കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എന്നെ ജീവിക്കാന്‍ അനുവദിക്കുന്നില്ല, കൊള്ളപ്പലിശക്കാരുടെ ഭീഷണിയുണ്ടെന്ന് നടന്‍ വിജയകുമാര്‍

  • By Sruthi K M
Google Oneindia Malayalam News

കൊച്ചി: പണം ആവശ്യപ്പെട്ട് തന്നെ നിരന്തരം വേട്ടയാടുകയാണെന്ന് നടന്‍ വിജയകുമാര്‍. തനിക്ക് മാഫിയാ സംഘങ്ങളുമായി യാതൊരു ബന്ധവുമില്ല. പലിശ ലോബിയുടെ ഇരയാകേണ്ടി വരികയാണെന്നും താരം വ്യക്തമാക്കുന്നു. തട്ടിപ്പോ, വെട്ടിപ്പോ ഇതുവരെ നടത്തിയിട്ടില്ല. എന്നിട്ടും കൊള്ളപ്പലിശക്കാര്‍ തനിക്കെതിരെ ഭീഷണി മുഴക്കുകയാണെന്നും വിജയകുമാര്‍ പറയുന്നു.

എന്നെ ജീവിക്കാന്‍ അനുവദിക്കുന്നില്ലെന്നാണ് താരം പരാതിപ്പെടുന്നത്. കഴിഞ്ഞ ദിവസം മൂന്നു പേര്‍ ചേര്‍ന്ന് വഴിയില്‍ തടഞ്ഞു നിര്‍ത്തി മര്‍ദ്ദിച്ചിരുന്നു. സാമ്പത്തിക ഇടപാടിനെ ചൊല്ലിയുള്ള തര്‍ക്കത്തിനൊടുവിലാണ് മര്‍ദ്ദനമേറ്റതെന്ന് പരാതിയില്‍ പറഞ്ഞിരുന്നു. താരത്തെ മര്‍ദ്ദിച്ച മൂന്നു പേരെ പോലീസ് അറ്‌സറ്റ് ചെയ്യുകയാണുണ്ടായത്.

vijayakumar

കത്തിയുള്‍പ്പെടെയുള്ള മാരകായുധവുമായി സംഘം തനിക്ക് പിന്നിലുണ്ട്. ഞാന്‍ ആരെയും ആക്രമിക്കാന്‍ ശ്രമിച്ചിട്ടില്ല. മൂന്ന് ഗുണ്ടകളാണ് തന്നെ കഴിഞ്ഞ ദിവസം ആക്രമിക്കാന്‍ ശ്രമിച്ചതെന്നും അദ്ദേഹം പറയുന്നു. വട്ടിപ്പലിശയ്ക്ക് അവരില്‍ നിന്നും പണം വാങ്ങി, പിന്നീട് ചതിയില്‍പ്പെടുത്തുകയായിരുന്നുവെന്നും താരം പറയുന്നു. പണം കൊടുത്തിട്ടും കൊള്ളപ്പലിശക്കാര്‍ തന്നെ വെറുതെ വിടുന്നില്ലെന്നാണ് വിജയകുമാര്‍ പറയുന്നത്.

വീട്ടിലെത്തിയും ഇവര്‍ ഭീഷണി മുഴക്കാറുണ്ട്. ഇവരുടെ കൈയ്യില്‍ നിന്നും സംരക്ഷണം ആവശ്യപ്പെട്ട് വിഴിഞ്ഞം പോലീസില്‍ പരാതി നല്‍കിയിട്ടുണ്ടെന്നും വിജയകുമാര്‍ പറയുന്നു. തനിക്കെതിരെ ഒരിടത്തും കേസില്ല, വ്യാജ സ്വര്‍ണ്ണ നിര്‍മ്മാണത്തിനും കോടതിയില്‍ ശിക്ഷിക്കപ്പെട്ടിട്ടില്ല. തനിക്കെതിരെ കള്ളക്കേസ് കൊടുക്കുകയായിരുന്നുവെന്നും താരം പറയുന്നു.

English summary
Someone threatening me says actor Vijayakumar
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X