മൂന്ന് എംഎല്എമാര്ക്ക് ടീം സോളാറുമായി ബന്ധം, ബിജു രാധാകൃഷ്ണന്റെ മൊഴി പുറത്ത്
കൊച്ചി: മൂന്ന് ഭരണപക്ഷ എംഎല്എമാര്ക്ക് ടീം സോളാറുമായി സാമ്പത്തിക ഇടപാടുണ്ടെന്ന് ബിജു രാധാകൃഷ്ണന്റെ മൊഴി. ഹൈബി ഈഡന്, മോന്സ് ജോസഫ്, പിസി വിഷ്ണുനാഥ് എന്നിവരുടെ പേരെടുത്ത് പറഞ്ഞാണ് ബിജു രാധാകൃഷ്ണന് മൊഴി നല്കിയത്.
എംഎല്എമാര് 'കമ്മീഷന്' പറ്റി
മൊത്തം ലാഭത്തിന്റെ 20 ശതമാനമാണ്. മൂന്ന് എംഎല്എമാരും കമ്മീഷന് പറ്റിയത്. മോന്സ് ജോസഫുമായി തനിക്ക് അടുത്ത ബന്ധമുണ്ട് ബിജു രാധാകൃഷ്ണന് പറഞ്ഞു.
ജസ്റ്റിസ് ശിവരാജന് കമ്മീഷനു മുന്നിലാണ് മൊഴി നല്കിയത്
എംഎല്എമാരായ ഹൈബി ഈഡന്, മോന്സ് ജോസഫ്, പിസി വിഷ്ണുനാഥ് എന്നിവര് ടീം സോളാറില് നിന്ന് കമ്മീഷന് കൈപ്പറ്റിയിട്ടുണ്ട്. സോളാര് ആരോപണങ്ങളെക്കുറിച്ച് അന്വേഷിച്ച ജസ്റ്റിസ് ശിവരാജന് കമ്മീഷനു മുമ്പാകെ ബിജു രാധാകൃഷ്ണന് പറഞ്ഞു.
രശ്മി വധത്തില് ഗൂഡാലോചന
രശ്മി വധത്തില് തനിക്ക് പരമാവധി ശിക്ഷ നേടിത്തരാന് ഈ എംഎല്എമാരുള്പ്പെട്ട എട്ടംഗസംഘം കൊല്ലം യാത്രിനിവാസില് ഗൂഡാലോചന നടത്തിയെന്നും ബിജു രാധാകൃഷ്ണന് പറഞ്ഞു.
ഗണേഷ്കുമാറിനും പങ്ക്
ജഡ്ജിക്ക് കൈക്കൂലി നല്കാനായി ഗണേഷ്കുമാര് 25 ലക്ഷം രൂപ ഫെനി ബാലകൃഷ്ണന് നല്കിയിരുന്നതായും ബിജു രാധാകൃഷ്ണന് പറഞ്ഞു.
തെളിവുകള് കോടതിയില് സമര്പ്പിക്കും
തന്റെ പക്കലുള്ള എല്ലാ തെളിവുകളും പുനര്വിചാരണ അവശ്യപ്പെട്ട് കോടതിയില് ഹര്ജി നല്കുമ്പോള് അതിനോടൊപ്പം നല്കുമെന്നും ബിജു രാധാകൃഷ്ണന് പറഞ്ഞു.