അക്ഷരയുടെ വീഡിയോയും സുചിലീക്‌സില്‍ പുറത്ത്.... ഭയപ്പാടില്‍ നടിമാര്‍

By രശ്മി നരേന്ദ്രൻ

Updated: Friday, March 2, 2018, 14:46 [IST]

ചെന്നൈ: മലയാളി നടിമാരുടെ വീഡിയോകളും ചിത്രങ്ങളും പുറത്ത് വിടും എന്ന ഭീഷണിയ്ക്ക് പിറകേ തെന്നിന്ത്യന്‍ താരം അക്ഷരയുടെ വീഡിയോ പുറത്ത്. സുചിലീക്‌സ് തന്നെയാണ് ഈ ദൃശ്യങ്ങളും ചിത്രങ്ങളും പുറത്ത് വിട്ടത്.

പ്രേമം ഫെയിം മഡോണ സെബാസ്റ്റിയന്റേത് എന്ന പേരില്‍ സുചിലീക്‌സ് ഒരു സെല്‍ഫി പുറത്ത് വിട്ടിരുന്നു. അതിന് ശേഷമാണ് സുചിലീക്‌സ് എന്ന ഒരു ട്വിറ്റര്‍ അക്കൗണ്ടില്‍ നിന്ന് അക്ഷരയുടെ ദൃശ്യങ്ങള്‍ പുറത്തായത്. ഹിന്ദി, തമിഴ് സിനിമകളില്‍ സജീവമാണ് ഇപ്പോള്‍ അക്ഷര ഗൗഡ. ഇനി ആരുടെ രഹസ്യങ്ങളാണ് സുചി ലീക്‌സ് പുറത്തുവിടുക?

ധനുഷിനെതിരെ ആരോപണം ഉന്നയിച്ചാണ് ഗായിക സുചിത്ര വിവാദം തുടങ്ങിയത്. പിന്നാലെ സുചിലീക്സ് എന്ന പേരിൽ ട്വിറ്ററിൽ അക്കൗണ്ടുകൾ പ്രത്യക്ഷപ്പെട്ടു. സുചി ലീക്‌സ് എന്ന പേര് കൊടുത്ത അക്കൗണ്ടുകൾക്ക് ഇഷ്ടം പോലെ ഫോളേവേഴ്‌സും കിട്ടി. 35,000 ല്‍ അധികം ഫോളോവേഴ്‌സിനെ ഉണ്ടാക്കിയത് വെറും വിരലിലെണ്ണാവുന്ന ദിവസങ്ങള്‍ക്കുള്ളിലാണ്. സുചിത്രയുടെ പേര് പറഞ്ഞ് അവസരം മുതലെടുക്കാനുള്ള ശ്രമമാണ് മറ്റ് പലരും നടത്തിയത്.