Click it and Unblock the Notifications
Just In
Don't Miss
-
'കാലിലെ നഖം വരെ വെട്ടികൊടുത്തിരുന്നത് ആശയാണ്, ആ വിടവ് വിഷമിപ്പിക്കും'; മനോജിന്റെ ഭാര്യയെ കുറിച്ച് സോഷ്യൽമീഡിയ -
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
റൈഫിള്‍ ഷൂട്ടിങ്ങ് ചാമ്പ്യന്‍ അഖില്‍ സാമിനും ജൂനിയര്‍ ചെസ്സ് മാസ്റ്റര്‍ കെ ലവനും കായികവകുപ്പിന്റെ സഹായഹസ്തം
തിരുവനന്തപുരം; സംസ്ഥാന എയര്‍ റൈഫിള്‍ ഷൂട്ടിങ്ങ് ചാമ്പ്യന്‍ അഖില്‍ എസ് സാമിനും ജൂനിയര്‍ ചെസ്സ് മാസ്റ്റര്‍ കെ ലവനും കായികവകുപ്പിന്റെ സഹായഹസ്തം. ഇരുവര്‍ക്കും കായികവികസന നിധിയില്‍നിന്ന് തുക അനുവദിച്ചു. അഖിലിന് സ്‌പോട്‌സ് വീല്‍ചെയര്‍ വാങ്ങുന്നതിന് മൂന്ന് ലക്ഷവും ലവന് പരിശീലന സഹായമായി 1.5 ലക്ഷം രൂപയുമാണ് നല്‍കിയതെന്ന് മന്ത്രി ഇപി ജയരാജൻ അറിയിച്ചു.
2019ലെ സംസ്ഥാന പാരാഷൂട്ടിങ്ങില്‍ സ്വര്‍ണം നേടിയ താരമാണ് അഖില്‍. തിരുവനന്തപുരം സ്വദേശിയായ അഖിലിന് 2016ല്‍ അപകടം സംഭവിച്ച് അരക്ക് കീഴെ തളര്‍ന്നിരുന്നു. വീല്‍ചെയറിന്റെ സഹായത്തോടെയാണ് പരിശീലനം നടത്തുന്നത്. നിലവില്‍ കേരളാ യൂണിവേഴ്‌സിറ്റിയില്‍ ബി എ സോഷ്യോളജി വിദ്യാര്‍ത്ഥിയാണ്. ഒളിമ്പ്യന്‍ സിദ്ധാര്‍ത്ഥ ബാബുവിന്റെ കീഴിലാണ് ഇപ്പോള്‍ പരിശീലനം.
സംസ്ഥാന ജൂനിയര്‍ സ്‌കൂള്‍ ചെസ്സ് ടൂര്‍ണമെന്റില്‍ ജേതാവായ ലവന് കണ്ണൂര്‍ മട്ടന്നൂര്‍ സ്വദേശിയാണ്. കോളയാട് സെന്റ് കോര്‍ണേലിയൂസ് ഹയര്‍സെക്കന്ററി സ്‌കൂളില്‍ എട്ടാംക്ലാസ് വിദ്യാര്‍ത്ഥിയായ ലവന്റെ അച്ഛന് ചെരുപ്പ്കുത്തലാണ് ജോലി. തുഛമായ വരുമാനം മകന്റെ പരിശീലനത്തിനും വീട്ടുചെലവിനും എത്താത്ത സാഹചര്യത്തിലാണ് നിവേദനം നല്‍കിയത്. അച്ഛനായിരുന്നു ലവന്റെ പരിശീലകന്‍.
കിടപ്പാടമില്ലാത ദുരിതമനുഭവിച്ചിരുന്ന ലവന്റെ കുടുംബത്തിന് കോളയാട് പഞ്ചായത്ത് ഭൂമിഅനുവദിക്കുകയും ലൈഫ് പദ്ധതിയില്‍ ഉള്‍പെടുത്തി വീട്‌നിര്‍മ്മിച്ച് നല്‍കുകയും ചെയ്തിരുന്നു. ജീവിതസാഹചര്യങ്ങളോട് പൊരുതി മുന്നേറുന്ന ഇരുവര്‍ക്കും സര്‍ക്കാരില്‍ നിന്ന് ലഭിച്ച പിന്തുണ വലിയ പ്രചോദനമാകുമെന്നും മന്ത്രി പറഞ്ഞു.
