കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ശശി തരൂരുമായുള്ള കൂടിക്കാഴ്ച്ച എന്തിന്? ബിജെപിയില്‍ തുടരുമോ? ശ്രീശാന്തിന്റെ മറുപടി ഇങ്ങനെ

Google Oneindia Malayalam News

തിരുവനന്തപുരം: മുന്‍ ഇന്ത്യന്‍ താരം ശ്രീശാന്ത് കോണ്‍ഗ്രസ് നേതാവ് ശശി തരൂരിനെ കണ്ടതുമായി ബന്ധപ്പെട്ട് നിരവധി ചര്‍ച്ചകളാണ് നടന്ന് കൊണ്ടിരിക്കുന്നത്. അതേസമയം താന്‍ ബിജെപി വിട്ടെന്നും അതുമായി യാതൊരു ബന്ധവുമില്ലെന്നുമുള്ള വാര്‍ത്തകള്‍ തെറ്റാണെന്ന് ശ്രീശാന്ത് വ്യക്തമാക്കി. നേരത്തെ തരൂരിന്റെ കണ്ട സമയത്ത് ശ്രീശാന്ത് ബിജെപി വിട്ടെന്നും, ഇനി അവരുമായി ചേര്‍ന്ന് പ്രവര്‍ത്തിക്കില്ലെന്നും പറഞ്ഞതായി റിപ്പോര്‍ട്ടുകളുണ്ടായിരുന്നു.

1

നേരത്തെ ബിജെപിയുമായി ഏത് തരത്തിലുള്ള ബന്ധമാണോ ഉണ്ടായിരുന്നത്, ആ ബന്ധത്തില്‍ നിന്ന് ഒരു മാറ്റവും ഉണ്ടായിട്ടില്ലെന്ന് ശ്രീശാന്ത പറഞ്ഞു. ഒത്തുകളി വിവാദത്തിലുണ്ടായിരുന്ന വിലക്ക് നീക്കാന്‍ ഏറെ സഹായങ്ങള്‍ ചെയ്തതിന് നന്ദി പറയാനാണ് താന്‍ ശശി തരൂരിനെ കണ്ടത്. മറിച്ചുള്ള അഭ്യൂഹങ്ങള്‍ തെറ്റാണ്. ബിജെപിയോടുള്ള അനുഭാവം തുടരുമെന്നും ശ്രീശാന്ത് വ്യക്തമാക്കി.

അതേസമയം താന്‍ ഒരുപാര്‍ട്ടിയിലും ചേര്‍ന്നിട്ടില്ലെന്നും, എവിടെ നിന്ന് വിട്ടുപോയിട്ടില്ലെന്നും അദ്ദേഹം പറഞ്ഞു. കേരളത്തില്‍ കായികരംഗത്ത് എന്ത് ചെയ്യാന്‍ സാധിക്കുമെന്നാണ് താന്‍ നോക്കുന്നതെന്നും, സജീവ രാഷ്ട്രീയത്തിലേക്ക് ഇപ്പോഴില്ലെന്നും ശ്രീശാന്ത് പറഞ്ഞു. ഒത്തുകളി വിവാദത്തില്‍ ബിസിസിഐ ഏര്‍പ്പെടുത്തിയ ആജീവനാന്ത വിലക്ക് സുപ്രീം കോടതി നീക്കിയതിന് പിന്നാലെയാണ് ശ്രീശാന്ത് തരൂരിനെ കണ്ടത്. ഷാള്‍ അണിയിച്ച് തരൂര്‍ ശ്രീശാന്തിനെ സ്വീകരിച്ചതാണ് അഭ്യൂഹങ്ങള്‍ക്ക് കാരണമായത്.

ബിജെപിയുമായി തനിക്ക് യാതൊരു ബന്ധവുമില്ലെന്ന് തരൂരിനോട് ശ്രീശാന്ത് പറഞ്ഞതായിട്ടായിരുന്നു റിപ്പോര്‍ട്ട്. എന്നാല്‍ ഇത് തെറ്റാണെന്നും, താനും തന്റെ കുടുംബവും ബിജെപിക്കൊപ്പമാണെന്ന് ശ്രീശാന്ത് ട്വീറ്റ് ചെയ്തു. നേരത്തെ ശ്രീശാന്തിന് വിലക്കേര്‍പ്പെടുത്തിയപ്പോള്‍ അക്കാര്യം പാര്‍ലമെന്റില്‍ ഉന്നയിക്കുകയും വിലക്ക് നീക്കണമെന്ന് ബിസിസിഐയോട് ആവശ്യപ്പെടുകയും ചെയ്തത് തരൂരായിരുന്നു.

ബിജെപിയുമായി ഒരു ബന്ധവുമില്ല; എല്ലാത്തിനും ശശി തരൂരിനോട് നന്ദി പറഞ്ഞ് ശ്രീശാന്ത്ബിജെപിയുമായി ഒരു ബന്ധവുമില്ല; എല്ലാത്തിനും ശശി തരൂരിനോട് നന്ദി പറഞ്ഞ് ശ്രീശാന്ത്

English summary
sreesanth clarifies on rumours quiting bjp
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X