ടിപി ചന്ദ്രശേഖരന്റെയും കെ കെ രമയുടെയും മകൻ വിവാഹിതനായി; ചിത്രങ്ങൾ വൈറൽ

വടകര: ടി പി ചന്ദ്രശേഖരന്റെയും കെ കെ രമയുടെയും മകൻ അഭിനന്ദ് വിവാഹിതനായി. റിയ ഹരീന്ദ്രൻ ആണ് വധു. രാഷ്ട്രീയ, പൊതു രം​ഗത്ത് നിന്നുള്ള നിരവധി പ്രമുഖർ വിവാഹത്തിൽ പങ്കെടുത്തു. രാവിലെ പതിനൊന്നരയ്ക്ക് വള്ളിക്കാട് അത്താഫി ഓഡിറ്റോറിയത്തിലെ മണ്ഡത്തിലേക്ക് അഭിനന്ദിന് അമ്മ കെ രമയുടെ കൈ പിടിച്ചാണ് എത്തിയത്.

ചാത്തമം​ഗലം വട്ടോളി പരേതനായ പി സി ഹരീന്ദ്രൻ, കെ വി പ്രസന്ന എന്നിവരുടെ മകളാണ് റിയ ഹരീന്ദ്രൻ. അഭിനന്ദ് മുംബൈയിൽ ജെ എസ് ഡബ്ല്യൂ കമ്പനിയിലാണ് ജോലി ചെയ്യുന്നത്. സ്പീക്കർ എ എൻ ഷംസീർ, പ്രതിപക്ഷ നേതാവ് വി ഡി സതീശൻ, പി കെ കുഞ്ഞാലിക്കുട്ടി, കെ മുരളീധരൻ, ഷാഫി പറമ്പിൽ, വി ടി ബൽറാം, രാഹുൽ മാങ്കൂട്ടത്തിൽ തുടങ്ങിയ പ്രമുഖർ വധൂവരന്മാർക്ക് ആശംസ നേരാൻ എത്തി.

PC: FB/ VT Balram

ടി പി ചന്ദ്രശേഖരനോട് ഏറെ അടുപ്പം ഉണ്ടായിരുന്ന മുഴുവൻ നേതാക്കളെയും സഖാക്കലെയും ക്ഷണിച്ചുവെങ്കിലും ചിലരെ മനപൂർവ്വം ഒഴിവാക്കിയിട്ടുണ്ടെന്ന് കെ കെ രമ പറഞ്ഞിരുന്നു. 2012 മേയ് നാലിനാണ് ടി പി ചന്ദ്രശേഖരൻ കൊല്ലപ്പെടുന്നത്. അന്ന് അഭിനന്ദിന് പ്രായം17 വയസ്സായിരുന്നു.