താരങ്ങളുടെ കാല് പിടിക്കാൻ വയ്യ, പൃഥ്വിരാജും നിവിനും തനിക്ക് ഡേറ്റ് തരില്ല; തുറന്നുപറഞ്ഞ് ശ്രീകുമാരൻ തമ്പി
കൊച്ചി: മലയാള സിനിമയിലെ പുതിയ താരങ്ങള്ക്കെതിരെ വിമര്ശനവുമായി സംവിധായകനും ഗാനരചയിതാവുമായ ശ്രീകുമാരന് തമ്പി രംഗത്ത്. പുതിയ താരങ്ങള് സംവിധായകരേക്കാള് മുകളില് നില്ക്കാന് താലപര്യപ്പെടുന്നവരാണെന്ന് ശ്രീകുമാരന് തമ്പി പറഞ്ഞു. ഗൃഹലക്ഷ്മിക്ക് നല്കിയ അഭിമുഖത്തിലാണ് ശ്രീകുമാരന് തമ്പി ഇക്കാര്യം വ്യക്തമാക്കിയത്. തന്റെ പുതിയ സിനിമ വേഷങ്ങളെ കുറിച്ചും ശ്രീകുമാരന് തമ്പി അഭിമുഖത്തില് വ്യക്തമാക്കുന്നുണ്ട്.
കാലുപിടിക്കാന് വയ്യ
സിനിമ പിടിക്കാനായി താരങ്ങളുടെ കാല് പിടിക്കാന് വയ്യ. അപമാനം സഹിച്ച് സദ്യ ഉണ്ണുന്നതിനേക്കാള് അഭിമാനത്തോടെ കഞ്ഞികുടിക്കുന്നതാണ്. മമ്മൂട്ടിയുടെയും മോഹന്ലാലിന്റെയും വഴിയില് തന്നെയാണ് ഇപ്പോള് പുതിയ താരങ്ങളും. ഇവരൊക്കെ സംവിധായകരേക്കാള് മുകളില് നില്ക്കാന് താല്പര്യപ്പെടുന്നവരാണെന്നും അദ്ദേഹം പറഞ്ഞു.
തനിക്ക് ഡേറ്റ് തരില്ല
ഇപ്പോള് സിനിമയില് ക്യാമറ ആംഗിളുകള് തീരുമാനിക്കുന്നത് പലപ്പോഴും താരങ്ങളാണ് അതുകൊണ്ട് ഇപ്പോഴത്തെ സൂപ്പര് താരങ്ങളായ നിവിന് പോളിയും പൃഥ്വിരാജും തനിക്ക് ഡേറ്റ് തരില്ലെന്നും ശ്രീകുമാരന് തമ്പി അഭിമുഖത്തില് പറഞ്ഞു.
അടുത്ത സിനിമ
ഇനി താനൊരു സിനിമ ചെയ്യുന്നുണ്ടെങ്കില് അത് ഓണ്ലൈന് പ്ലാറ്റ്ഫോമിന് വേണ്ടിയായിരിക്കും. അതാകും തന്റെ അവസാന ചിത്രം. ഞാന് ഒരു സിനിമ എടുക്കുകയാണെങ്കില് ഇപ്പോഴത്തെ താരങ്ങളൊന്നും ഡേറ്റ് തരില്ലെന്ന് ഉറപ്പാണ് അതിന് വേണ്ടി ഇനി മെനക്കെടുന്നുമില്ലെന്നും അദ്ദേഹം വ്യക്തമാക്കി.
താരം വേണ്ടെ
പുതിയ ഒരു ആളെ വച്ച് സിനിമ ചെയ്യണം. താരമൂല്യം തീയേറ്റര് സിനിമയ്ക്ക് മാത്രമല്ല, ഓണ്ലൈന് പ്ലാറ്റ്ഫോമിനും ആവശ്യമാണ്. ഒടിടിയില് സിനിമ വില്ക്കണമെങ്കില് മികച്ച താരം വേണ്ടെ. ഫഹദ് ഉണ്ടായതുകൊണ്ടല്ലേ സീയു സൂണ് എന്ന സിനിമ വിറ്റുപോയത്- ശ്രീകുമാരന് തമ്പി പറഞ്ഞു.
വ്യത്യസ്തമായ സിനിമ
ഇനി ചെയ്യാന് ഉദ്ദേശിക്കുന്ന സിനിമ ഇതുവരെ ചെയ്തതില് വച്ച് വ്യത്യസ്തമായിരിക്കും എപ്പോള് ചെയ്യുമെന്ന് പറയാന് സാധിക്കില്ല. ഞാന് ഇനി എത്ര വര്ഷം എത്ര മാസം ജീവിച്ചിരിക്കുമെന്ന് പറയാനാവില്ല. പക്ഷേ അങ്ങനെ ഒരു സിനിമ പ്ലാന് ചെയ്യുന്നുണ്ട്. അത് നടക്കുമെന്നും ശ്രീകുമാരന് തമ്പി വ്യക്തമാക്കി.
ജനപക്ഷം എൽഡിഎഫിനൊപ്പം; യുഡിഎഫ് പിന്തുണ വേണ്ടെന്ന് വ്യക്തമാക്കിയതായി ഷോൺ ജോർജ്
എസ്ഡിപിഐയുടെ പിന്തുണയിൽ പാങ്ങോട് പഞ്ചായത്ത് പ്രസിഡന്റ് പദവി സിപിഎമ്മിന്: രാജിയ്ക്ക് സാധ്യതയെന്ന്
ഭാഗ്യം യുഡിഎഫിനൊപ്പം; നറുക്കെടുപ്പില് വയനാട് ജില്ലാ പഞ്ചായത്ത് പ്രസിഡന്റ് സ്ഥാനം യുഡിഎഫിന്
Recommended Video