ഇഷ്ട നടന് മോഹന്ലാലെന്ന് പത്മനാഭന്; അപ്പൊ മമ്മൂട്ടിയോ? എഴുപതാം വയസില്....!!!
തിരുവനന്തപുരം: തന്റെ ഇഷ്ട നടന് മോഹന്ലാലാണെന്ന് പ്രശസ്ത എഴുത്തുകാരന് ടി പത്മനാഭന്. ഇഷ്ടപ്പെട്ട നടി സുരഭി ലക്ഷ്മിയാണെന്നും അദ്ദേഹം പറഞ്ഞു.
മമ്മൂട്ടിയെയും പത്മനാഭന് വളരെ ഇഷ്ടമാണ്. എന്നുകരുതി എഴുപതാം വയസില് അവര് കൊച്ചുമക്കളുടെ പ്രായത്തിലുള്ള പെണ്കുട്ടികളുമായി ആടിപ്പാടുന്നതൊന്നും സ്വീകാര്യമല്ലെന്നും പത്മനാഭന് പറഞ്ഞു.
മമ്മൂട്ടിയും മോഹന്ലാലുമൊക്കെ ഒന്നാന്തരം നടന്മാരാണ്. മലയാള സിനിമയുടെ ഇന്നത്തെ താരാധിപത്യത്തിന് കാരണം ഇവരുംകൂടിയാണെന്നും പത്മനാഭന് പറഞ്ഞു.
തന്റെ ഏറ്റവും ഇഷ്ടപ്പെട്ട സിനിമ സൗണ്ട് ഓഫ് മ്യൂസിക്കാണ്. മലയാളത്തില് മമ്മൂട്ടി നായകനായ കമലിന്റെ രാപ്പകല്. നെഗറ്റീവ് മെസേജ് ഒന്നും സിനിമയില് കൊണ്ടുവരാത്ത സംവിധായകനാണ് കമല് എന്നും പത്മനാഭന് പറഞ്ഞു.
രഞ്ജിത്തിന്റെ ദേവാസുരവും ആറാം തമ്പുരാനും നരസിംഹവും തനിക്ക് ഇഷ്ടമാണ്. മലയാളത്തിലെ ക്ലാസിക്കുകളാണ് ഇവയെല്ലാം. ദിലീഷ് പോത്തന്റെ തൊണ്ടിമുതലും ദൃക്സാക്ഷിയും ബെസ്റ്റല്ലേ എന്നും പത്മനാഭന് ഗൃഹലക്ഷ്മിക്ക് അനുവദിച്ച അഭിമുഖത്തില് ചോദിച്ചു.