സുരേഷ്ഗോപി രാഷ്ട്രീയത്തിലിറങ്ങുമോ?
മോദിയുടെ പ്രവര്ത്തനത്തെ സ്തുതിച്ചുകൊണ്ട് നടന് സുരേഷ് ഗോപി. പ്രധാനമന്ത്രി നരേന്ദ്രമോദി തുടക്കത്തില് കാട്ടിയ ചടുലത മൂന്നു മാസം നിലനിര്ത്തിയാല് ഭാരതത്തിന്റെ സാംസ്കാരിക മൂല്യം തിരിച്ചുപിടിക്കാന് കഴിയുമെന്നും സാമ്പത്തിക രംഗത്ത് മുന്നേറ്റമുണ്ടാക്കാന് കഴിയുമെന്നും അഭിമുഖത്തില് അദ്ദേഹം പറഞ്ഞു.
താന് രാഷ്ട്രീയത്തിലിറങ്ങാന് പലരും ആഗ്രഹിക്കുന്നുണ്ടെങ്കിലും അവരുടെ ആഗ്രഹത്തെ താന് തള്ളിപ്പറയുന്നില്ലെന്നും അദ്ദേഹം നിലപാട് വ്യക്തമാക്കി. താനൊരു നടനാണെന്നും റിയാലിറ്റി ഷോയില് പാട്ടുപാടിയും ഉല്സവപറമ്പില് പ്രസംഗിച്ചും കുറച്ച് നല്ല സിനിമകളില് അഭിനയിച്ചും ജീവിക്കാനാണ് ആഗ്രഹം. എനിക്ക് മറ്റൊരു ചിന്തയുമില്ല. വേണ്ടാത്തതൊക്കെ ആഗ്രഹിച്ചാല് ജീവിതം മുങ്ങിപ്പോകും. രാഷ്ട്രീയത്തില് പിടിച്ചുനില്ക്കാന് കൊമ്പിനു മൂര്ച്ചയില്ലെന്നും ഇടിച്ചിടാനുള്ള ശക്തിയുമില്ലെന്നും സുരേഷ്ഗോപി പറഞ്ഞു.
കേരളത്തിന്റെ വികസനത്തെക്കുറിച്ചുള്ള ഡാറ്റാ കലക്ട് ചെയ്യാനാണ് മോദി തന്നെ വിളിപ്പിച്ചത്. ഇനിയും സമയം കിട്ടിയാല് ഞാന് അദ്ദേഹത്തെ പോയി കാണും, കേരളത്തിന്റെ കാര്യം പറയുമെന്നും സുരേഷ്ഗോപി പറഞ്ഞു.
സുരേഷ്ഗോപി രാഷ്ട്രീയത്തിലിറങ്ങുമെന്നാണ് എല്ലാവരും പ്രതീക്ഷിക്കുന്നത്.എന്നാല് ്അതേക്കുറിച്ച് കൃത്യമായൊരു ഉത്തരം മാത്രം നല്കിയിട്ടില്ല. തിരഞ്ഞെടു്പ്പിനു മുന്പ് മോദി അദ്ദേഹത്തെ വിളിപ്പിച്ചതും മോദിയുടെ സത്യപ്രതിജ്ഞ കാണാന് അദ്ദേഹം പോയതുമെല്ലാം വലിയ വാര്ത്തയായിരുന്നു. സുരേഷ്ഗോപിയുടെ ഇനിയുള്ള നാളുകളിലെ നീക്കം ശ്രദ്ധിക്കുകയാണ് രാഷ്ട്രീയ കേരളവും സിനിമാ ലോകവും.