സ്പീക്കര്‍ ജി കാര്‍ത്തികേയന്‍ അന്തരിച്ചു

ബെംഗളൂരു: സ്പീക്കര്‍ ജി കാര്‍ത്തികേയന്‍(66) അന്തരിച്ചു. കരളില്‍ അര്‍ബുദം ബാധിച്ച് ചികിത്സയിലായിരുന്നു.കഴിഞ്ഞ 17 ദിവസമായി ബെംഗളൂരുവിലെ എച്ച് എസ്ജി ആശുപത്രിയില്‍ ചികിത്സയിലായിരുന്നു അദ്ദേഹം. രാവിലെ പത്തേ മുക്കാലോടെയാണ് മരണം സംഭവിച്ചത്. മരണ സമയത്ത് ഭാര്യ ഡോ എംടി സുലേഖ കാര്‍ത്തികേയനൊപ്പം ഉണ്ടായിരുന്നു.മൃതദേഹം വൈകിട്ടോടെ പ്രത്യേക വിമാനത്തില്‍ തലസ്ഥാനത്ത് എത്തിയ്ക്കും

കര്‍ണാടക മന്ത്രിമാരും കാര്‍ത്തികേയന്റെ മൃതദേഹത്തെ അനുഗമിയ്ക്കും.ഔദ്യോഗിക പരിപാടികള്‍ റദ്ദാക്കി മുഖ്യമന്ത്രി ഉള്‍പ്പടെയുള്ളവര്‍ തലസ്ഥാനത്തേയ്ക്ക് തിരിച്ചു.മന്ത്രിമാരുടെ ഒരു സംഘം ബെംഗളൂരുവില്‍ കാര്‍ത്തികേയന്‍ ചികിത്സയില്‍ കഴിഞ്ഞ സ്വകാര്യ ആശുപത്രിയിലേയ്ക്ക് തിരിച്ചിട്ടുണ്ട്.

റോബോട്ടിക്ക് സാങ്കേതികവിദ്യയുടെ സഹായത്തോടെയുള്ള റേഡിയേഷന്‍ ചികിത്സയ്ക്കാണ് കാര്‍ത്തികേയനെ ബെംഗളൂരുവിലെ ആശുപത്രിയില്‍ പ്രവേശിപ്പിച്ചത്. ആരോഗ്യനില മോശമായതോടെ റേഡിയേഷന്‍ തുടരാനായില്ല. കരളില്‍ വിഷാംശം കണ്ടെത്തിയതിനെത്തുടര്‍ന്ന് ഹെപ്പറ്റിക് ഡയാലിസിന് വിധേയനാക്കിയിരുന്നു. ഒരാഴ്ചയായി വെന്‍റിലേറ്ററിലായിരുന്നു.

English summary

Kerala speaker G Karthikeyan,Passed Away.