Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ആവേശം അലയടിച്ചു; ഉദുമയില്‍ ദേശീയ കബഡിക്ക് തുടക്കം
ഉദുമ: കാണികളില്‍ ആവേശം തീര്‍ത്ത് ഉദുമ പള്ളത്ത് വിഎന്‍എ ഇന്‍ഡസ്ട്രിയല്‍ നാഷണല്‍ കബഡി ചാമ്പ്യന്‍ഷിപ്പിന് തുടക്കമായി. എതിര്‍കോര്‍ട്ടില്‍ നുഴഞ്ഞുകയറി രണ്ടും മൂന്നുംപേരെ പുറത്താക്കിയും കുതിച്ചുവന്ന റൈഡറെ പൊക്കിയെടുത്ത് പുറത്തെറിഞ്ഞും പ്രമുഖ കബഡി താരങ്ങള്‍ ഗ്രൗണ്ടില്‍ നിറഞ്ഞുകളിച്ചപ്പോള്‍ ഉദുമയിലെ കാണികള്‍ക്കത് കണ്‍കുളിര്‍മ്മയുള്ള കാഴ്ചയായി.
കര്‍ണാടക മന്ത്രി എച്ച്എം രേവണ്ണയാണ് നാലുനാള്‍ നീണ്ടുനില്‍ക്കുന്ന ദേശീയ കബഡി ചാമ്പ്യന്‍ഷിപ്പ് ഉദ്ഘാടനം ചെയ്തത്. എന്‍എ നെല്ലിക്കുന്ന് അധ്യക്ഷത വഹിച്ചു. മാര്‍ച്ച് പാസ്റ്റിന് കെ. കുഞ്ഞിരാമന്‍ എം.എല്‍.എ സല്യൂട്ട് സ്വീകരിച്ചു. ഇന്റര്‍നാഷണല്‍ കബഡി ഫെഡറേഷന്‍ സ്ഥാപക പ്രസിഡണ്ട് ജനാര്‍ദ്ദന സിംഗ് ഗലോട്ട് മുഖ്യാതിഥിയായി. പഞ്ചായത്ത് പ്രസിഡണ്ട് കെ.എ മുഹമ്മദലി, സുധീര്‍ മഞ്ചേശ്വരം, എന്‍.എ സുലൈമാന്‍, ഹക്കീം കുന്നില്‍, അബ്ദുല്‍ റഹ്മാന്‍, കെ. ശ്രീകാന്ത്, ടി. ജോസ് തയ്യല്‍, പ്രവീണ്‍ രാജ് സംസാരിച്ചു. കെ. അഹമ്മദ് ഷെരീഫ് സ്വാഗതവും എ.വി ഹരിഹര സുദനന്‍ നന്ദിയും പറഞ്ഞു. അമേച്വര്‍ ഫെഡറേഷന്‍ ഓഫ് ഇന്ത്യയുടെ ജനറല്‍ സെക്രട്ടറി ദിനേശ് പട്ടേല്‍ ഇന്ത്യന്‍ പതാകയുര്‍ത്തി. കേരള, ജില്ലാ കബഡി അസോസിയേഷന്‍ പ്രസിഡണ്ടുമാരായ സുധീര്‍കുമാര്‍ മഞ്ചേശ്വരം, പ്രവീണ്‍ രാജ് ഉദുമ എന്നിവര്‍ സംസ്ഥാന, ജില്ലാ പതാകകള്‍ ഉയര്‍ത്തി.
ബിഎസ്എഫ് യുപി പൊലീസ്, ബിപിസിഎല്‍ യൂണിയന്‍ ബാങ്ക് ഓഫ് ഇന്ത്യ എന്നീ ടീമുകള്‍ ഉദ്ഘാടന മത്സരത്തില്‍ ഏറ്റുമുട്ടി.
അമച്വര്‍ കബഡി ഫെഡറേഷന്‍ ഓഫ് ഇന്ത്യ, കേരള കബഡി അസോസിയേഷന്‍, കാസര്‍കോട് കബഡി അസോസിയേഷന്‍, കേരള വ്യാപാരി വ്യവസായി ഏകോപന സമിതി ഉദുമ യൂണിറ്റ്, നാസ്‌ക് നാലാംവാതുക്കല്‍, ഏവീസ് ഗ്രൂപ്പ് ഉദുമ എന്നിവര്‍ ചേര്‍ന്നാണ് 26 ടീമുകള്‍ പങ്കെടുക്കുന്ന മത്സരങ്ങള്‍ക്ക് ഉദുമ പള്ളത്ത് വേദി ഒരുക്കിയത്.
