കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പ്രേമചന്ദ്രന്റെ വീടിന് കല്ലെറിഞ്ഞതാര്?

  • By Soorya Chandran
Google Oneindia Malayalam News

കൊല്ലം: എന്‍കെ പ്രേമചന്ദ്രന്‍ എംപിയുടെ വീടിന് നേരെ കല്ലേറ്. സിപിഎംകാരാണ് കല്ലെറിഞ്ഞതെന്നാണ് ആക്ഷേപം. വീടിന്റെ മതിലിന് മേല്‍ പോസ്റ്ററും പതിച്ചിട്ടുണ്ട്.

പ്രേമചന്ദ്രനും കുടുംബവും വീട്ടില്‍ ഇല്ലായിരുന്നു. സത്യപ്രതിജ്ഞക്കായി ഭാര്യ ഗീതക്കൊപ്പം അദ്ദേഹം ദില്ലിയിലാണ്. ലോക്‌സഭ തിരഞ്ഞെടുപ്പിന് തൊട്ടുമുമ്പാണ് എന്‍കെ പ്രേമചന്ദ്രനും അദ്ദേഹത്തിന്റെ പാര്‍ട്ടിയായ ആര്‍എസ്പിയും യുഡിഎഫില്‍ ചേര്‍ന്നത്.

NK Premachandran

നാട്ടുകാരാണ് വീടിന് കല്ലെറിയുന്ന കാര്യം കണ്ടത്. പത്ത് പേരടങ്ങുന്ന സംഘമാണ് ആക്രമണത്തിന് പിന്നിലെന്ന് നാട്ടുകാര്‍ പറയുന്നു. കല്ലേറ് നടക്കുമ്പോള്‍ തന്നെ അയല്‍വാസികള്‍ പോലീസിനെ വിവരം അറിയിക്കുകയായിരുന്നു.

ഇടതുമുന്നണി വിട്ട് യുഡിഎഫിനൊപ്പം ചേര്‍ന്ന പ്രമചന്ദ്രന് സുരക്ഷാ ഭീഷണിയുണ്ട്. അതുകൊണ്ട് തന്നെ അദ്ദേഹത്തിന്റെ വീടിന് പോലീസ് സംരക്ഷണം ഏര്‍പ്പെടുത്തിയിരുന്നു. എന്നാല്‍ എംപിയും കുടുംബവും ദില്ലിയിലേക്ക് പോയതിന് ശേഷം പോലീസ് കാവല്‍ പിന്‍വലിക്കുകയായിരുന്നു. ഈ സമയത്താണ് ആക്രമണം ഉണ്ടായത്.

സോണിയ ഗാന്ധിയേയും ഉമ്മന്‍ ചാണ്ടിയേയും പിന്തുണക്കുന്ന പ്രേമചന്ദ്രന് മാപ്പില്ലെന്നാണ് മതിലില്‍ ഒട്ടിച്ച പോസ്റ്ററില്‍ എഴുതിയിരിക്കുന്നത്. പ്രേമചന്ദ്രന്‍ എല്‍ഡിഎഫിനെ വഞ്ചിച്ചുവെന്നും പോസ്റ്ററില്‍ എഴുതിയിട്ടുണ്ട്.

കഴിഞ്ഞ ലോക്‌സഭ തിരഞ്ഞെടുപ്പില്‍ സിപിഎമ്മിന്റെ ഏറ്റവും ശ്രദ്ധകൊടുത്ത മണ്ഡലമായിരുന്നു കൊല്ലം. സിപിഎമ്മിന്റെ പോളിറ്റ് ബ്യൂറോ അംഗമായിരുന്ന എംഎ ബേബിയായിരുന്നു എന്‍കെ പ്രേമചന്ദ്രന്റെ എതിര്‍ സ്ഥാനാര്‍ത്ഥി.

English summary
Stone pelting towards NK Premachandran's house
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X