ലാവ്ലിൻ: പിണറായിയെ കുറ്റവിമുക്തനാക്കിയത് തെറ്റെന്ന് സിബിഐ, ശക്തമായ വാദമുണ്ടോയെന്ന് സുപ്രീം കോടതി
ദില്ലി: എസ്എന്സി ലാവ്ലിന് കേസില് മുഖ്യമന്ത്രി പിണറായി വിജയന് അടക്കമുളളവരെ കുറ്റവിമുക്തരാക്കിയത് തെറ്റെന്ന് സിബിഐ സുപ്രീം കോടതി. ലാവ്ലിന് കേസ് സുപ്രീം കോടതി പരിഗണനയ്ക്ക് എടുത്തപ്പോഴാണ് സിബിഐ നിലപാട് അറിയിച്ചത്. കേസില് പിണറായി വിജയന് ഉള്പ്പെടെയുളള മൂന്ന് പേരെ കുറ്റവിമുക്തരാക്കിയ ഹൈക്കോടതി വിധി തെറ്റാണ് എന്നാണ് സിബിഐ വാദിച്ചത്.
അതേസമയം പിണറായി വിജയന് അടക്കമുളളവരെ രണ്ട് കോടതികളും വെറുതെ വിട്ടതാണ് എന്ന് സുപ്രീം കോടതി ചൂണ്ടിക്കാട്ടി. അതിനാല് കേസില് ശക്തമായ വാദങ്ങളുമായി വരാനും സുപ്രീം കോടതി നിര്ദേശിച്ചു. സിബിഐ വിശദമായ കുറിപ്പ് നല്കാനും സുപ്രീം കോടതി ആവശ്യപ്പെട്ടിട്ടുണ്ട്. സോളിസിറ്റര് ജനറല് തുഷാര് മേത്തയാണ് സിബിഐക്ക് വേണ്ടി സുപ്രീം കോടതിയില് ഹാജരായത്.
കേസുമായി ബന്ധപ്പെട്ട് കൂടുതല് രേഖകള് കോടതിയില് സമര്പ്പിക്കാമെന്ന് തുഷാര് മേത്ത കോടതിയെ അറിയിച്ചു. അതിന് സിബിഐക്ക് അനുമതി നല്കിയ സുപ്രീം കോടതി കേസ് ഈ മാസം പതിനാറിന് വീണ്ടും പരിഗണിക്കും. പ്രമുഖ അഭിഭാഷകനായ ഹരീഷ് സാല്വേ ആണ് മുഖ്യമന്ത്രി പിണറായി വിജയന് വേണ്ടി ലാവ്ലിന് കേസില് സുപ്രീം കോടതിയില് ഹാജരായത്. ജസ്റ്റിസ് യുയു ലളിതിന്റെ അധ്യക്ഷതയിലുളള ബെഞ്ചാണ് ലാവ്ലിന് കേസ് പരിഗണിക്കുന്നത്.
ലാവ്ലിന് കേസ് അതീവ ഗൗരവം ഉളളതാണ് എന്നും അതിനാല് വേഗത്തില് തീര്പ്പാക്കണം എന്നും സിബിഐ നേരത്തെ സുപ്രീം കോടതിയില് ആവശ്യപ്പെട്ടിരുന്നു. കേസ് കേള്ക്കുന്നതില് നിന്നും ഒരു തവണ പിന്മാറിയ ജസ്റ്റിസ് യുയു ലളിതിന്റെ നേതൃത്വത്തില് മൂന്നംഗ ബെഞ്ചാണ് ലാവ്ലിന് കേസ് പരിഗണിക്കുന്നത്. ലാവ്ലിന് കേസില് പിണറായി വിജയന് ഏഴാം പ്രതി ആയിരുന്നു. പിണറായിയെ കൂടാതെ ഒന്നാം പ്രതി മുന് ഊര്ജ്ജ സെക്രട്ടറി കെ മോഹനചന്ദ്രന്, എട്ടാം പ്രതി മുന് ജോയിന്റ് സെക്രട്ടറി എ ഫ്രാന്സിസ് എന്നിവരെ വിചാരണക്കോടതി പ്രതിപ്പട്ടികയില് നിന്ന് ഒഴിവാക്കിയിരുന്നു. ഇത് ഹൈക്കോടതിയും പിന്നീട് ശരിവെച്ചു. ഈ വിധിയെ ചോദ്യം ചെയ്താണ് സിബിഐ സുപ്രീം കോടതിയെ സമീപിച്ചത്.
Recommended Video
-
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
"ഭരണത്തുടർച്ച ഉറപ്പ്"; കേരളത്തെ അടുത്ത തലത്തിലേക്ക് ഉയർത്തുമെന്ന് മുഖ്യമന്ത്രി! -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ?
Click it and Unblock the Notifications
Sign in with Google