എസ്എസ്എല്സി: വയനാട്ടില് നൂറുമേനി വിജയത്തിൽ സര്ക്കാര് സ്കൂളുകള് മുന്നില്
കല്പ്പറ്റ: എസ്എസ്എല്സി പരീക്ഷയില് ഇത്തവണ ജില്ലയില് 21 സ്കൂളുകള്ക്ക് നൂറുമേനി വിജയം. നൂറുമേനിയില് എയ്ഡഡ്,അണ്എയ്ഡഡ് വിദ്യാലയങ്ങളെ പിന്നിലാക്കി സര്ക്കാര് വിദ്യാലയങ്ങള് മികച്ച വിജയം നേടി. നൂറുശതമാനം വിജയം നേടിയ വിദ്യാലയങ്ങളില് 14 എണ്ണവും സര്ക്കാര് വിദ്യാലയങ്ങളാണ്. അഞ്ചെണ്ണം അണ്എയ്ഡഡും, രണ്ടെണ്ണം എയ്ഡഡ് വിദ്യാലയങ്ങളുമാണ്.
വെള്ളാര്മല ജി.വി.എച്ച്.എസ്.എസ്, ജി.എച്ച്.എസ് ഇരുളം, അംബേദകര് നെല്ലൂര്നാട്, രാജീവ് ഗാന്ധി മെമ്മോറിയല് നൂല്പ്പുഴ, ഗവ.ട്രൈബല് എച്ച്.എസ് എടത്തന, ജി.എം.ആര്.എസ് കല്പ്പറ്റ, ജി.എം.ആര്.എസ് പൂക്കോട്, ആശ്രമം സ്കൂള് തിരുനെല്ലി, ജി.എച്ച്.എസ് തോല്പ്പെട്ടി, ജി.എച്ച്.എസ് വാളവയല്, ജി.എച്ച്.എസ് അതിരാറ്റുക്കുന്ന്, ഗവ.ഹൈസ്കൂള് വാരാമ്പറ്റ, ജി.എച്ച്.എസ് പുളിഞ്ഞാല്, ജി.എച്ച്.എസ് ബീനാച്ചി എന്നീ സര്ക്കാര് സ്കൂളുകളാണ് നൂറുമേനി വിജയികളായത്. സര്ക്കാര് വിദ്യാലയങ്ങളില് കൂടുതല് പേര് പരീക്ഷയെഴുതിയതില് നൂറു ശതമാനം ജയിച്ചത് വെള്ളാര്മലയാണ്.
ഇവിടെ 117 വിദ്യാര്ത്ഥികളാണ് പരീക്ഷയെഴുതിയത്. ഒരു വിദ്യാര്ത്ഥി മുഴുവന് വിഷയങ്ങളിലും എ പ്ലസ് നേടുകയുണ്ടായി. എം.ജി.എം അമ്പുകുത്തി, എന്.എസ്.എസ് കല്പ്പറ്റ, സെന്റ് പീറ്റേഴ്സ് ആന്റ് പോള്സ് മീനങ്ങാടി, സെന്റ് ജോസഫ്സ് ബത്തേരി, ക്രസന്റ് പനമരം എന്നീ വിദ്യാലയങ്ങളാണ് അണ് എയ്ഡഡ് മേഖലയില് നൂറുമേനി വിജയിച്ചത്. എയ്ഡഡ് വിദ്യാലയങ്ങളില് കല്ലുവയല് ജയശ്രീ, നിര്മ്മല കബനിഗിരി എന്നീ സ്കൂളുകളും നൂറുശതമാനം വിജയം നേടുകയുണ്ടായി.
എസ്എസ്എല്സി പരീക്ഷയില് നൂല്പ്പുഴ രാജീവ് ഗാന്ധി എംആര്.എസിന് നൂറുമേനി വിജയം. പ്രാക്തന ഗോത്രവര്ഗമായ കാട്ടുനായ്ക്ക വിഭാഗത്തില് നിന്നുള്ള കുട്ടികളാണ് പട്ടികവര്ഗ വികസന വകുപ്പിന് കീഴില് പ്രവര്ത്തിക്കുന്ന നൂല്പ്പുഴ രാജീവ് ഗാന്ധി സ്മാരക ഹയര്സെക്കന്ഡറി സ്കൂളില് പഠിക്കുന്നത്. 1991ല് നായ്ക്കട്ടിയില് ഏകാധ്യാപക വിദ്യാലയമായാണ് സ്ഥാപനം തുടങ്ങിയത്. പിന്നീട് മുത്തങ്ങയില് എല്പി സ്കൂളായി പ്രവര്ത്തനം തുടര്ന്നു. 1995ല് യുപി സ്കൂളായി കല്ലൂരിലെ പുതിയ കെട്ടിടത്തിലേക്ക് മാറ്റി. 2001ല് ആദ്യ എസ്എസ്എല്സി ബാച്ച് പുറത്തിറങ്ങി. 2008ലാണ് പ്ലസ്ടു ബാച്ച് തുടങ്ങിയത്. തുടര്ച്ചയായി എസ്എസ്എല്സിക്ക് നൂറുശതമാനം വിജയം നേടിവരുന്ന സ്കൂളാണിത്.
2017-18 അധ്യയന വര്ഷം സ്കൂളിന് മികവിന്റെ വര്ഷമായിരുന്നു. സംസ്ഥാന കലോല്സവത്തില് സ്കൂളില് നിന്നുള്ള കുട്ടികള് ശ്രദ്ധേയമായ വിജയം നേടി. അമ്മ മരിച്ച ദിവസം കലോല്സവത്തില് പങ്കെടുക്കാന് യാത്ര തിരിച്ച വടക്കനാട് കോളനിയിലെ രാഹുലിനെക്കുറിച്ചുള്ള വാര്ത്ത ഏറെ പ്രാധാന്യം നേടിയിരുന്നു. എസ്എസ്എല്സി പരീക്ഷയില് രാഹുല് ഏഴ് എ പ്ലസ് നേടി. അഞ്ഞൂറോളം കുട്ടികള് താമസിച്ചുപഠിക്കുന്ന വിദ്യാലയം ഏറെ പരിമിതകള് മറികടന്നാണ് മികവിന്റെ പാതയിലെത്തിയത്.
തിരുനെല്ലി ആശ്രമം സ്കൂളിന് എസ്.എസ്.എല്.സി. പരീക്ഷയ്ക്ക് കഴിഞ്ഞ നാല് വര്ഷം തുടര്ച്ചയായി നൂറ് മേനി കൊയ്യുന്ന തിരുനെല്ലി ഗവ.ആശ്രമം സ്കൂളിന് ഈ വര്ഷവും വിജയ തിളക്കം. അടിയ പണിയ വിഭാഗങ്ങള്ക്ക് മാത്രമായുള്ള സംസ്ഥാനത്തെ ഏക വിദ്യാലയമാണിത്. പാഠ്യേതര രംഗത്തും ഈ വിദ്യാലയത്തിലെ കുട്ടികള് മുമ്പിലാണ്. സംസ്താന കളിക്കളം പരിപാടിയില് വേഗതയേറിയ ഓട്ടക്കാരന് ഈ സ്കൂളിലെ വിദ്യാര്ത്ഥിയാണ്.
-
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
'ദിലീപിനെതിരെ ഏത് നടിയാണ് പരാതി പറഞ്ഞിട്ടുള്ളത്? മുഖ്യമന്ത്രിയെ തെമ്മാടിയെന്ന് വിളിച്ചയാളാണ് ഞാൻ'; അഖിൽ മാരാർ -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും'
Click it and Unblock the Notifications
Sign in with Google