംഘപരിവാര്, ശബരിമല കര്മ്മസമിതി സംഘടനകള് അസ്വസ്ഥരാണ്. കേസുകളില് പ്രതിചേര്ക്കപ്പെട്ടവരില് പലരും ഒളിവിലാണ്. ഇത് മൂലം തുടര്സമരങ്ങള്ക്ക് പ്രവര്ത്തകരെ കിട്ടാത്തതും സംഘപരിവാര് സംഘടനകളെ ചെറുതല്ലാതെ വലയ്ക്കുന്നുണ്ട്.
അറസ്റ്റ് തുടരുന്നു
കേസുകളില് പോലീസ് ഇപ്പോഴും അറസ്റ്റ് തുടരുന്നുണ്ട്. ഇതുവരെ അറസ്റ്റിലായ ഏഴായിരത്തോളം പേരില് ആയിരത്തിനടത്തു ആളുകള് റിമാന്ഡിലാണ്. ഇവരില് പലര്ക്കും നാശനഷ്ടത്തിന് തുല്യമായ തുക കെട്ടവെക്കാതെ ജാമ്യം ലഭിക്കില്ല. കോടിക്കണക്കിന് രൂപയുടെ നഷ്ടമാണ് ഹര്ത്താല് അക്രമങ്ങളില് ഉണ്ടായിരിക്കുന്നത്.
ജാമ്യം കിട്ടല്
വധശ്രമം, ആയുധം സൂക്ഷിക്കല്, സ്ഫോടകവസ്തുക്കള് കൈവശംവെക്കല് മുതലായ വകുപ്പുകളാണ് പലര്ക്കുമെതിരെ ചുമത്തിയിരിക്കുന്നത്. അതിനാല് തന്നെ ജാമ്യം കിട്ടല് പ്രയാസകരമായിരിക്കും. സംസ്ഥാനത്തുടനീളം കേസുകള് നിലനില്ക്കുന്നതും പാര്ട്ടിയെ പ്രയാസത്തിലാക്കുന്നു.
സര്ക്കാര് പിന്തുണ
ഹര്ത്താല് അക്രമസംവങ്ങളില് യാതൊരു വിധ ഒത്തുതീര്പ്പുകളും ഇല്ലാതെ അറസ്റ്റ് തുടരാന് സര്ക്കാറും പിന്തുണ നല്കിയതോടെ പോലീസ് നടപടികള് ദ്രുതഗതിയിലാണ്. അക്രമത്തില് പങ്കെടുത്തവര് എല്ലാവരും ഉടന് തന്നെ പിടിയിലാകുമെന്നും പൊലീസ് അറിയിച്ചിട്ടുണ്ട്. ഈ പശ്ചാത്തലത്തിലാണ് കേസ് നടത്തിപ്പിന് ഫണ്ട് തേടി കര്മ്മസമിതി രംഗത്തിറങ്ങുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google