ഇന്ത്യയില്‍ ഡെവിളോക്രസിയെന്ന് സുരേഷ്ഗോപി

By Meera Balan

Published: Thursday, February 20, 2014, 10:54 [IST]

ദുബായ്: രാഷ്ട്രീയക്കാരെ വിമര്‍ശിച്ച് നടന്‍ സുരേഷ് ഗോപി രംഗത്ത്. ഇന്ത്യയില്‍ നടക്കുന്നത് ഡെമോക്രസിയല്ല ഡെവിളോക്രസിയാണെന്നും സുരേഷ് ഗോപി. ഇന്ദിരാഗാന്ധി ഒഴികെയുള്ള എല്ലാ രാഷ്ട്രീയ നേതാക്കളോടും തനിയ്ക്ക് പുച്ഛമാണെന്നും സുരേഷ് ഗോപി ദുബായില്‍ പറഞ്ഞു. ദുബായില്‍ വാര്‍ത്താ സമ്മേളനത്തില്‍ പങ്കെടുത്ത് സംസാരിയ്ക്കുകയായിരുന്നു ആക്ഷന്‍ സ്റ്റാര്‍.

രാഷ്ട്രീയക്കാര്‍ ജനങ്ങളെ വിഡ്ഢികളാക്കുകയാണെന്നും സുരേഷ് ഗോപി. രാഷ്ട്രീയത്തിലല്ല രാഷ്ട്രീയപാര്‍ട്ടികളിലാണ് നവോത്ഥാനമുണ്ടാകേണ്ടതെന്നും സുരേഷ് ഗോപി. ഇപ്പോഴുള്ള നേതാക്കളോട് തനിയ്ക്ക് പുച്ഛമാണെന്നും സുരേഷ് ഗോപി. ഉദ്യോഗസ്ഥവൃന്ദത്തിന്‍റെ അഴിമതി തുടച്ച് നീക്കണമെന്നാണ് കെജ്രിവാള്‍ പറഞ്ഞത്.അത് ആദ്യം നടപ്പാക്കിയത് ഇന്ദിരാഗാന്ധി ആയിരുന്നെന്നും സുരേഷ് ഗോപി

പ്രകൃതി സംരക്ഷണത്തില്‍ രാഷ്ട്രീയക്കാര്‍ക്ക് രണ്ട് നയമാണെന്നും സുരേഷ് ഗോപി. ജനങ്ങളോട് പറയുന്നത് ഒന്ന് പ്രവര്‍ത്തിയ്ക്കുന്നത് മറ്റൊന്ന്. ഇന്ദിരാഗാന്ധിയെപ്പോലുള്ള ഉരുക്കു വനിതയായ രാഷ്ട്രീയ നേതാവിനോട് മാത്രമേ തനിയ്ക്ക് ബഹുമാനമുള്ളുവെന്നും സുരേഷ് ഗോപി.

Published On February 20, 2014