തൊണ്ടിമുതല് കേസ്: ആന്റണി രാജുവിന് തിരിച്ചടി, വിചാരണ നേരിടണമെന്ന് സുപ്രീംകോടതി
ന്യൂഡല്ഹി: തൊണ്ടിമുതല് കേസില് മുന് മന്ത്രി ആന്റണി രാജു പുനരന്വേഷണം നേരിടണമെന്ന് സുപ്രീം കോടതി. ഒരു വര്ഷത്തിനുള്ളില് വിചാരണ നടത്തണമെന്നും കോടതി ആവശ്യപ്പെട്ടു. ഹൈക്കോടതി ഉത്തരവ് അംഗീകരിച്ച് കൊണ്ടാണ് സുപ്രീം കോടതി നടപടി. അന്വേഷണത്തിനെതിരെ ആന്റണി രാജു സമര്പ്പിച്ച ഹര്ജി തള്ളി കൊണ്ടാണ് കോടതിയുടെ ഉത്തരവ്. ജസ്റ്റിസ് സിടി രവികുമാര് അധ്യക്ഷനായ ബെഞ്ചാണ് വിധി പുറപ്പെടുവിച്ചത്.
നേരത്തെ തൊണ്ടിമുതലില് കൃത്രിമം കാണിച്ചെന്ന കേസ് ഗുരുതരമാണെന്ന് സംസ്ഥാന സര്ക്കാര് സത്യവാങ്മൂലം നല്കിയിരുന്നു. ലഹരിമരുന്ന് കേസിലെ തൊണ്ടിമുതലായ അടിവസ്ത്രത്തില് അന്ന് ജൂനിയര് അഭിഭാഷകനായ ആന്റണി രാജു കൃത്രിമം നടത്തി എന്നതാണ് കേസ്. കേസിലെ രണ്ടാം പ്രതിയാണ് ആന്റണി രാജു. കോടതിയുടെ പരിഗണനയിലുണ്ടായിരുന്ന തൊണ്ടിമുതലില് കൃത്രിമം കാണിച്ച് പ്രതിയെ അന്ന് അഭിഭാഷകനായിരുന്ന ആന്റണി രാജു രക്ഷപ്പെടുത്തി എന്നതാണ് കേസ്.
1990 ഏപ്രില് 4-നായിരുന്നു കേസിനാസ്പദമായ സംഭവം. തിരുവനന്തപുരം വിമാനത്താവളത്തില് ലഹരി മരുന്ന് കേസില് പിടിയിലായ ഓസ്ട്രേലിയന് പൗരനെ രക്ഷപ്പെടുത്താന് തൊണ്ടിമുതലായ അടിവസ്ത്രം കോടതിയില് നിന്നും മാറ്റി പകരം മറ്റൊന്ന് വെച്ചു എന്നതാണ് ആന്റണി രാജുവിനെതിരായ കേസ്. കോടതി ജീവനക്കാരനായ ജോസ് ആണ് കേസിലെ മറ്റൊരു പ്രതി.
അടിവസ്ത്രത്തിലൊളിപ്പിച്ച 61 ഗ്രാം ഹാഷിഷുമായി ഓസ്ട്രേലിയന് പൗരനായ ആന്ഡ്രൂ സാല്വദോര് സര്വലിയാണ് വിമാനത്താവളത്തില്ല വെച്ച് പിടിയിലായത്. തിരുവനന്തപുരം സെഷന്സ് കോടതിയിലായിരുന്നു വിചാരണ. ആന്റണി രാജുവും അദ്ദേഹത്തിന്റെ സീനിയറുമായിരുന്ന സെലിന് വില്ഫ്രഡാണ് പ്രതിയുടെ വക്കാലത്തെടുത്തത്. എന്നാല് കേസ് തോല്ക്കുകയായിരുന്നു.
പിന്നാലെ പ്രതിക്ക് 10 വര്ഷം തടവും ഒരുലക്ഷം രൂപ പിഴയും തിരുവനന്തപുരം സെഷന്സ് കോടതി വിധിച്ചു. എന്നാല് പ്രതിക്കായി ഹൈക്കോടതിയില് അപ്പീല് ഫയല് ചെയ്തു. കുഞ്ഞിരാമമേനോന് ആയിരുന്നു പ്രതിക്ക് വേണ്ടി ഹാജരായത്. കേസില് ആന്ഡ്രൂ കുറ്റവിമുക്തനായി. കേസിലെ പ്രധാന തൊണ്ടിവസ്തുവായി പൊലീസ് ഹാജരാക്കിയ അടിവസ്ത്രം പ്രതിയുടേതല്ല എന്ന വാദം മുഖവിലയ്ക്കെടുത്തായിരുന്നു കോടതി നടപടി.
പിന്നാലെ ആന്ഡ്രൂ രാജ്യം വിടുകയും ചെയ്തു. എന്നാല് ഓസ്ട്രേലിയയില് വെച്ച് ഒരു കൊലക്കേസില് ആന്ഡ്രൂ പ്രതിയായി. തടവില് കഴിയുന്നതിനിടെ ആന്ഡ്രൂ സഹതടവുകാരനോട് കേരളത്തിലെ കേസില് അഭിഭാഷകന്റെയും കോടതിയിലെ ക്ലാര്ക്കിന്റെയും സഹായത്തോടെ അടിവസ്ത്രം മാറ്റിയെന്നും അങ്ങനെ താന് കേസില് കുറ്റവിമുക്തനായി എന്നും പറഞ്ഞു. ഇക്കാര്യം സഹതടവുകാരന് പൊലീസിനെ അറിയിച്ചു.
1996 ജനുവരി 25 ന് ഈ മൊഴി കാന്ബറയിലെ ഇന്റര്പോള് യൂണിറ്റ് ഇന്ത്യയിലെ ഇന്റര്പോള് യൂണിറ്റിനും ഇവിടെ നിന്നും കേരള പൊലീസിനും കൈമാറി. ഇതോടെ കേസില് കൃത്രിമം നടന്നുവെന്ന് ചൂണ്ടിക്കാട്ടി അന്വേഷണ ഉദ്യോഗസ്ഥനായ സിഐ കെകെ ജയമോഹന് ഹൈക്കോടതി വിജിലന്സിന് പരാതി നല്കുകയും അന്വേഷണത്തിന് ഹൈക്കോടതി ഉത്തരവിടുകയുമായിരുന്നു.
കോടതിയുടെ പരിഗണനയിലിരുന്ന തൊണ്ടിമുതലില് കൃത്രിമത്വം നടന്നത് അതീവ ഗൗരവത്തോടെയാണ് സുപ്രീംകോടതി വിലയിരുത്തിയത്. തിരുവനന്തപുരം ജെഎഫ്എംസി -രണ്ടില് സൂക്ഷിച്ചിരുന്ന തൊണ്ടിമുതലില് ആണ് തിരിമറി നടത്തിയത്. എന്നാല് തൊണ്ടിമുതലില് കൃത്രിമത്വം നടന്നിട്ടുണ്ടെങ്കില് ഉത്തരവാദി പൊലീസ് ആകാം എന്നായിരുന്നു ആന്റണി രാജുവിന്റെ വാദം.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google