ക്ഷേത്രത്തില് ബ്രാഹ്മണര്ക്കായി പ്രത്യേകം ശൗചാലയം; സാക്ഷര കേരളത്തിന് 100 മാര്ക്ക്
കൊച്ചി: സ്ത്രീകള്ക്കും പുരുഷന്മാര്ക്കും പുറമെ ബ്രാഹ്മണര്ക്കും പ്രത്യേകം ശൗചാലയം നിര്മ്മിച്ച ക്ഷേത്ര നടപടി വിവാദത്തില്. കൊച്ചി ദേവസ്വം ബോര്ഡിന്റെ കീഴിലുള്ള കുറ്റുമുക്ക് ശ്രീ മഹാദേവ ക്ഷേത്രത്തിലാണ് സ്ത്രീകള്ക്കും പുരുഷന്മാര്ക്കും പുറമേ ബ്രാഹ്മണര്ക്ക് പ്രത്യേകം ശൗചാലയം നിര്മ്മിച്ചത്. ക്ഷേത്ര നടപടിക്കെതിരെ സാമൂഹ്യമാധ്യമങ്ങളില് വലിയ വിമര്ശനവും പരിഹാസവുമാണ് ഉയരുന്നത്. ഇന്നും ഇത്തരത്തിലുള്ള ജാതിവിവേചനം നിലനില്ക്കുന്നത് സാക്ഷര കേരളത്തിന് അപമാനമാണെന്നാണ് ഉയരുന്ന പ്രധാന വിമര്ശനം. ഡി.വൈ.എഫ്.ഐ വില്വട്ടം മേഖല കമ്മിറ്റി ഇതിനെതിരെ കൊച്ചി ദേവസ്വം ബോര്ഡിന് പരാതി നല്കിയിട്ടുണ്ട്. വിമര്ശനങ്ങള്ക്ക് പിന്നാലെ ബ്രാഹ്മണര് എന്ന എഴുതിയ ബോര്ഡ് നിക്കം ചെയ്തെന്നാണ് സൂചന.
Recommended Video
ഡിവൈഎഫ്ഐ
ക്ഷേത്രത്തിന്റെ ഈ പ്രവര്ത്തിക്കെതിരെ ഡിവൈഎഫ്ഐ വില്വട്ടം മേഖല കമ്മിറ്റി രംഗത്തെത്തി. കൊച്ചിന് ദേവസ്വം ബോര്ഡിന്റെ കീഴിലുള്ള ക്ഷേത്രത്തില് സ്ത്രീകള്ക്കും പുരുഷന്മാര്ക്കും പുറമേ ബ്രാഹ്മണര്ക്കും പ്രത്യേകം ശൗചാലയം നിര്മ്മിച്ചതായി ശ്രദ്ധയില്പ്പെട്ടിട്ടുണ്ടെന്നും ഇത് നാടിന്റെ പ്രബുദ്ധതയ്ക്ക് ചേരാത്തതാണെന്നും ഇതിനെതിരെ നടപടി സ്വീകരിക്കണമെന്നും ആവശ്യപ്പട്ട് കൊണ്ട് ഡി.വൈ.എഫ് മേഖല കമ്മിറ്റി ദേവസ്വം ബോര്ഡിന് പരാതി നല്കി.
പരാതി
പൂജാരിയായി ജാതിഭേദമന്യേ പോലും ദേവസ്വം നിയമിക്കുന്ന ഈ കാലത്ത് ബ്രാഹ്മണര്ക്ക് എന്ന രീതിയില് പ്രത്യേകം ശൗചാലയം ഒരുക്കുന്നത് നിലനില്ക്കുന്ന നിയമങ്ങള്ക്കും നാല്പര്യങ്ങള്ക്കുമെതിരാണെന്നും ഭരണ ഘടന ഉയര്ത്തിപ്പിടിക്കുന്ന തുല്ല്യതക്ക് വിരുദ്ധമായതും നാടിന്റെ പ്രബുദ്ധതക്ക് ചേരാത്തതുമാണ്. ഈ വിവേചനം അവസാനിപ്പിക്കാന് നടപടി സ്വീകരിക്കണമെന്നാണ് കൊച്ചിന് ദേവസ്വം ബോര്ഡിന് ഡിവൈഎഫ്ഐ നല്കിയ പരാതി. ഡിവൈഎഫ്ഐ വില്വട്ടം മേഖല പ്രസിഡണ്ട് അരവിന്ദ് പളളിയില് ആണ് പരാതിയില് ഒപ്പുവെച്ചത്.
സോഷ്യല്മീഡിയ
അടുത്തടുത്തുള്ള മൂന്ന് ശൗചാലങ്ങള്ക്കായി സ്ത്രീ, പുരുഷന്, ബ്രാഹ്മണന് എന്ന ബോര്ഡ് വെച്ചിരിക്കുന്ന ഫോട്ടോ ഇന്നലെയാണ് സോഷ്യല് മീഡിയയില് പ്രത്യക്ഷപ്പെട്ടത്. അനുനിമിഷം തന്നെ സംഭവത്തിനെതിരെ നിരവധി പേര് പരിഹസിച്ചും വിമര്ശിച്ചും രംഗത്തെത്തി.
'ബ്രാഹ്മിന്സിനോട് എന്തിനാണ് ഇത്ര അയിത്തം കാണിക്കുന്നത്, അവര്ക്ക് നിങ്ങള്ക്ക് വേണ്ടിയല്ലേ വൈദിക ക്രിയകള് ചെയ്തു പോരുന്നത്... പാവത്തുകള്.', വിശുദ്ധിയുടെ നിറകുടം, ജാതീയതയുടെ പ്രതിഫലനം തുടങ്ങിയ വലിയ പരിഹാസമാണ് ഉയരുന്നത്.
ഈ ശൗചാലയത്തിന്റെ ചിത്രത്തോടൊപ്പം ഉത്തര്പ്രദേശില് ദിവസക്കൂലിക്ക് തോട്ടി പണിയെടുക്കുന്ന ദളിത് യുവാവിന്റെ ചിത്രവും ചേര്ത്തുവെച്ച് 'മലത്തിന് പോലും ജാതീയതയെ കൃത്യമായി അടയാളപ്പെടുത്താന് കഴിയുന്ന വിചിത്രമായ ദേശമാണിത്' എന്നും വിമര്ശനം ഉയരുന്നു.
ബോര്ഡ് നീക്കം ചെയ്യുന്നു
സംഭവത്തില് പുറപ്പെടാ ശാന്തിക്ക് വേണ്ടി തയ്യാറാക്കിയ ശൗചാലയമാണ് ഇതെന്നും അതുകൊണ്ടാണ് അത്തരം ഒരു ബോര്ഡ് സ്ഥാപിച്ചതെന്നുള്ള വിശദീകരണം വരുന്നുണ്ട്.അങ്ങനെയെങ്കില് പുറപ്പെടാ ശാന്തി എന്ന് ബോര്ഡ് വെക്കാമായിരുന്നു എന്നാണ് മറുചോദ്യം. വിവിധ കോണുകളില് നിന്നുള്ള പരാതിക്കും വിമര്ശനങ്ങള്ക്കും പിന്നാലെ ശൗചാലയത്തെിന്റെ ബ്രാഹ്മണര് എന്ന ബോര്ഡ് നീക്കം ചെയ്തതായാണ് സൂചന. ബോര്ഡ് നീക്കം ചെയ്തതായുള്ള ചിത്രങ്ങളും സോഷ്യല് മീഡിയയില് പ്രചരിക്കുന്നുണ്ട്.
-
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
'ദിലീപിനെതിരെ ഏത് നടിയാണ് പരാതി പറഞ്ഞിട്ടുള്ളത്? മുഖ്യമന്ത്രിയെ തെമ്മാടിയെന്ന് വിളിച്ചയാളാണ് ഞാൻ'; അഖിൽ മാരാർ -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര്
Click it and Unblock the Notifications
Sign in with Google